السلام عليكم وعذرا لطول الانقطاع


وهذه ابياتي في حفل قبيلتي قبيلة الضواوية لقبيلة جهينة

ارجو انها تحوز رضاكم

الشعر له حزة مثل كل الدعـاوي فالحيـاه =وشي ٍ يخالف حزته بالوقت مافيـه ثمـره
وانا مدام الموهبة تمشي معي بـاي اتجـاه=ماني مكرر جملة ان العفو عنـد المقـدره
ابا اتمشى وسط روض الفكر واطالع بهـاه=وان جيت ابقطف مااقطف الا كل نبته مزهره
الليل هذا معتزم صدري يبيـح عـن خفـاه=مار الله يعيـن الدفاتـر والقلـم والمحبـره
دواعي الابـداع تستدعـي جميـع الانتبـاه=واية جهد فيما مضى مذخور ممنوع اذخـره
والشاعر اللي يوم تقبل حزتـه يرجـع وراه=مهما اختلق له عذر مااظن الخلايق تعـذره
الا اذا أنه شايف ٍ له شـي يعلـو مستـواه=هذا ليا منـه تستـر جعـل ربـي يستـره
السر يملك صاحبه لن كان اذاعه مااحتـواه=وان كان مايبغى العيون تلد بـه ماينشـره
والشعر لابين على اللي يسمعه واللي قـراه=اصبح رهينة من تسمع فيه واللـي ينظـره
ملزوم من يبنيه قـدر امكانـه يجـود بنـاه=حتى ليا قامت ركونه مـاش شـي ٍ يدمـره
وحتى يليق بمستوى الموضوع ويحقق مناه=وحتى يليق بقدر راعين الوجيـه المسفـره
اقولها واببتدي في شكر من نرجـي عطـاه=رب عطانا خيـر وانعـام ٍ عليهـا نشكـره
من خيره انا في وطن يحكم بشرعه وبهـداه=العدل سايـد والتطـور والامـور ميسـره
يمسك زمامه والي ٍ يندر وجـوده فالـولاه=الله يعـزه والله يطـول بـقـاه وينـصـره
عبدالله اللي ياسعادة مـن تـذرى فـي ذراه=قلب كبير ٍ وعطف بين الناس مااحد ٍ ينكـره
مهما بغيت امدح جنابه مستحيل الحق مـداه=لكنه اسمه يخجل الشاعـر يمـر ويعبـره
الشعر في تمجيد ابو متعب يحقـق مبتغـاه=الصيت والتصفيق واستحصال صك المفخـره
والا ترى ماني بجايب شي غيـري مالقـاه=ان كان طولت المثـل والا بغيـت اقصـره
والـقمة اللي دونها الرجال تقـطع بـه قواه=يعذر ولاحد ٍ في وصول اقصى حصاها يجبره
وانا اشهد ان مليكنا هو قمة المـجـد وحجاه=وانا اشهد ان كل القـصايد بالمديح مقـصره
مار احمد الله يوم قـام بعافيـه والله شفـاه=قلوبنا عقب الكدر فـي شوفتـه مستبشـره
عود على الاقدام يمشي جعل يحميـه الالـه=ويحمي صقور ٍ عند جنبه لاللزوم مصقـره
سلطان عنوان الندى كل العرب تعرف نـداه=اللي تشابه من عطاياه المـزون الممطـره
ونايف وزير ٍ ماعرف للنوم طعـم ولاحـلاه=نمرح وهو من شاننا ليل الغـداري يسهـره
عيال من وحد ثراها طيـب المولـى ثـراه=على الكتاب اللي حكم في كل شـي ودبـره
صرنا بفضل الله ثم بفضـل عـزم ٍ ماثنـاه=اخوان تجمعنا المحبـة والقلـوب مطهـره
ننصى بعضنا في مسرات الزمان وفي قساه=والليل هذا اكبر دليـل لكـل قـول ٍ نذكـره
على شرفكم ياجهينه حفلنا شعشـع ضيـاه=حياكـم الله ياقبيلـة عـزة ياخيـر شجـره
أي والله امدحكم واظن المدح مافيه اشتبـاه=مدح الرجال اللي توفي حق شرهة من شره
جهينة انصار النبي في وقفته ضـد الطغـاه=يانعم بسلالة من انصـار النبـي متحـدره
من نصرته زيد بن خالد بارك الله في نمـاه=وعمر بن مره مشيته قدام ماهـي قهقهـره
وسنان بن وبر وعبدالله كعيـم ومـن تـلاه=ناس ٍ مافيهم واحد ٍ قلبه يخالـف مظهـره
وأعد عبدالله بن سبره عسانـا مـع خطـاه=وبشير نسل العقربه من سار نهجه بشـره
اسامي ٍ من يفتخر فيها معه وجـه ووجـاه=ماجبتهـا للحصـر لكـن جبتهـا للتذكـره
والخير ماهو منقطع مع عزوة ٍ دوم تحمـاه=جهينه رجال الوفا واهـل الـدروب الخيـره
قديمكم وافي وتاليكـم مثـال ٍ فـي وفـاه=وانتم هل بيوت ٍ على الطالات دوم معمـره
فرحة ضيوف وعز جار وسطوة ٍ ضد العصاه=للوقت هذا من على وقت السنين المعسـره
وان حل طاريّ الشيوخ اللي تزبـن للجـلاه=طاريك يابن غنيم مايحتاج شعـري يشهـره
شيخ ٍمن سلالة شيوخ مااستشاخت بالعبـاه=لابالله الا مـن فعـول ٍ فالزمـان مسـطـره
شرفتنا يامرحبا بك عـد نجـم فـي سمـاه=تـرحيبة ٍ بالمسك وانواع العطـور معطـره
خصيتها واعمها للي لفـى الحفـل ونصاه =حـياكـم الله يالنشامـى باللسـان مكـرره
هاذي عن اللي تحتفي بالضيف وتكرم لقـاه=ضواويه ربعي حزام اللي نصاهـم وظهـره
ياقف بواجبهم كريم ٍ دايم اللـوم يعـداه=منقل اللي لاوقــف للصعـب دايم يقهـره
زيزومنا اللي ياجده وقت العوايز من بغـاه=من شان ربعه يبذل جهوده وماله يخسـره
ابوه قبله يعرفونه باع نوقـه مـن صخـاه=يوم ابتنى بيته بجـو ٍ كـل طرقـي يسبـره
قالو له ارحل قال راي ٍ متضح عندي خطـاه=ماوالله ارحل لو يجون البيت باليوم اعشـره
اقولها ونهاية الابيـات قـول ٍ لـه طـراه=الشعر لو مايمدح اهل الطيب مافيـه ثمـره

وسلامتكم واعذرونا على القصور

المشاركة الأصلية كتبت بواسطة سلامة الجعفري (المشاركة 325543) السلام عليكم وعذرا لطول الانقطاع وهذه ابياتي في حفل قبيلتي قبيلة الضواوية لقبيلة جهينة ارجو انها تحوز رضاكم الشعر له حزة مثل كل الدعـاوي فالحيـاه =وشي ٍ يخالف حزته بالوقت مافيـه ثمـره وانا مدام الموهبة تمشي معي بـاي اتجـاه=ماني مكرر جملة ان العفو عنـد المقـدره ابا اتمشى وسط روض الفكر واطالع بهـاه=وان جيت ابقطف مااقطف الا كل نبته مزهره الليل هذا معتزم صدري يبيـح عـن خفـاه=مار الله يعيـن الدفاتـر والقلـم والمحبـره دواعي الابـداع تستدعـي جميـع الانتبـاه=واية جهد فيما مضى مذخور ممنوع اذخـره والشاعر اللي يوم تقبل حزتـه يرجـع وراه=مهما اختلق له عذر مااظن الخلايق تعـذره الا اذا أنه شايف ٍ له شـي يعلـو مستـواه=هذا ليا منـه تستـر جعـل ربـي يستـره السر يملك صاحبه لن كان اذاعه مااحتـواه=وان كان مايبغى العيون تلد بـه ماينشـره والشعر لابين على اللي يسمعه واللي قـراه=اصبح رهينة من تسمع فيه واللـي ينظـره ملزوم من يبنيه قـدر امكانـه يجـود بنـاه=حتى ليا قامت ركونه مـاش شـي ٍ يدمـره وحتى يليق بمستوى الموضوع ويحقق مناه=وحتى يليق بقدر راعين الوجيـه المسفـره اقولها واببتدي في شكر من نرجـي عطـاه=رب عطانا خيـر وانعـام ٍ عليهـا نشكـره من خيره انا في وطن يحكم بشرعه وبهـداه=العدل سايـد والتطـور والامـور ميسـره يمسك زمامه والي ٍ يندر وجـوده فالـولاه=الله يعـزه والله يطـول بـقـاه وينـصـره عبدالله اللي ياسعادة مـن تـذرى فـي ذراه=قلب كبير ٍ وعطف بين الناس مااحد ٍ ينكـره مهما بغيت امدح جنابه مستحيل الحق مـداه=لكنه اسمه يخجل الشاعـر يمـر ويعبـره الشعر في تمجيد ابو متعب يحقـق مبتغـاه=الصيت والتصفيق واستحصال صك المفخـره والا ترى ماني بجايب شي غيـري مالقـاه=ان كان طولت المثـل والا بغيـت اقصـره والـقمة اللي دونها الرجال تقـطع بـه قواه=يعذر ولاحد ٍ في وصول اقصى حصاها يجبره وانا اشهد ان مليكنا هو قمة المـجـد وحجاه=وانا اشهد ان كل القـصايد بالمديح مقـصره مار احمد الله يوم قـام بعافيـه والله شفـاه=قلوبنا عقب الكدر فـي شوفتـه مستبشـره عود على الاقدام يمشي جعل يحميـه الالـه=ويحمي صقور ٍ عند جنبه لاللزوم مصقـره سلطان عنوان الندى كل العرب تعرف نـداه=اللي تشابه من عطاياه المـزون الممطـره ونايف وزير ٍ ماعرف للنوم طعـم ولاحـلاه=نمرح وهو من شاننا ليل الغـداري يسهـره عيال من وحد ثراها طيـب المولـى ثـراه=على الكتاب اللي حكم في كل شـي ودبـره صرنا بفضل الله ثم بفضـل عـزم ٍ ماثنـاه=اخوان تجمعنا المحبـة والقلـوب مطهـره ننصى بعضنا في مسرات الزمان وفي قساه=والليل هذا اكبر دليـل لكـل قـول ٍ نذكـره على شرفكم ياجهينه حفلنا شعشـع ضيـاه=حياكـم الله ياقبيلـة عـزة ياخيـر شجـره أي والله امدحكم واظن المدح مافيه اشتبـاه=مدح الرجال اللي توفي حق شرهة من شره جهينة انصار النبي في وقفته ضـد الطغـاه=يانعم بسلالة من انصـار النبـي متحـدره من نصرته زيد بن خالد بارك الله في نمـاه=وعمر بن مره مشيته قدام ماهـي قهقهـره وسنان بن وبر وعبدالله كعيـم ومـن تـلاه=ناس ٍ مافيهم واحد ٍ قلبه يخالـف مظهـره وأعد عبدالله بن سبره عسانـا مـع خطـاه=وبشير نسل العقربه من سار نهجه بشـره اسامي ٍ من يفتخر فيها معه وجـه ووجـاه=ماجبتهـا للحصـر لكـن جبتهـا للتذكـره والخير ماهو منقطع مع عزوة ٍ دوم تحمـاه=جهينه رجال الوفا واهـل الـدروب الخيـره قديمكم وافي وتاليكـم مثـال ٍ فـي وفـاه=وانتم هل بيوت ٍ على الطالات دوم معمـره فرحة ضيوف وعز جار وسطوة ٍ ضد العصاه=للوقت هذا من على وقت السنين المعسـره وان حل طاريّ الشيوخ اللي تزبـن للجـلاه=طاريك يابن غنيم مايحتاج شعـري يشهـره شيخ ٍمن سلالة شيوخ مااستشاخت بالعبـاه=لابالله الا مـن فعـول ٍ فالزمـان مسـطـره شرفتنا يامرحبا بك عـد نجـم فـي سمـاه=تـرحيبة ٍ بالمسك وانواع العطـور معطـره خصيتها واعمها للي لفـى الحفـل ونصاه =حـياكـم الله يالنشامـى باللسـان مكـرره هاذي عن اللي تحتفي بالضيف وتكرم لقـاه=ضواويه ربعي حزام اللي نصاهـم وظهـره ياقف بواجبهم كريم ٍ دايم اللـوم يعـداه=منقل اللي لاوقــف للصعـب دايم يقهـره زيزومنا اللي ياجده وقت العوايز من بغـاه=من شان ربعه يبذل جهوده وماله يخسـره ابوه قبله يعرفونه باع نوقـه مـن صخـاه=يوم ابتنى بيته بجـو ٍ كـل طرقـي يسبـره قالو له ارحل قال راي ٍ متضح عندي خطـاه=ماوالله ارحل لو يجون البيت باليوم اعشـره اقولها ونهاية الابيـات قـول ٍ لـه طـراه=الشعر لو مايمدح اهل الطيب مافيـه ثمـره وسلامتكم واعذرونا على القصور

شاعرنا المميز

سلامة الجعفري

سلم فكرك الراقي

صح الله لسانك شاعرنا القدير سلامه الجعفري


نص جزل من شاعر مبدع ومتمكن


تقبل مرروري المتواضع امام شموخ حرفك


تقديري لك

المشاركة الأصلية كتبت بواسطة حمد الضوّي (المشاركة 325549) سلامه الجعفري صح لسانك وبيض الله وجهك وقصيده جزله من شاعر جزل بحجم سلامه الجعفري وجهينه تستاهل وأنت ماقصرت نومست ربعك الضواويه وأبشرك الحفل ناجح بكل المقاييس وله أصداء غير طبيعيه وهذا بفضل الله سبحانه وتعالى ثم بفضل القائمين عليه وعلى رأسهم ابو ماضي أطال الله بعمره .. وتكاتف جميع أفراد عشيرة الضواويه ساهم بإنجاح الحفل أيضا ً عسى الله أن يجمعهم على الطاعه ..لك كل الشكر أخوي سلامه ..................تحياتي .

المشاركة الأصلية كتبت بواسطة جائز المليحان (المشاركة 325551) ماهنا قصور يالضوي ورايتك بيضا وعلمك غانم بيّض الله وجهك على ماجدت وتفننت به وصح لسانك وفكرك وروحك ونبضك ما حييت وتفردت هنا وفسّرت عن عضلاتك لاعدمتك وجات في وقتها وحزتها لله درك ماحييت يالبناخي اخوك ابو احمد

المشاركة الأصلية كتبت بواسطة ماجد الجعفري (المشاركة 325560) الغالي سلامة الجعفري صح لساانك ..ولاهنت كفوا بك وبربعك عزالله أنكم بيضتوا الوجه وهذي عوايدكم كل الشكر لك اخوي سلامة وقصيدة جزلة وجهينة تستحق هذا المدح دمت بكل خير تقبل جل تقديري واحترامي

المشاركة الأصلية كتبت بواسطة عبدالمحسن الجلوي (المشاركة 325562) سلامة الجعفري صح لسانك ونعم والله وقصيدة او بالاصح معلقة فاخرة تستاهل الشكر عليها وقولت صح لسانك ملايين ونعم بالجميع ...

المشاركة الأصلية كتبت بواسطة تركي علي الخالدي (المشاركة 325644) ماهنا قصور ياسلامه الجعفري بعد هذه المعلقه الشعريه الشامخه صح لسانك

المشاركة الأصلية كتبت بواسطة بدرفهد الجعفري (المشاركة 325655) كفيت ووفيت ياسلامه صح لسانك والحفل كان مميزا بحق تقبل اعجابي

المشاركة الأصلية كتبت بواسطة محمد بن موسى (المشاركة 325666) سلامة الجعفري ومليون نعم بك وبالضواويه وبقبيلة جهينه كفيت ووفيت يالغالي ووجهك ابيض قصيدة شامخه بشموخ كاتبها لله درك على هذا النص الرائع والثري بكل المعاني الساميه ادام الله الود بين الجميع دمت براحة بال

المشاركة الأصلية كتبت بواسطة رابح الغضيان (المشاركة 325697) الله الله اكبر استاذي الفاضل شاعرنا المميز سلامة الجعفري سلم فكرك الراقي كفو ,, كفو ,, ومن حقك ان تفتخر بهكذا حضوووووووور جملتنا جمل الله حالك وبيضت وجيهنا بيض الله وجهك وجميع من ذكر بهذا النص الفاخر يستاهلون الثنى والمدح ادامك الله هكذا وإلى الامام يالغالي تحيتي لك

المشاركة الأصلية كتبت بواسطة سعد بن هندي (المشاركة 325698) الشاعرالكبير / سلامه الجعفري بيض الله وجهك قصيده جزله من شاعر جزل مليون نعم بك وبربعك الضواويه ,, وتقبل مروري المتواضع مع ارق التحايا

المشاركة الأصلية كتبت بواسطة صالح السالم (المشاركة 325715) سلاااااااااااااااامه الجعفري صح الساااااااااااانك يسلم راسك يابعد راسي رغم ان شهادتي فيك مجروحه الا انني اعتبرك من خيرة الشعراء بالساحه قصيده رغم طولها الا انها بمستوى واحد من اولها االى اخرها وهذا دليل على مقدرتك الشعريه تقبل محبتي ومروري

المشاركة الأصلية كتبت بواسطة محمد الجضيعي (المشاركة 325726) الشاعر الرائع/ سلامة الجعفري صح لسانك مليووووووون ولايكفون وبيض الله وجهك. وفيت وكفيت طال عمرك والجزالة ماهي غريبة عليك. لله درّك على كل حرف من هذي الشامخة والتي استمدت شموخها وجزالتها من شاعرها. ويستاهلون جهينة.. تقبل مروري المتواضع ولك جزيل الشكر. تحياتي لك ودمت بحفظ الله ورعايته.

المشاركة الأصلية كتبت بواسطة صبيح العوض (المشاركة 325736) اخوي سلامه الجعفري صح السانك وعتلا شانك على هذي القصيده الشامخه بارك الله فيك وفي ربعك الضواويه وجهينه قبيله تستاهل المدح والطيب ماهو غريب عليهم تقبل تحياتي وحترامي

المشاركة الأصلية كتبت بواسطة غموض الشمال (المشاركة 325770) صح الله لسانك شاعرنا القدير سلامه الجعفري نص جزل من شاعر مبدع ومتمكن تقبل مرروري المتواضع امام شموخ حرفك تقديري لك

المشاركة الأصلية كتبت بواسطة سالم صالح (المشاركة 325779) الشاعر المميز / سلامة الجعفري صح السانك وكلك قصيدة راائعة ودرة من الدرر الفريدة التي لايصيغها الاشاعر متمكن وبحجم سلامة الجعفري لااعرف ماذا اكتب وماهو الذي تستحقه هذة القصيدة من الاشادة والثناء ولكن اقول انك ابدعت الى اخر مدى الابداع تقبل ودي

المشاركة الأصلية كتبت بواسطة سليمان مفضي العنزي (المشاركة 325792) الشاعر سلامة الجعفري بيض الله وجهك انت وقبيلتك قصيده مميزه وتستحق القراءه

المشاركة الأصلية كتبت بواسطة حمد الخمعلي (المشاركة 325802) الاخ سلامه الجعفري صح لسانك وسلمت وبيض الله وجهك كلها لن ولن ولن تكفيك يالذيب0 قصيده في غاية الجمال0 السكوت امام هذه الشامخه افضل من الكلام0 كُن بخير

المشاركة الأصلية كتبت بواسطة سالم العنزي (المشاركة 325887) الشاعر الجزل دائما سلامة الجعفري هذه المعلقه الشعريه وفت وكفت بيض الله وجهك وصح لسانك فأنت شاعر مقتدر على كتابة الصعب دائما اسجل اعجابي بهذا النص الشامخ

المشاركة الأصلية كتبت بواسطة عيسى العنـزي (المشاركة 325945) سلامه والنعم فيك وبعزوتك وصح السانك ولاهنت تقبل احترامي

المشاركة الأصلية كتبت بواسطة جميل الفلاج (المشاركة 326421) صح لسانك وهذاواجب كل شاعرخاصة اذا دعي لحفل ولالديه ارتباط مسبق لاهنت