يالشوق .. يا منبع .. حكاية هل الشوق=يا جامع ٍ.. قصر الغلا .. والرهاوه
قصر !! ورهاوه !! .. كيف ؟ .. دقق بالفروق =كنّك جعلت من .. الصداقه .. عداوه
يعني حسابك .. غير .. عن كل مخلوق=بين إنفعالاتك .. وقلبك غشاوه
لاقلت يا هادي .. تحوّلت .. مطفوق=وان قلت يامطفوق .. جيت .. بهداوه
وان قلت يا قاسي .. تحكيت .. برفوق=وان قلت يابو اللين .. جيت .. بقساوه
تدري !! جرحت القلب .. واسرفت بالبوق=ودامك جرحت القلب !! يا شين داوه
القلب حاكم .. شعبه .. بهيئة عروق=لكن على قلبي .. خذيت الأتاوه
بس الحقيقه !! .. أنت منبع من الذوق=لا صرت .. رايق .. بانشراح ونقاوه
لا جيت تغضي .. كنّك .. غضاي غرنوق=وتغمز بعينك .. وابتديت الشقاوه
معدنك طيّب .. بس .. تزعل ولا تروق=مثل الطفل .. ان كان تاخذ .. ( كاكاوه )
يزعل عليك .. وما يبي منك .. طاروق =وشوي يقبلّك .. وكله حفاوه
حاليك ربي .. والحلا .. فيك مخلوق=من يومك .. صغيّر .. تحب الحلاوه
من تحتك .. السكر .. مغطيك لي فوق= وزود ٍ على السكر .. شوية طراوه
حمرة شفاتك .. غير .. والعنق مفهوق =قلادته تسمو .. مع .. اهل السماوه
بنظرتك لقلوبنا .. رمح مزروق=بعينك الحنكه .. ورمشك ضراوه
بقفايتك نغرب .. وبقبالك شروق =وصمتك فقر .. بس .. بحكيك الثراوه
معسول ناب .. ولا تحكيت منطوق !! =باسلوب متحظّر .. واصالة بداوه
( صوت الربابه ) .. غير عن .. ( نفخة البوق )=مير أنت جامعهن .. وزي الحلاوه
لكنّ أبطلب منك .. لا تدخل السوق =أخاف لا تنضلك .. ( عين الفلاوه )

المشاركة الأصلية كتبت بواسطة احساس قلم (المشاركة 283687) صح لسان شاعره وصح لسانكـ استاذي الكريم تقبل مروري ودمت بود دوما

المشاركة الأصلية كتبت بواسطة عبدالعزيز السعود (المشاركة 283708) جميله جداً .. ابو عيد شكرا على هالذائقة الشعرية الراقية ..

المشاركة الأصلية كتبت بواسطة ريماس (المشاركة 283745) بصراحه قصيده تجنن يسلمك ربي يانافع

المشاركة الأصلية كتبت بواسطة عوض بن خميس (المشاركة 283979) الاخ الغالى ابو عيد والله العشق هو ذائقتك المتفردة دائمااااااا بجمال الاختيار فانت ببساطة نافع عيد الرجل الذى اقترن معة فن الاختيار دائماااااااا..... تحياتى وودى

المشاركة الأصلية كتبت بواسطة سعود المسعودي (المشاركة 284585) ابو عيد الف شكر لك على الحضور الجزيل والاختيار الراقي تقبل تحياتي وجل تقديري