على النسيم العليل))))
على النسيم العليل وجوي الهادي= يفيض شعري غرام وصوت تغريده جالس على فرشتي واطق برادي= أحسب العمر وأبحث كيف تجديده مالى جدى بالمحبه وخفقت أفوادي= وشلون أرده وله بالحب تعويده على محبة بعيده نورها بادي =من أول العمر عندي كان تمهيده تنسج خيوط الشرف في سلم الاجوادي =لو طالها من كلام الناس تنقيده أمشي بدرب الرجاله وأقطع الوادي= وأرقب طويل المراقب ماأرقب الشيده أرقب وأناظر وأصيح بصوت وأنادي= يامعلق القلب بالله فك له قيده من واهجن في خفوقي صاح رعادي= وألتفني حزن ليلي في مقاليده طار النعاس وتعدت حزة ارقادي =واحتار فكري يشد القاف ويعيده ماأدرى طغاني شعور لشوق وقادي= والا خذتني الطواري في مواعيده لو الأماني تبصر قلبي الغادي= وتعطيه شحنه توفر من محاصيده ماكان هذي ظروفي هم واجهادي =وماكان قلبي يكيل الهم ويزيده بس المقدر مقدر لو حدى الحادي =هذا الصحيح وقليل العرف مايريده وأختامها بالنسيم وجوي الهادي =يازين جو المشاعر مع تغاريده |
رد: على النسيم العليل))))
الشاعر العذب ::حمد الوايلي ..
صح لســــانك على هالقصيدة الرائعة .. |
رد: على النسيم العليل))))
الشاعر حمد الوائلي
صح لسانك على هذه القصيده الجزله تقبل مروري واعجابي |
رد: على النسيم العليل))))
اقتباس:
الاخ الشاعر حمد الوايلي انت من يستحق الرهان عليه في الجزاله والقوه والحبك0
أمشي بدرب الرجاله وأقطع الوادي= وأرقب طويل المراقب ماأرقب الشيده أرقب وأناظر وأصيح بصوت وأنادي= يامعلق القلب بالله فك له قيده من واهجن في خفوقي صاح رعادي= وألتفني حزن ليلي في مقاليده طار النعاس وتعدت حزة ارقادي =واحتار فكري يشد القاف ويعيده ماأدرى طغاني شعور لشوق وقادي= والا خذتني الطواري في مواعيده0 ودخلت عليها من هنا دخله وحرفنه رائعه جداً
الأماني تبصر قلبي الغادي= وتعطيه شحنه توفر من محاصيده ماكان هذي ظروفي هم واجهادي =وماكان قلبي يكيل الهم ويزيده بس المقدر مقدر لو حدى الحادي =هذا الصحيح وقليل العرف مايريده جميله منك يالغالي |
رد: على النسيم العليل))))
حمد الوايلي
صح لسانك نص رائع من شاعر متمكن و لا يرضى إلا بالجزاله .. مفردات عذبه و احساس رائع و لا غرابه فهنا حمد الوايلي .. تقديري لك و لفكرك .. |
رد: على النسيم العليل))))
الاخ/حمدالوايلي
صح السانك جزل ياحمد تحياتي |
رد: على النسيم العليل))))
شاعرنا حمد الوايلي
صح لسانك على جزالة القصيدة تحياتي |
رد: على النسيم العليل))))
صح لسانك مليون ومايكفون كلمات متميزه وأبيات مبهره أبدعت بأنتظار جديدك دمت بخير |
رد: على النسيم العليل))))
ماذا عساني اقول على هذه الردود التي تصنع في داخلي الكثير والكثير من الامتنان والشكر لاصحابها شكرا بلا تخصيص لكل من انار صفحتي برده وشكرا |
| الساعة الآن (12:01 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه