@@ كـــورة الـــواشـي @@
كم اتمنى انت تنول هذه القصيده اعجابكم
وتحوز على رضاكم اتركم مع كــــورة الــواشـي
انا بعرف سبب صدك سبب هجرك سبب فرقاك=وانا بعرف تبي تزعل تكلم قول علمني تدحرج كورة الواشي لجل يوصل على مرماك=قدر يوصل قدر يكسب لجل يربح ويهزمني وانا اللي في بحر حبك سمك يمشي على مجراك=عشقت البحر وإعصاره لو انك حيل تظلمني وانا لو قلت اعدمني وريحني ياعل افداك=انا بعرف لو اني قلت لعانه منت معدمني انا قلقان ياخلي ابعرف وش حصل وش جاك=وش اللي غير اطباعك وحضنك صار يكتمني وانا اللي كنت متخيل لو اتبعثر هنا وهناك=حنين الشوق يجمعني على قلبك يلملمني تحلمتك كبير القوم وانا في مجلسك مركاك=وتمنيتك بطول الوقت مره بس تحلمني تخيلتك ولو لحظه تمناني اجي يمناك=ولكن في كثير احيان كثير اوهام تهزمني انا خايف يجي مره وتسأل في عجب من ذاك؟=واخاف اقول يالغالي سؤالك حيل حطمني انا اللي ضاعت سنيني اقصقص بالثراء ماطاك=لجل كلمه ابنطقها بقول ارجوك كلمني ابي اعرف سبب صدك سبب هجرك سبب فرقاك=عليك الله وامان الله تكلم قول فهمني وسلامتكم |
انا خايف يجي مره وتسأل في عجب مـن ذاك؟
.............................. واخاف اقول يالغالـي سؤالـك حيـل حطمنـي الرائع / سلطان صح لسااانك وعلااا شانك قصيدة عذبه وراقية تقبل كل الود |
بسم الله الرحمن الرحيم
الشاعر المبدع / سلــــــــــــــــــــــــــــطان العنزي صح لسانك يالغالي ابداع جميل يستحق ان يقراء اكثر من مرة دمت مبدعا اخوك : ابو رزان |
صح الله ابدانكم
اخوي مضحي وابو رزان والله لايحرمنا من طلتكم العذبه تقبلو تحيات اخوكم سلطان العنزي |
تخيلتـك ولـو لحظـه تمنانـي اجـي يمنـاك
........................ولكن في كثير احيـان كثيـر اوهـام تهزمنـي الله الله الشاعر سلطان صح الله لسانك ولاهنت ياذيب |
فهد الفدعاني
صح بدنك ولاهنت على مرورك الجميل اقبل تحياتي اخوك سلطان العنزي (حلٍ وترحال) |
وانا لو قلت اعدمني وريحنـي ياعـل افـداك
انا بعرف لو اني قلت لعانـه منـت معدمنـي ياسلام عليك اخوي سلطان روووعة عن جد صح لسااانك مليوووون لاتحرمنا من المزيد \ لك حبي تحياتي لك |
انا اللي ضاعت سنيني اقصقص بالثراء ماطاك
لجل كلمـه ابنطقهـا بقـول ارجـوك كلمنـي صح لسانك يا سلطان العنزي ولاهنت على الابيات الجميلة |
صح لسااااااااااااااانك
انا خايف يجي مره وتسأل في عجب مـن ذاك؟=واخاف اقول يالغالـي سؤالـك حيـل حطمنـي انا اللي ضاعت سنيني اقصقص بالثراء ماطـاك=لجل كلمـه ابنطقهـا بقـول ارجـوك كلمنـي ابي اعرف سبب صدك سبب هجرك سبب فرقاك=عليـك الله وامـان الله تكلـم قـول فهمـنـي صح لسانك يا سلطان قصيده جزله من راس جزل سجل اعجابي بدون حدود دمت ودام لنا هذا الابداع الفريد تحياتي لمقامك الغالي اخوك : عادل العنزي (( ابوطلال )) |
سلطان
اسم رائه يحمل بين طياته الكثير ابيات رائعه بمعنى الكلمه وابداع حقيقي يختفي خلف قلمك ... انا خايف يجي مره وتسأل في عجب مـن ذاك؟ // واخاف اقول يالغالـي سؤالـك حيـل حطمنـي انا اللي ضاعت سنيني اقصقص بالثراء ماطـاك // لجل كلمـه ابنطقهـا بقـول ارجـوك كلمنـي الله الله الله عليك ابدعت وصح لسااااااااااااااااانك مليووووووووووووووووووووووووون دمت بخير |
سلطان العنزى صح لسانك انت مبدع دائما
|
صــــــــح الله ابدانكم جميعا
والله لايحرمنا ارائكم حيث تدعمني إلى الامام اقبلو تحيات اخوكم سلطان العنزي |
سلطان
عزيزي في البدايه صح لسانك وسلم بنانك قصيده محبكه من الالف الى الياء لكن لابد من النقد انظر لهذا البيت وانا اللي في بحر حبك سمك يمشي على مجراك عشقت البحر وإعصاره لو انك حيـل تظلمنـي تقول سمك يمشي هل السمك يمشي ام يسبح .....؟؟؟؟؟؟؟؟؟ لك تحيه طنياوي 1 |
طنياوي صح بدنك
واشكر لك هذا النقد الجميل منكم نستفيد وكم سعدت بهذا النقد اقبل تحيات اخوك سلطان العنزي |
صح لسانك أخوي سلطان
على الابيات الرائعه ولك مني فائق التقدير والاحترام |
العاسف كم سررت لوجود اسمك في احدى مواضيعي
صح بدنك واقبل مني خالص التحيه و التقدير اخوك سلطان العنزي |
| الساعة الآن (12:54 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه