الفريدي ....
تقدم يالفريدي دامني موجود= لشفت الجعفري لاتدخلك ذله انا مااكرهك في وقت الليال السود= لو ان بخترك قشرا ياحريبله |
رد: الفريدي ....
كاااااتب الجعفري الله الله صح لسانك ولاهنت>>>>> اسمح لي بس لين ينتهي طاروقي مع طلال وجاااييك تقديري |
رد: الفريدي ....
هههههههههه
خذ راحتك وانا موجود |
رد: الفريدي ....
ليا شفتك عرفت ان العلوم سهود // عـوافـي والكلام يجيك في حلـه وانا رجـال وادرا النقـد والمنقـود // وراع الحـادرة مـاودي انــزلــه |
رد: الفريدي ....
يقولون الظليمة حجة الملهود = وانا اشوف الحريبي زايد ٍ غله هذا جودك ومن جودك عليك نجود= ماهو بكيفك تحرم شي وتحله |
رد: الفريدي ....
سمعنا قصـة الثعلب مـع العنقود // بعـد مـد البـراطـم مـا توصـلة عسى ربي يديم الحكم لابن سعود// لـحيث انه حكم بالدين والملة |
رد: الفريدي ....
شعرائنا الكرام
كاتب الجعفري وفهد الفريدي صحت السنتكم ....وكل الشكر على هذا الحضور المميز تقبلوا جل تقديري |
رد: الفريدي ....
ترى ماعنك لاناشد ولامنشود=لنا الفنجال والا انته لك الدله قبل حكمه وبعده ماوراكم فود= نسى راع الشنينه سبينا ل بله |
رد: الفريدي ....
ماجد الجعفري
صح بدنك والتميز حضورك |
رد: الفريدي ....
تراها صنعتك عندي عليك شهود // يـصوغه مـار يـوم الحرب ماسله بـعـد قـرت راحها عـود المطـرود // هقاويه ان ساق ينام فـي ظــله |
رد: الفريدي ....
بـعـد قـرت راحها عـود المطـرود // هقاويه ان ساق ينام فـي ظــله
ثقل بالوزن مار استلم
هذا ميراثك اللي من ثمان جدود=اجل بالله جدك وش يفحم له ؟؟ ترى كذبك يشابه كذب ابن فرهود= ماشاء الله كذبكم بالحيل ماشاء الله!! |
رد: الفريدي ....
الله الله
نقض وفتل صحت السنتكم والصف جعفري والفريدي مايهون |
رد: الفريدي ....
سلامه الجعفري
صح بدنك لاهنت والصف يزهى بك |
رد: الفريدي ....
اقتباس:
ترا كذبك يشابه كذب ابن فرهود = ماشاءالله كذبكم بالحيل ماشاءالله صح لسانك كاتب ابدعت حاول تكيمله صح لسان الفريدي |
رد: الفريدي ....
خطأ مطبعي تم تعديلة بعد قرت رحاها عود المطـرود // هقاويه ان ساق ينام في ظله |
رد: الفريدي ....
عسى ربي يعطر قبر ذاك العود // وريث العـز حاز المدح واحتله كلام نسمعه من حامد ومحمود // يدربي له علـوم مدربي الجلة |
رد: الفريدي ....
الا وش قصة ابراهيم والنمرود= ليا منه عقد له حبل ماحله حليلك يالفريدي باذل المجهود=لو اللي قلت كفوك وانت كفو له |
رد: الفريدي ....
هنا محاورة من نوع آخر ..
فتل ونقض جميل ومعاني رائعة .. واصلوا ومتابع وبالقرب منكم ... اثنينكم والله شعراء كبار .. تحياتي وودي.. |
رد: الفريدي ....
خلف الغريب حياك الله واسعدنا مرورك شهادتك وسام واطلالتك شرف لك عاطر التحايا |
رد: الفريدي ....
خذيت الشاكله وانته لك الـعـمرود// وراع القرص حـط القـرص فالملة ترا عـطـر الرجال الـمـلح والبارود // يـاكـاتـب مــادريــنـا عنك لابـلله |
رد: الفريدي ....
نقصتوا صاعكم والنقص عكس الزود= لكن فصاعنا لاتوزّن القله ترى من اول نصحك الهرش يالمفرود= لكن فالمقبله لامن ورد خله |
رد: الفريدي ....
صحة الالسن والقلوب يامبدعين
.. |
رد: الفريدي ....
سعوط المجانين
صح بدنك ولاهنت |
رد: الفريدي ....
يعطيكم العافيه على ها الطاروووووووق |
رد: الفريدي ....
صحت السنتكم
تقبلو مروري المتواضع |
| الساعة الآن (06:04 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه