أقـول ياعاذلـي رح مالـك ومـالـي=نفس الفتى ماتحب اللـي يعـذربهـا
اناابخص الناس في حِلي وترحالي=النفس نفسي واعرف اشلون احاسبها
لضاق صدري وتاه من الغـثـا بالـي=والارض ضاقت وضاقت بي مناكبهـا
نصيت لي مرقبٍ في صحـصحٍ خالـي=في راس رجمٍ تصافـق بـي هبايبهـا
بارضٍ خلا خاليه ماحولـك الوالــي=بس الذيابه تعـاوي فـي مراقبهــا
جلست في مرقبي ابكي على حالــي=من حـرةٍ بالحشـا زادت لواهبهــا
وقامت تكسر بصدري عـبرة الجالـي*=اللـي قبـل يتِقـي لـد لمضاربهــا
وقمـت اتفكـر بوقتـي اول وتالــي=وشلون عقب الصفا شانت مشاربهــا
طاوعت ثنتيـن والثنتيـن غربالــي=استاهل اللي حصل لي من مصايـبهـا
يامن يوصـل لابوجـراح* مرسالـي=انا على العهد احارب مـن تحـاربهـا
لغبت عني تكـدر خاطـري السالـي=لغابـت الشمـس ماتنفـع كواكبـهـا
دامك رفيقـي ورب البيـت مابالـي=اضرب على الكايده مانـي بهايبـهـا
يالله طلبتك ودمـع العيـن همالــي=اغفر ذنوبي قبـل تِنشـب مخالبـهـا

نصيت لي مرقبٍ في صحصحٍ خالـي في راس رجمٍ تصافق بـي هبايبهـا بارضٍ خلا خاليه ماحولـك الوالـي بس الذيابه تعـاوي فـي مراقبهـا جلست في مرقبي ابكي على حالـي من حـرةٍ بالحشـا زادت لواهبهـا

أقول ياعاذلـي رح مالـك ومالـي=نفس الفتى ماتحب اللـي يعذربهـا
اناابخص الناس في حِلي وترحالـي=النفس نفسي واعرف اشلون احاسبها

وقامت تكسر بصدري عـبرة الجالـي*=اللـي قبـل يتِقـي لـد لمضاربهــا
وقمـت اتفكـر بوقتـي اول وتالــي=وشلون عقب الصفا شانت مشاربهــا
طاوعت ثنتيـن والثنتيـن غربالــي=استاهل اللي حصل لي من مصايـبهـا

احمد بن عبدالرحمن العريفي
(نديم المجره)

صح السانك مدد بلا عدد اخي الكريم
لله درك يا احمد على هذة الجزاله الغير مستغربه
وعلى هذا الوصف الذي اضفى على روعة الابيات رونقاً وجمالا


تقبل مروري وفائق مودتي

دمت كما انت مبدع

المشاركة الأصلية كتبت بواسطة بنت الكحيلا (المشاركة 335842) صح لسانك اخوي احمد العريفي والله يعطيك العافية على القصيدة الرائعه ابدعت بما كتبت بارك الله فيك لك شكري وتقديري