اللي يجي حياه الله
السلام عليكم ورحمة الله وبركاتة.....
سلام يالشعار والاحرار من نسل الحرار=اصحابنا اللي في مواقفها يبين طيبها خذ مصطلح والزاي غير الباء وهذا بأختصار=احروف في جملة مفيدة ياحلو ترتيبها |
رد: اللي يجي حياه الله
يامرحبا باسم الرجال اهل المواقيف الكبار = واللي تضرك خلها واللي تسرك جيبها ! انته ترى شاعر مجاري لايمين ولايسار = بعض الجمل مافيه داعي يتعبك تركيبها ! |
رد: اللي يجي حياه الله
سامحك ربي ياسلامه يوم ضيقت الحصار=حتى الضيوف الزايره مايكتمل ترحيبها قلي متى سكرت ثوبك ياسلامه بالزرار=وادياركم ياصاحبي دايم تعشي ذيبها |
رد: اللي يجي حياه الله
اقتباس:
ياسلام الله سلامه شاعر(ن) ذيك الديار ....................................... اللي لها تاريخها .. كم شاعر(ن) يحكي بها : واحروفكم متشابهه .. بالمصطلح نفس المسار ...................................... ... في كلامي جملة(ن) بالمختصر لاتتعبوا بتجريبها : : |
رد: اللي يجي حياه الله
ماعليش طلعت يالحميدي وتوي راجع
انت بمحلك ماانت ضيف ولك معزة واعتبار =واكيد ماكل الليالي حضرتك يسري بها لكن تراني يوم ازايد تحت نار القدر نار = ابغاك تضرى فالصعايب من بعد تجريبها |
رد: اللي يجي حياه الله
مشكور على حضورك يامشاري
بس ترى المحاورة بين اثنين مايصلح يدخل بينهم اي احد او هذا مخالف للنظام |
رد: اللي يجي حياه الله
لا عادي ماعند مشكلة....
الذيب تبقى هيبته فالليل والا فالنهار=ولو تكثر القطعان قدمه يقدر يضحيبها ترى الحمولة كايدة ولا تجي بالاختيار=انت المعزب والحمولة لازم تزوزيبها |
رد: اللي يجي حياه الله
ترى الزلل يمحاه عند اهل السلوم الاعتذار = واللي مايترك زلته يلصق بشخصه عيبها ياللي تبي هدم العمارة وانت ماطلت الجدار = عندك بيوت الطين واستعجل على تخريبها |
رد: اللي يجي حياه الله
الشكر لله ...
ولكن تفاجأءت بعد ارسال الابيااات ... شفت رد اخوي سلامه فوووق بس يوم دخلت هنا ماكان اي رد والا انا اعرف الشروط يالذيب .... متابع من بعيد << : : |
رد: اللي يجي حياه الله
ماعندك مشكلة ياراعي اكحلا
اهم شي حضورك الله محييك |
رد: اللي يجي حياه الله
ماني بمخطي ياسلامة يوم ارد الاعتبار=ونيتك ياهالجعفري ربك عليم بغيبها ترى العمارة كل ابوها قابلة للانهيار=شف الاساس وعدلة ماينفعك تشطيبها |
رد: اللي يجي حياه الله
الهيئة اللي تنكر المنكر ليا عم الديار = كم واحد ٍ وسط المجالس بالخطا يحكي بها! اساسها فالارض متعمق مثل عمق البحار = ماهي بخيمه كل ماهب الهوا يومي بها |
رد: اللي يجي حياه الله
ابنشد الهيئة عن الميسر وعن لعب القمار=كان الضماير صافية لابد ماتفتيبها ترى الحقايق واضحة ولايغطيها غبار=ايام تنكر لعبتك وايام ماتصخيبها |
رد: اللي يجي حياه الله
الحكم في هذين تدري فيه الاطفال الصغار = استفتهم فالعقرب اللي سمها بذنيبها ! اليا حجزت اوكيه لك من بعد حجز الانتظار = انته تودي سالفه للناس والا تجيبها ! |
رد: اللي يجي حياه الله
هناااااااااااااااااااااا الابداع
شعار مبدعين وطاروق كايف متابع وبين الصفوف |
رد: اللي يجي حياه الله
مدام بعض الاسئلة فيها بياضٍ مع سمار=حتى الاجابة ياسلامة لو تجي ماليبها ترى الخسارة واضحة ماتشبهك يالانتصار=واعزتي للسبحة اللي في يدك توميبها |
رد: اللي يجي حياه الله
اقتباس:
حياك الله.....يابو عيد.... وجودك شرف طال عمرك.... |
رد: اللي يجي حياه الله
انا عطيتك جو حتى تعرف اسلوب الحوار = لكن جمالاتي عليك الله يخلفني بها ! تصبح على خير يالحميدي ماعاد باقي بعد هذي غير نسدل فالستار = المسرحيه زايفة والمخرج ابلشني بها ! وصح لسانك تشرفت باللعب معك والى لقاء اخر |
رد: اللي يجي حياه الله
اقتباس:
مشكور واتشرف بحضورك |
رد: اللي يجي حياه الله
طاروق في غاية الروعه للأمانه الله يعطيكم العافيه وصحت السنتكم اثنينكم |
رد: اللي يجي حياه الله
صحت السنتكم
تقبلو مروري المتواضع |
| الساعة الآن (02:52 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه