عزاه ياقلباً من الهم ملهود= غيضاً كتمته والملا جاهلينه
دعوى نظام وبها الحق مضهود= عن السنع درب الخطاء قاصدينه
ياما صبرت وكل شيٌ له حدود= ون طالت الغلطات صارت غبينه
الشيب لاح وراح كثره من السود =بيضاً لحانا والعمل متقنينه
طلع علينا جيل نقصاً بلا زود= خلّى السلوم وراح يتبع قرينه
مامن وقار ولأنت راجي منه فود= غير الرزاله طارفه في يمينه
عنده كبار السن في خانة هنود= وتلقى المعزه كان عمرك سنينه
ماذم كل الجيل والأمر مشهود= الناس فيها أجناس ساساً وطينه
فيها الوفاء والطيب والفعل محمود= والا الردي مثبور تقصر يدينه
مثل المعادن فيه ليّن وبالود= وفيه الرخيص وفيه منها الثمينه
من هام درب المجد يصبر على الكود= لو شاف بعض الشين يغضي بعينه
ماهو على ماقيل ملحٌ ببارود= عند أتفه الأسباب يظهر دفينه
ترى المعيشه تجبر الناس ياسعود= من دار ستر الحال ربي يعينه
انصارع الأيام والعمر محدود= واللي انكتب باللوح ياتي بحينه
والله ماخاف وكافل الرزق موجود= منجي نبيه نوح راع السفينه
وصلاة ربي عدّ ماتزهر ورود= على رسولٌ تتبع الناس دينه

المشاركة الأصلية كتبت بواسطة مرضي الخمعلي (المشاركة 277720) انصـارع الأيـام والعمـر محـدود واللي انكتب باللـوح ياتـي بحينـه والله ماخاف وكافل الرزق موجـود منجـي نبيـه نـوح راع السفينـه سبحانه، قرأت ما يثلج الصدر خالص الشكر والتقدير

المشاركة الأصلية كتبت بواسطة حمد الخمعلي (المشاركة 278503) الاخ محمد الزااايدي0 هنااا الشعر00هنااا روعة الجماااال00هناااا الاساااااس في الشعر0 سلمت دوماً لناااااا اخي0 تقديري

من هام درب المجد يصبر على الكود=لو شاف بعض الشين يغضي بعينـه
ماهو علـى ماقيـل ملـحٌ ببـارود=عند أتفه الأسبـاب يظهـر دفينـه
ترى المعيشه تجبر الناس ياسعـود=من دار ستر الحـال ربـي يعينـه
انصـارع الأيـام والعمـر محـدود=واللي انكتب باللـوح ياتـي بحينـه
والله ماخاف وكافل الرزق موجـود=منجـي نبيـه نـوح راع السفينـه

وهنا لنا مع الحكمة موعد ..

ومع الجزالة لقاء..

ومع الشعر عناق..

دائما جزل يا ابو عبدالله وصاحب حكمة ومعنى عميق لا يصوغه الا رجل مارس الدنيا وعالجها وعالجته ..

الف صح لسانك والحقيقة ان الابيات التي اقتبستها هنا تعد نبراس للجميع والقصيدة كلها رائعة ..

تحياتي لك ..

المشاركة الأصلية كتبت بواسطة خلف الغريب (المشاركة 278838) من هام درب المجد يصبر على الكود=لو شاف بعض الشين يغضي بعينـه ماهو علـى ماقيـل ملـحٌ ببـارود=عند أتفه الأسبـاب يظهـر دفينـه ترى المعيشه تجبر الناس ياسعـود=من دار ستر الحـال ربـي يعينـه انصـارع الأيـام والعمـر محـدود=واللي انكتب باللـوح ياتـي بحينـه والله ماخاف وكافل الرزق موجـود=منجـي نبيـه نـوح راع السفينـه وهنا لنا مع الحكمة موعد .. ومع الجزالة لقاء.. ومع الشعر عناق.. دائما جزل يا ابو عبدالله وصاحب حكمة ومعنى عميق لا يصوغه الا رجل مارس الدنيا وعالجها وعالجته .. الف صح لسانك والحقيقة ان الابيات التي اقتبستها هنا تعد نبراس للجميع والقصيدة كلها رائعة .. تحياتي لك ..