ياطير ياللي تقدرالجنحان توصـلـك السـما = اغنم شبابك واستقر بزحل والا المشتري
مادمت صقر ولك جناح وعين ماجاها العمى = وش بك موقع باسفل الوادي ؟ وش اللي تحتري ؟
اقل شي ارقب على اللوماح تامن بالحمى = وابعد عن الصياد والشبكه موثقة العري
وان شفت بالوادي حمامه هج عنها ربما = حطت تغرربك لاجل تنصاد .. خلك عبقري
خلك شجيع باللقا ومن الحذر فيك انتما = وتر جرح طعنات الظهر يبطي وجرحه مابري
يـاماعلـى نياتـهم راحــو مـن الخلق غـشـما = والرجل في قلبه وليس بالبشوت ام الزري
وان صادك الصياد ماقدرك تقدير حشما = تخاشروا بك بايع وشاري وحق السمــسري
من بينهم يبي يجيك الجوع ويجيك الظما = والكل منهم يحلم ان بقيمتك يصبــح ثري
انا نصحتك وانته بكيفك ولانت بملََََِِِِِِــــزما = ماني بدفتر عائلــتك ولا انت معـي بدفـتري
هذي نصيحه والنصيحه من طبوع الاكرما = نصيحةٍ تهدى بلاش وقبــل كانـت تنشري
الطير رد وقال قل للذيب هرجٍ محكما = نصحتنـــي والذيب خليـته ويمـكن ما دري
قلت الخبر يا طيـر عـنـد الذيب ولسمعه نما = مبطي وقال الذيب اللهم اني العري البري
من ذنـب ناسٍ ماتحب الخير كل ٍ مجرما = من غير شياتن سترها اليـــل كــلٍ يفـتري
ايلين صار الذيب هو والقت اعدى و اخصما = واخر دعاويهم فراش الذيب تحت البـربري
مسكين راح الذيب فيها لاشرد ولا احتمى = والذله اللي خافيه احسن من اللي تنـطري
الذيب لاراد يـعـوي ينشـب لسانه بالجـــــما = ومن الضما قصر عليه الريق ما بل المري
ان لجت ضلوعه على له راس ملمومن زما = ماله مجيب وطاح له في ظلمةٍ ما تنسري
والوقت مثل ما يقولـون العرب ما يرحــما = ولايحمي القانــــون كل مغفلٍ ما يبصــــري
وتجنب العيات في هرج الرجال الاقــدما = العي يلقا عيةٍ يبـــلاه من وجــه نظــري
والياطلبت الراي شاورلك نصيحٍ ملهــــما = نورك رايه ويحفظ سـرك ولا هو ثرثري
وليا كرمت اشبع وخلك من خيار الاكرما = واليا ضربت اضرب بسيفٍ يفري الهامه فري
واليا جفتك الارض هاجر لو تهاجر للسـمـــا = يمكـن بـدال الارض تلقا لك سنع بالمشتري

هذي نصيحه والنصيحه من طبوع الاكرما=نصيحةٍ تهدى بلاش وقبل كانت تنشري

المشاركة الأصلية كتبت بواسطة خلف الغريب (المشاركة 245147) شاعرنا الجميل غريب الشمال .. كعادتك مميز وشاعرية عذبة تستحق الاحتفاء وبقوة .. ابيات مبطنة ذات مدلول عميق نستشفه من خلال ظل القصيدة .. خلك شجيع باللقا ومن الحذر فيك انتما وتر جرح طعنات الظهر يبطي وجرحه مابري ياماعلى نياتهم راحو من الخلق غشما والرجل في قلبه وليس بالبشوت ام الزري وان صادك الصياد ماقدرك تقدير حشما تخاشروا بك بايع وشاري وحق السمسري من بينهم يبي يجيك الجوع ويجيك الظما والكل منهم يحلم ان بقيمتك يصبح ثري أسقاطات رائعة ومعاني جميلة في هذا الخطاب الموجه إلى الطير والطير دائما ملهم للشعراء .. تحياتي وتقبل مروري.. صح لسانك ولا هان بوحك ..

المشاركة الأصلية كتبت بواسطة يزن علا (المشاركة 245148) وان شفت بالوادي حمامه هج عنها ربما حطت تغرربك لاجل تنصاد .. خلك عبقري قصيده غايه في الروعه والجمال الجمال يسكن كل حرف هنا ...وهناك اسقاطات راقت لي كثيراااا لن ازيــد بااكثر من صح لسانك ..........شاعرنا المبدع

المشاركة الأصلية كتبت بواسطة سعوط المجانين (المشاركة 245191) صح لسانك ولاهنت جزل كالعاده تقديري ..

المشاركة الأصلية كتبت بواسطة ابن هندي (المشاركة 245318) الشاعر الرائع -غريب الشمال مبدع كما عوتنا --صح لسانك وسلمت يمينك على هذه الشامخه وان شفت بالوادي حمامه هج عنها ربما حطت تغرربك لاجل تنصاد .. خلك عبقري خلك شجيع باللقا ومن الحذر فيك انتما وتر جرح طعنات الظهر يبطي وجرحه مابري تقبل مروري وتقديري

المشاركة الأصلية كتبت بواسطة ماجد الجعفري (المشاركة 245329) الغاااالي غريب الشمال صح لساانك ...ولاهنت قصيده تحمل في طياتها العديد من الحكم لله درك ...على هذا النص الشامخ وسجل اعجابي دمت بكل خير ..ودام هذا التميز تقبل خالص تحياااتي وتقديري

المشاركة الأصلية كتبت بواسطة رابح الغضيان (المشاركة 245346) الشاعر/غريب الشمال صح السانك نص جزل وهادف وحضور مميز تحيااااااااتي لك

المشاركة الأصلية كتبت بواسطة فهد الشافي (المشاركة 245832) صح لسانك ولاهنت جزل كالعاده تقديري

المشاركة الأصلية كتبت بواسطة الشهيدة (المشاركة 245836) صح لسانك ياماعلى نياتهم راحو من الخلق غشما والرجل في قلبه وليس بالبشوت ام الزري وان صادك الصياد ماقدرك تقدير حشما تخاشروا بك بايع وشاري وحق السمسري من بينهم يبي يجيك الجوع ويجيك الظما والكل منهم يحلم ان بقيمتك يصبح ثري إبداع و معاني عميقة سلمت أخوي

المشاركة الأصلية كتبت بواسطة محمد صالح (المشاركة 245857) صح لسانك ويعطيك العافيه

المشاركة الأصلية كتبت بواسطة حمد الخمعلي (المشاركة 245869) الاخ الشاعر غريب الشمال معنا وقوه وتسلسل يجذب القارء0 دائماً وأنت جزل0 دمت ب ود

المشاركة الأصلية كتبت بواسطة تركي صالح (المشاركة 246280) غريب الشمال رائع بهذه الرائعه قصيده مفعمه بالجزاله والابداع ولها طابع مميز وسحري يمكن في طياتها وبين أركانها ليزهر بالجزاله والروعه الغير محدوده دمت بكل خير وتقبل خالص التحايا