نافع في دائرة التـحـقـيـــــق
في خاطري هرجةٍ ببدأ بها يوم الشعر طاب=وهذي حقيقة ولايزعلك قولي للحقيقة نافع تغيب عن القلطة ولا ادري ويش الاسباب=ولو يمسك المقرفون يولع الساحة حريقة |
رد: نافع في دائرة التـحـقـيـــــق
صح لسانك ونعم التعنيز والطلب
وابو عيد لها صحت السنتكم من بدري وسنتابع هنا وبتروي |
رد: نافع في دائرة التـحـقـيـــــق
الله الله ولعوها نار والنار من شبابها صح لسانك يالحميدي وبالنتظار ابو عيد http://www.bnitamem.com/uploadcenter/files/15333.gif |
رد: نافع في دائرة التـحـقـيـــــق
,
ياسلام ياسلام . . صح لسانك يا الحميدي وننتظر حضور نافع . . متابع لكم بإذن الله . . , |
رد: نافع في دائرة التـحـقـيـــــق
الله اكبر يا الحميدي وصح لسانك وعليك بالموذين كلهم واولهم نويفع مع اني عارف ان وضعه هاليومين حوسة ..
( بيني وبينك كايشين عليه العيلة .. ( العيال وامهم ) عقب هالملكة الاخيرة والامور تزين ان شاء الله ) بس شد حيلك وسنعه لنا .. |
رد: نافع في دائرة التـحـقـيـــــق
جائز المليحان....معيض بن عريفج......نادر بن دوشان.......لكم مني كل الشكر....والاحترام......على المتابعة.......والمرور...
خلف الغريب........ابشر.....نوريك به........اما يجي زي أول .....والا يقعد بالبيت.......ويصبر على الشناه العائلية....... شكراً ابو خالد على هالطلة المباركة... |
رد: نافع في دائرة التـحـقـيـــــق
اقتباس:
اقلط تفضل وهات العلم بين اقراب واجناب=والقول لاصار دون اثبات معروف طريقه ماغبت عنها بوقت موقفه تفتل به اشناب=يومن بعض العرب لامن وقف يشرق بريقه |
رد: نافع في دائرة التـحـقـيـــــق
سجل حظورك وانا اباقول لك ماتكتب غياب=وهيهات وانا صديق ينتظر شوفة صديقة وان كان دارت رحاها بالوغى لاتقضب الباب=والحر ياالاجودي جمع الحباري مايضيقه |
رد: نافع في دائرة التـحـقـيـــــق
اقتباس:
موجود واشرف على من هو بغى يكتب له كتاب=والبحر مهمى هدى من يجهله يصبح غريقه وان كان دارت رحاها حبكم مطحون يصحاب=والحرمثلي ليامنه كفخ مااحد يعيقه |
رد: نافع في دائرة التـحـقـيـــــق
اشكر جميع من مر هنا ماعدى خلف الغريب لانه انسان غير مرغوب فيه ولاتصدقونه تراه انسان يحب الاشاعات
|
رد: نافع في دائرة التـحـقـيـــــق
الحميدي بن طالب
نافع بن عيد لله دركم شعراء ومتميزين طاروق كاااايف من شعراء كبار |
رد: نافع في دائرة التـحـقـيـــــق
انا ادري انك تشيل الحمل ماتبلش بالاتعاب=لكن معيه ماتاخذ ثانية والا دقيقة يانافع العيد حطيتك مابين الظرس والناب=ازهم خلف يمكن انه يسعفك يأيت طريقة |
رد: نافع في دائرة التـحـقـيـــــق
اقتباس:
التميز وجودك طال عمرك...... |
رد: نافع في دائرة التـحـقـيـــــق
اقتباس:
مادمت تعرف فعولي يالحميدي قفل الباب=لاتشبه اللي نهار الفوزهدف في فريقه مثلك ترى يالحميدي ماحسبنا له بالاحساب=اكيد ابا ازهم خلف حتى يشوفك بالحديقه |
رد: نافع في دائرة التـحـقـيـــــق
اشكر جميع من تكرم بالمرور المشرف
|
رد: نافع في دائرة التـحـقـيـــــق
يانافع العيد مثلك لعبة بيدين لعاب=ولاني بمزعلك لاني صاحبٍ يدرى رفيقة انا ادري انك ليا واجهتني تخشى وترتاب=لكن سلم وخل ابوابها تبقى غليقة ولك الشكر....يابو عيد......تشرفت.....وتعلمت......فشكراً لك |
رد: نافع في دائرة التـحـقـيـــــق
الللللللللللللللللللللللللللللللللللللللللله يسعدددددددكم صحت السنتكم وبيض الله وجيهكم همسه لاخوي نافع>>وش رايك اذا عندك صلاحية حظر عضويه انك تحظر خلف الغريب لايدخل ياخوي هو غالي عندي ولكن يوم شفت كلامه عنك ومار بغضه يطير من راسي ههههه>>>يحب تعقيد الشوش |
رد: نافع في دائرة التـحـقـيـــــق
اقتباس:
ههههههههههههه الله يسترلايحضر عضوياتنا لانه هو المدير على جيع الاقسام لكن ابشرك هو مشغول الايام هاذي طاح له بورطه اعلمك بها لياتقابلنا الستر زين هههههههه |
رد: نافع في دائرة التـحـقـيـــــق
محاورة راائعة ومميزة من شعراء مبدعين
الحميدي طالب نافع الجديد ابداااااع وماقصرتوا بيض الله وجيهكم وبعدين يابو عيد ترانا ندور على ابو خالد اي شيء تكفى نشري العلوم اللي عندك باللي انت تبي عشان مايبلشنا هالمدير انتظرك عشان نخرب عليه هههههههه |
رد: نافع في دائرة التـحـقـيـــــق
الشاعر الحميدي
الشاعر نافع بن عيد صح الله السنتكم جميع شعار مبدعين في جميع اغراض الشعر تقبلو مروري واعجابي |
| الساعة الآن (12:02 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه