يشيب الراس لا والله تشيب العين قبل الراس=
الى من سولت نفسه يدور بالشعر عذروب=
انا جزل القصيد اللي مرصع بالذهب والماس=
انا اللي كل حرف لاكتبته من حلاه يذوب=
ابانثر كل بيت وبيت لين اروي عطش هالناس=
وابانثر كل بيت وبيت لين اروي عطشهم نوب=
يقولون المدى ابعد عرفت ان المدى مقياس=
وفصلته بمقياسي مثل منهو يفصل ثوب=
يقولو خوذو الحكمه من مجنن عليهم باس=
عرفت اني جنون الشعر وامشي فالصعيب دروب=
انا اللي ماسكرت الا بشعري لامليت الكاس=
لوانه جاني مطوع يقول اسكر كذا لاتوب=
اباملا كل حرف بكاس واشرب والعن الخناس =
واذا هو عيب يافكري ابي تكفى تزيد عيوب=
وش احلى لاوقفت وقالوا العالم وقف جساس=
قصيد مايهزك مايعزك لو تقود شعوب=
رضعتك يالقصيد اللي رضع من درتك نواس=
تبنيتك وربيتك وانا اللي كني المخضوب=
وطيت الهزل لاجل الجزل يوم ان الولد عباس=
نزل بك بس ضفيتك ولا شكرا على الماجوب=
لذا بلغ وكالة واس لاتفتي وكالة واس=
ترى ماكل من يكتب على جزل الشعر محسوب=

اشاعر الكبير طلال معيض

هل العين اتشيب العين نظر ونظر لايشيب

ابو معيض وشريك بصدر البيت هذا
تحياتى لك ياغالى

المشاركة الأصلية كتبت بواسطة محمد بن موسى (المشاركة 311005) الشاعر الكبير / طلال معيض صح السانك مدد بلا عدد دائماً تعودنا منك الجزاله في كل قصيدة من قصائدك فلله درك اخي الفاضل على ماجادة به قريحيتك وعندي تعقيب واضافه وهو عبارة عن تصحيح وجهة نظر للأخ والشاعر / عبدالله عشوي وهي قصيدة للشاعر الكبير سمو الامير / عبدالله الفيصل وهي من اشهر قصائده الا واشيب عيني يوم قالوا لي فمان الله وتحققت انهم من عقب جمعاهم مقفيني والمقصود بمفهوم الشعراء ((واشيب عيني )) هو شيب الرمش وليس النظر هذا ما احببت توضيحه واشكر لكم سعة صدوركم

الاخ الشاعر محمد الموسى من يدعي بانه شاعر فليتقيد بكلامك فالشعر معنى وليس بصف قوافي وبعيد العين عن الرمش مثل ماابعد المغرب عن المشرق واذا كان شاعرنا طلال يقول شيب بالعين فا انا اقول انه غلطان والشاعر الكبير عبدالله الفيصل لو كان نزل قصيدته في هذا المنتدى لقلت لهو قف عند حدك ياسمو الامير فشعر شعر لايعرف امير ولاكبير ولاصغير ولايتقيد الا بالمعنى واشكرك جزيل الشكر لانك اجبت عن شاعركم
الكبير طلال معيض