الحمد لله شاعرن بالفطره=واكره قصيدن يشترى بالمالي
من لانكشف ذاليوم يكشف بكره=ماكل يوم ايبيعه كامش خالي
ولياتعذر مايفيده عذره=الناس ماترحم على اية حالي
باقول شي بداخلي واعتبره=يعني نصيحه واسمعوا كاالتالي
الشعر له معنى وعالي قدره=قدره كبير وعالي بالعالي
من لايجيده لايغوص فبحره=يخليه لبن فطيس والهذالي
والا اذن باقول عندي فكره=الفكره اللي ماطرت بالبالي
ياللي تدور بالقصيد الشهره=احسن من انك كل يوم تلالي
تطق لك ساعه وثوب وغتره=مايكلفنك ميتين ريالي
والا تبي ارخص وتشري بعشره=في ساحة البطحاء رخيص الغالي
اللي كشخ فيهن ورز بصدره=يشوف نفسه طارق الجفالي
ادخل على اكبر تاجرن في قصره=ادخل وكنك شيخ راع اعمالي
ماهو بداري عنك لاكن وره=انك تدور خوة الرجالي
واضحك معه يالين يصدر امره=وتصبح خويه وانت زين الفالي
في وقتها لاجيت تبغى تشره=يقول آمر وانت مثل اعيالي
قله انا وياك نبغى خشره=خطط وانا اللي بادفع الاموالي
قله بما انك بعيد النظره=وش رايك باسهم شركة الجوالي
ياعنك راح يشوش شعره شعره=ويقول حالك يااخي من حالي
ثم عطاك المبلغ اللي كثره=ريال ينطح من وراه ريالي
بس انتبه لاتنصرع وتخسره=ويدري بأنك جيت له محتالي
وانعم بكيفك عقب ذيك الطفره=ولاعاد اشوفك بالقصيد اتلالي
خل القصيد ايعيش عزة عصره=ليه ولابن افطيس والهذالي
مادمت انا الشاعر وشعري فطره=ولا افكر بكامش مع انه خالي

اخوي الشاعر طلال معيض قصيدة جزلة
ولكن الاحظ ان هنا ك بعض الكسور في الابيات
وشطح في المعاني مثل

في وقتها لاجيت تبغى تشره= يقول امر وانت مثل اعيالي
قله انا وياك نبغى خشره= خطط وانا الي بادفع الاموالي

هنا وضعت التاجر هو الذي يخطط والمستشعر يدفع الاموال
اشكرك جزيل الشكر وتقبل انتقادي الله يحفظك

المشاركة الأصلية كتبت بواسطة عبدالله عشوي (المشاركة 305370) اخوي الشاعر طلال معيض قصيدة جزلة ولكن الاحظ ان هنا ك بعض الكسور في الابيات وشطح في المعاني مثل في وقتها لاجيت تبغى تشره= يقول امر وانت مثل اعيالي قله انا وياك نبغى خشره= خطط وانا الي بادفع الاموالي هنا وضعت التاجر هو الذي يخطط والمستشعر يدفع الاموال اشكرك جزيل الشكر وتقبل انتقادي الله يحفظك

الشطر ما فيه اي كسر يا خوي عبد الله عشوي

صراحة قريت القصيدة اكثر من مرة ولم يكن هناك اي بيت مكسور

والمعني واضح تماماً وما فيه اي شطح فيه

والله اني ما جامل لكن هذي الحقيقه

على اي اساس تقول فيه كسور ؟؟؟؟ الجواب مدري