وهاهو مداد قلمي ينصاااع لي بعد فترة ابتعااد عن الطرح .. لكم احبتي في ويلان جديد أميرة الحرف
وأبيات خاااصه لأعز النااس أطال الله في عمره

لاعز نوم اللي طموحه بنت ليل وبنت نور= قضيت ليلي في ذرى شيخٍ يغطيه هدبي

شيخٍ ماوالله يلحقه مني مناقيد وقصور=وماوالله أخلف خطوته وعلى نقاوة مذهبي

ادري بقلبه لو تبور الناس فيني مايبور= وأدري بموجه لو سخط في بحره آمن مركبي

علمني مجمل ماخفاني من مهمّات الأمور=وعلمني كيف أصنع أنا وانسى مقولة كان أبي

علمني كيف ان الصراحه لاتلف ولاتدور= ومن لايثمّن كلمته يصير للهرجه صبي

وعلمني كيف أكسب ثقه بين التواضع والغرور=والآدمي قد كان يوماً طفل عاجز ويحبي

وعلمني ان الدم غالي والأخو مهما يجور= ظلمه ولاذل الجماله من يدين الأجنبي


وعلمني كيف أكون انثى تحتوي قلبٍ جسور= دامي تسلحت الكتاب وذكر ربي مزهبي

اميرة الحـــــ (العيوف)ـــ ــرف

اميرة الحـ العيوف ــرف

الله الله عليك أبدعتي بهذه القصيدة الرااائعه

صح لسانك وسلم بنانك

شاعره متمكنه بحق الله يعطيك الف عافيه

لك اجمل التحايا والاحترام

علمـنـي كـيـف ان الصـراحـه لاتـلـف ولاتــدور