[ أوطى من الشفره على القاع : ]
ويطيح من عين ... الهقاوي كثيرين ! .................. وأقول ... ياعيني ... تراها هقاوي ! ماغيرت نظره ... ولاكحلت ... عين ! .................. و لاريحت بال الغريب ... الشقاوي ! يكفي عرفتيهم ... و صرتي تشوفين ! .................. ناسٍ تحسب الطيب ضحك وحكاوي ! لاتغورق دموعك ... و لا تستضيقين ! .................. النعم كايد ... والسوالف .. مناوي ! واللي يقول ان المواقف ... براهين ! .................. وانه حكاية طيب .. من دون راوي ! وش هي مواقيفه ? او اقول .. تدرين ! مايستوى طير الرخم ... والنداوي ! كانه ... يبي منك تجين .. وتهلين ! .................. دمعك ... ويقرا في دموعك رجاوي ! يبطي ويدري عن ترجيه ... تبطين ! .................. لو أخسر عيوني / بـ دربٍ خلاوي ! منتي نظر منهو ضعيّف ومسكين ! .................. ولنتي عيون اللي من العز / خاوي ! لدي شبوحك لـ السما .. لاتلدين ! .................. يم الغوا اللي يتبعه .. كل .. غاوي ! اوطى من الشفره على القاع / شخصين : .................. بخيل جاه ... وشاطراً بـ الدعاوي ! تسمع سوالفهم / سوالف سلاطين ! .................. وأفعالهم ... طخ البنادق / سماوي ! مثل النخل / ظله يظلل لـ الأقصين َ! .................. والا القريّب تحت شمسه .. يلاوي ! هذا الصحيح اللي عرفتيه / ياعين ! .................. يابعد مابين ( العزا ) و ( العزاوي ) ! |
رد: [ أوطى من الشفره على القاع : ]
اخوي الشاعر فواز الفهيد صح لساااااااااااانك مليووون
ولا يكفوووووون اطربتني بنصك سلمت ودمت وسلمت يمـــينك وصح فكرك تقبل مروري وجل تقديري |
رد: [ أوطى من الشفره على القاع : ]
شكرا اخوي على هاذا القصيده
|
رد: [ أوطى من الشفره على القاع : ]
فواز الفهيد
لله درك وصح لسانك على هذا البوح الشعري المميز شاعر يجيد صياغة الكلمه وايصال المتعه للمتلقي لا املك الا ان اقول لك صح لسانك واتمنى تقبل اعجابي بما تكتبه ودي وتقديري |
رد: [ أوطى من الشفره على القاع : ]
الشاعر فواز
ابدعت والله بالقصيده متميزه عن غيرها صح لسانك |
رد: [ أوطى من الشفره على القاع : ]
فواز الفهيد
ياهلا بك مليار بيننا وياهلا بالشعر الحقيقي صح السانك حتى ترضى لانك تستحق الرضى على ماقدمت بيض الله وجهك على هالجزلة وانت ماتجيب الا الجزالة شرف ان يكون بيننا شاعر مميز ورائع مثلك تقبل تقديري وودي |
رد: [ أوطى من الشفره على القاع : ]
أنت بحق متميز
لك قلم يخط أحرفآ من ألماس تستحق الوقوف عندهاوتأمل مافيها من روووعه وجمال لك الله ياسيدي كم أنت راااقي بماقدمت كن كما أنت ولا تحرمنا من كلماتك العذبه وأحاسيسك الرااقيه الجذابه دمت في كنف الرحمن أينما تواجدت |
رد: [ أوطى من الشفره على القاع : ]
الشاعر فواز
ابدعت والله بالقصيده متميزه عن غيرها صح لسانك مدد بلاعدد بارك الله فيك |
رد: [ أوطى من الشفره على القاع : ]
الرائع فواز الفهيد ..
ابدعت غاية الابداع فلله درك على هذه الحكمة التي تفوح بين ثنايا كلماتك الجميلة ... صح الله لسانك وهنيئا لنا بويلان بشاعر متميز مثلك .. تحياتي لك .. |
رد: [ أوطى من الشفره على القاع : ]
اقتباس:
امتعتنا بهالقصيده الرائعه صح لسانك ونبضك وعاشت ايامك متابع لك اخوي فواز تحياتي اخوك فهد السلقاوي |
رد: [ أوطى من الشفره على القاع : ]
هذا الصحيح اللي عرفتيه / ياعين ! .................. يابعد مابين ( العزا ) و ( العزاوي ) الرائع / فواز .. شامخ بشخصيتك وحرفك الرائع .. نص مبهر استمتعت بقراءته .. صح كلك .. كتبت وابدعت .. لله درك .. دمت بمحبه |
| الساعة الآن (08:33 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه