°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدى المختارات الشعريه (http://www.weelan.com/vb/forumdisplay.php?f=10)
-   -   الشعر والفكاهه (http://www.weelan.com/vb/showthread.php?t=20658)

مشهور الرشدان 04/12/10 (03:05 AM)
الشعر والفكاهه
 
أخواني وأخواتي

متذوقي الشعر والفكاهه

فكرة أعجبتني وحجزت لها تذكره وظبطت أمورها

وها هي تنزل في مدينة مجالسنا في مجلس المختارات الشعريه

الفكرة أنك تكتب أطرف بيت شعري من إبداعك أو لا اي شاعر كان وانت حافظه

يفضل أن يكون بيت أو بيتين

مشهور الرشدان 04/12/10 (03:09 AM)
رد: الشعر والفكاهه
 
وهذه اول مشاركه منقووووول

مرحوم يا ضب ٍعلى الخط مدعوس ××× توه صغير ٍ ماتهنى شبابه

وأسباب دعسه ماسك الخط معكوس ××× ياويل منهو داعسه من حسابه

أمه تصيح ويومها صار منحوس ××× وابوه من حزنه يقطع ثيابه

الضب مات و صار هالموت كابوس ××× على عمامه والاهل والقرابه

ضب تمنى شوفته كل عروس ××× وجهه وخشمه ما تجيه الذبابه

مشهور الرشدان 04/12/10 (10:55 PM)
رد: الشعر والفكاهه
 
ياليتني في جيبك ريال مقطوع

يبقى معك مايقبله اي دكان

فيصل الرسلاني 04/12/10 (11:08 PM)
رد: الشعر والفكاهه
 
لقد رأيتك بالمنام تعض عضما
فإن صدق المنام فأنت هاو هاو

الظاهر إن البيت معدلينه شوي وهو ياللفرزدق يا جرير والله العالم.

مشهور الرشدان 05/12/10 (12:56 AM)
رد: الشعر والفكاهه
 
ياونتي ونت الجربوع

اربع دداسن توطنه

يوم التفت الذنب مقطوع

تسـعيـن فـاره يعزنــه

أبو غرام 05/12/10 (01:21 AM)
رد: الشعر والفكاهه
 
ههههههههه

منت صاحي يامشهور

لكن بالفعل فكره جميله ومختلفه

ومرور اول للتبريك وآخر سيكون بحوله تعالى للمشاركه

اخوك ابو احمد

مشهور الرشدان 05/12/10 (02:32 AM)
رد: الشعر والفكاهه
 
او غرام او بالاصح ابو احمد الله يبارك فيك اول شي
ثاني شي ياويلك متشارك اي واحد يجي لا زم يشارك
كل الشكر ابو احمد على مرورك الكريم

مشهور الرشدان 05/12/10 (08:41 AM)
رد: الشعر والفكاهه
 
بسم الله الرحمن الرحيم
السلام عليكم ورحمة الله وبركاته


طريقة تسليت الأطفال عند البدو قديماً وأكثر ما تستخدمها الأم مع أولادها
الطريقة :
تقول الأم(جاك الحبرتي يرتي من تعشي )
يقول الولد(أعشي محمد )
تقول الأم(حمدك المحمد اللي مايتحمد من تعشي )
يقول الولد(أعشي خالد)
تقول الأم(خلدك المخلد اللي ما يتخلد من تعشي )
يقول الولد(أعشي جريبيع)
تقول الأم(جربعك المجربع اللي ما يتجربع من تعشي )
وهكذا تستمر العبه لين تعجز الأم تركب تركيبه على الاسم المعطى لها من ولدها ويكون الولد هو الفائز وإذا استمروا بالعبة واستمرت الأم بالتركيب على الاسم تكون هي الفائزة 00
حاولوا تطبيقها مع اخوتكم الصغار 00 هذا أذا فهموها 00 بس حاولوا
وأذا جدتك تريد ان تروي لك قصه تعال شوف المقدمه
تقول الجدة(واحجيتك حجياه وذيناتك ملويات بهن قرقعات أقدور وبهن نعجة تخور)
ثم تبدأ برواية القصة 00
لصعوبة معاني الكلمات سوف اشرحها لكم
جاك الحبرتي يرتي --- ليس لها معنى بقاموس اللغة العربية (ما دري منين مألفينها)تعبت وأنا أسأل عن معناها 0
واحجيتك---- تعني سوف اقص عليك قصه 0
حجياه--- أي قصة (بكسر حرف الحاء)
وذيناتك--- جمع أذانان (مفردها أذن)اللي في جنب وجهك 0
ملويات(مفردها لوي) أي تجمعت على بعضها البعض0
قرقعات(مفردها قرقعه) أي ضجه او صجه او تعني ازعاج0
أقدور(مفردها قدر)تعني( طنجره او طاسه)0
نعجة (أي شاة) وهي النعجه التي تمشي على اربعة ارجل وتأكل البرسيم والشعير 0
تخور(والله أعلم) المقصود بها انها تثغي أي(صوت الغنم ثغاء )0






عشان كذ1 قلت هذه القصيده اليكم


البارحه جاني حبرتي صغيرون

حبرتي صغيرون ماهو بيرتي

يقول أنا مضيوم والحال محزون

لأني مع الشيبان ولأني أزقرتي

قلت أسمع أسمع خل عنك التحزنون

ؤانتا خرافه للتسلي عبرتي

ورع البدو يعرفك والناس يدرون

مالك عشاء ياكود جمه وكرتي

قال انت متخلف وبقول مجنون

ولو هي على كيفي احطك أسكرتي

تجرح قليبي ليه وتعطيني طعون

ماني أسيرك ؤانت ليه أسرتي

جاك الحبرتي يرتي وكله شجون

وأنتا على أحزانه عماره عمرتي

مشهور الرشدان

احساس قلم 05/12/10 (07:00 PM)
رد: الشعر والفكاهه
 
صح لسانك يامشهور
وفكرة حلوة
,,,, للامام ,,,,
\\,,,
مشاركتي لعابرة سبيل

رحمهااا الله

\\,,
لي صاحب منه تبي تطلع الروح... خبل غشيم مولع فيه خبله
كم لي وانا اناديه واقول يالوح ... افهم ترى عنتر تناديه عبله
طالع وقال انا من العام مجروح... واشر على جرح قديم برجله

مشهور الرشدان 05/12/10 (07:09 PM)
رد: الشعر والفكاهه
 
صح بدنك احساس وشكرا على تفاعلك

فيصل الرسلاني 05/12/10 (11:20 PM)
رد: الشعر والفكاهه
 
المشاركتين الأخيرات ...لمشهور وإحساس ....

ما قدرت أمسك نفسي من الضحك ... أسعد الله أيامكم ...لاهنتو

مشهور الرشدان 06/12/10 (12:07 AM)
رد: الشعر والفكاهه
 
دوم الضحكه اخوي فيصل وان شاء الله ماتفارقك

سعد بن هندي 06/12/10 (12:01 PM)
رد: الشعر والفكاهه
 
يعطيكم العافيه
هههههههههههههههههههههه
اسمع جاكم البيت
قلبي قبل فرقاك ما ينقص الزيت *** واليوم ازيده بكل مشوار علبه

مشهور الرشدان 08/12/10 (11:41 AM)
رد: الشعر والفكاهه
 
سعد ههههههههههههههه عز الله انها موجعه
كل مشوار علبه شكرا على مشاركتك اخوي الكريم

مشهور الرشدان 13/12/10 (02:02 PM)
رد: الشعر والفكاهه
 
البارحه غمضت عيني ولاشفت

اثر العرب لاغمضوا مايشوفون

مشهور الرشدان 23/12/10 (02:50 PM)
رد: الشعر والفكاهه
 
صبوا القهاوي بدون الهيل

ترى الربع مايدانونه

مشهور الرشدان 20/02/11 (03:50 AM)
رد: الشعر والفكاهه
 
البارحه يوم العرب شدو رحيل

شديت معهم مانيب جالس لحالي

فيصل الرسلاني 20/02/11 (08:58 AM)
رد: الشعر والفكاهه
 
ههههههه هذا البيت حلو ...لاهنت

بنت الجزيرة 20/02/11 (04:05 PM)
رد: الشعر والفكاهه
 
حماك الله ورعاك

مشهور الرشدان 20/02/11 (04:59 PM)
رد: الشعر والفكاهه
 
فيصل الرسلاني

الاحلى مرورك استاذي شكرا لك

مشهور الرشدان 20/02/11 (05:00 PM)
رد: الشعر والفكاهه
 
بنت الجزيره

الله يعطيك العافيه والله يحفظك ياارب

مشهور الرشدان 28/05/11 (03:40 AM)
رد: الشعر والفكاهه
 

ياصاحبي جعل الجراده توطاك = والا قعيصي لابسن له بساطير

جلال الدرعان 07/06/11 (05:46 AM)
رد: الشعر والفكاهه
 
موضوع مميز من شخص مميز

ياالله يالمعبود يامغضي الدين **** يارازق العبد يالي ماسكن عمارهـ
ماأثث غرفه النوم والبيت دورين **** امسكنن ماها وسلك الحرارهـ

صالح الأسود الجعفري 07/06/11 (08:32 PM)
رد: الشعر والفكاهه
 
مشهور الرشدان
فكره حلوه والى الامام يالمطنوخ
القلب بوري والليالي دركسون
والناس واجد /؟؟؟؟؟/ محطات

مشهور الرشدان 09/06/11 (04:11 AM)
رد: الشعر والفكاهه
 
جلال الدرعان ؛؛ صالح الاسود
اشكركم كل الشكر على تفاعلكم
لاخلا ولاعدم


الساعة الآن (07:17 PM)

Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه