أول الحب يوما شفت بنتا صغيرة
[COLOR="DarkRed"]
الليالي بها عميا وفيها بصيرة = أغتنمها مطولك بأول العمر ساير وكم عقيدا يعزل بأول الكون خيرة = يوم لحق الطلب صارت عليه الكساير ياوجودي وجود اللي تصوب بعيرة = قام ينخى ربوعه والفشق فيه ثاير ذبحوا عيال عمه هم خيار العشيرة = ثم خلي منيعا في يدين النحاير عند قوما خساس ولا لهم سلم جيرة = يقطعون الوجيه وياخذون القصاير اسحب الرجل وامشي بالدروب الخطيرة = والمقادير عند اللي يعرف السراير البلاوي بلتنا والرحى مستديرة = والجهد عقب طول العزم فاتر وخاير واول الحب يوما شفت بنتا صغيرة = في وسط سوق تدمر لا سقته النثاير بنت شاوي زرع بضمير حنطة وميرة = جوا يبيعون زيت ويشترون الزقاير أسمعه يوم ناداها هنا ياسميرة = وجت تلفت تقل ظبيا من الرمي ذاير لابسة بنطلون وفي يديها سويرة = والقميص المورد فاتحا للزراير ووقفت وغمزت لي بالعيون النظيرة = وضحكت لي بوجها كنه البدر داير قالت انتا سعودي بأي وأيات ديرة = يمكن اننا نعرفكم لا ذكرت العشاير[/ قلت أنا جعفري وربوعنا بالجزيرة = اه ياويل قلبي ليت ربعي حظاير كان والله عليكم غير اجر الجريرة = تحتميني هل الجدعا وما كان صاير قال ابوها مشينا قلت ياعم غيره = لا تروحون عني معكم القلب طاير ثم قفوا وانا واقف وبالقلب حيرة = ألعن الحظ الاقشر والحياة العزاير ليت من حاش مثله بالحياة القصيرة = يتهنى معاها لو تدور الدواير كل من سمي محيسن حياته جهيرة = يسهر الليل وعيونه تهل العباير COLOR] |
رد: أول الحب يوما شفت بنتا صغيرة
لا تعرف النفود ولا تعرف الحفيرة = ولاتعرف الكتيب ولا تعرف العماير
هذا بيت نسيته سقط قليل الوالي الحقوه ياربعي .... مع السلامه ... |
رد: أول الحب يوما شفت بنتا صغيرة
الشاعر / عبدالمحسن الجلوي
يسعدني بأن اكون اول من يصافح هذة الشامخه الله الله ياعبدالمحسن لله درك على هذة الجزاله والابداع وصح السانك مدد بلا عدد ابيات حلقت بنا للبعيد وعشنا تفاصيل القصه بكل حذافيرها دمت كما انت مبدع |
رد: أول الحب يوما شفت بنتا صغيرة
الشاعر الجميل / عبدالمحسن الجلوي
صح لسانك وسلم بنانك .. قصيده جزله من شاعر لايكتب ولايعرف إلا ّ الجزاله لا تعرف النفود ولا تعرف الحفيرة = ولاتعرف الكتيب ولا تعرف العماير الله الله كم مرينا على هذه الأماكن أعدتنا لأيام زمان يالبناخي بارك الله فيك ..... تقبل تحياتي |
رد: أول الحب يوما شفت بنتا صغيرة
ياوجودي وجود اللي تصوب بعيرة = قام ينخى ربوعه والفشق فيه ثاير
ذبحوا عيال عمه هم خيار العشيرة = ثم خلي منيعا في يدين النحاير عبد المحسن الجلوي صح لسانك ع هذه القصيده الشامخه توجد يوجع القلب في البيتين اللي ذكرت وان شاء الله كل ما امر من عند العماير او الحفيره اتذكر اخوي عبد المحسن الجلوي وقصيدته الراسخه صح لسانك مره اخرى تقبل مروري اخوك مشهور |
رد: أول الحب يوما شفت بنتا صغيرة
عبدالمحسن الجلوي ..
دائما تجبرني على قراءة ماتكتب اكثر من مره !! لا لشيء الا لاني اجيد التميز فيها والبساطه الشعريه التي نبحث عنها هذه الايام . لله درك على هذه الابيات الجميله التي تجعل القاريء يعش الموقف وكانه موجود . صح لسانك |
رد: أول الحب يوما شفت بنتا صغيرة
الشاعر عبدالمحسن الجلوي
صح لساانك قمه الابداع حلوه هالصدفه اللي جابت هالقصيده الجزله |
رد: أول الحب يوما شفت بنتا صغيرة
الشاعر القدير / عبدالمحسن الجلوي
صح السانك قصيدة لايكتبها الا شاعر رائع وصاحب احساس راقي فالله درك على هذا الجمال المستمر تقديري |
رد: أول الحب يوما شفت بنتا صغيرة
الغاالي
عبد المحسن الجلوي صح لساانك ..ولاهنت للأمانه عشت جو القصيدة من اول حرف لاخر حرف سجل اعجاابي ودمت بكل خير |
رد: أول الحب يوما شفت بنتا صغيرة
عبدالمحسن الجلوي
جمال هذه القصيده في تشويقها وجمال الوصف فيها صح لسانك |
رد: أول الحب يوما شفت بنتا صغيرة
الاخوان الاعـــــــزاء
ــــــــــــــــــــــــــــــــــــــــــــــــــ ـــــــــــــــــــــــــــ شكرا لكم جميعا على مروركم وصحت ابدانكم وعذرا على التأخر في الرد بارك الله بكم وكل عام وأنتم بخيرر... |
رد: أول الحب يوما شفت بنتا صغيرة
عبدالمحسن الجلوي
ابيات اطربتنا وامتعتنا بها كالعاده تتسم بالبساطه والجمال صح لسانك |
| الساعة الآن (03:03 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه