سلام مني والبقى والتحية = بسمي وبسم الابه الجعفريه
اطيب من الكادي وريح العنبر = وازكى من النسمه على الصبحيه
الله يبيض وجه من جمعنا = على المحبه والعلوم الحيه
اشوش وافرح واتنومس واطرب = بولاد وائل محزمي وايديه
اعيال عمي وعزوتي وربوعي = واعصابتي لادندنت للهيه
وماهي غريبه طيبنا من مبطي = وصغيرنا شيخاً وله جاهيه
حضرة واحضرة المعاني جزله =نبعاً قراح ولاتجف ارشيه
وماهو جديد الشعر يوم اقوله = لربعاً سجيتهم كذا شعريه
احفاد من جاسو فجوج البيداء = من مطلع التاريخ والهجريه
واخبر رسول الله وقوله ثابت = منصورتاً عناز وهي مبغيه
تشهد لنا ذي قار وابن المنذر = وطعن الرماح وكسرة الفرسيه
تاريخ ناصع نفخر بترديده = واسماء نحفظها مهي منسيه
كليب بن وائل وذبح التبع = والزير لجله حارب البكريه
وعمروً فصيح القولي صاغ بيانهُ = شعراً وابياتاُ بعمق رويه
واجيالاً تترا والقبيلةُ تسعدي = وفي كل جيالاً معلماً وسميه
عيشو معي بالفكر واستمعو لي = ومايعرف العارف وله داريه
منا عقاب الخيل سم العادي = الخيل من صوته كمى الجنيه
وحجاب وساجر والمرتعد وعلومه = وغضبان ابن حمرون واخو نهيه
والنوري الشعلان وابن الايداء = واللي مصوت بالعشاء من زيه
وابن الفقير والطيار والملحم = وابن مجلاد ونخوته دهمشيه
وطراد ابن مرشد سليل جدوده = ربعه سبيع اللي لهم قابليه
اشيوخنا واجد ولانحصيهم = من يحصي نجوماً بصفح الميه
دوراً مضى ماينشرح ببياتي = لو ببدع المسحوب وهلاليه
والكل فيه الخير ماني ناسي = وكل القبائل كلها سعوديه
بحكم المليك العادل المتواضع = عبدالله اللي محتوينا فيه
شعب الجزيره كلهم تحت امره = وحب الوطن فينا ترا ماريه
واللي يقول هياط يبطي غافي = مانلتفت للبوم واخو الحيه
وهلاً هلا يامرحبا بربوعي = وصكو عليه نلعب الدحيه

المشاركة الأصلية كتبت بواسطة بدرفهد الجعفري (المشاركة 300854) الشاعر عبدالله المعزي بيض الله وجهك ودائم وافي صح لسانك

المشاركة الأصلية كتبت بواسطة جائز المليحان (المشاركة 300857) صح لسان القائل والملقي ابيات جميله وبلابة جميله لاهنتوا على هذا الابداع في كنف المولى على الدوام

المشاركة الأصلية كتبت بواسطة سالم صالح (المشاركة 300870) الشاعر الراائع عبدالله المعزي صح السانك قصيدة رائعة ودائم وانت مشرف كل التقدير على هذا الابداع

المشاركة الأصلية كتبت بواسطة البدر (المشاركة 300946) عبدالله المعزي صح لسانك والله يبيض وجهك

المشاركة الأصلية كتبت بواسطة سالم العنزي (المشاركة 300949) الشاعر القدير عبدالله المعزي صح لسانك وبيض الله وجهك والويلان يستاهلون

المشاركة الأصلية كتبت بواسطة عاشق المعالي (المشاركة 300957) والنعم بك ياعبدالله والويلان اكيد يستاهلون صح لسانك على هذه الملحمه الوائليه بأنتظار جديدك

المشاركة الأصلية كتبت بواسطة حمد الخمعلي (المشاركة 301006) الشاعر عبدالله معزي صح لساانك جزله من جزل 0 كُن بخير

المشاركة الأصلية كتبت بواسطة هندي المقبل (المشاركة 301461) عبدالله المعزي كفيت ووفيت وبيض الله وجهك ملحمه وائليه مميزه صح لسانك

المشاركة الأصلية كتبت بواسطة سليمان الجعفري (المشاركة 301480) الشاعر / عبدالله معزي صح لسانك ملايين جزله من شاعر جزل الله يعطيك الف عافيه ..لاهنت تقبل تحياتي

المشاركة الأصلية كتبت بواسطة محمد بن موسى (المشاركة 301483) ابو معزي صح السانك مدد بلا عدد كفيت ووفيت يالغالي وعني انا سمعتها يصوتك بنفس الحفل بيض الله وجهك وجمل الله حالك

المشاركة الأصلية كتبت بواسطة ماجد مفرح الشملاني (المشاركة 301883) ابو معزي صح لسانك بارك الله فيك...