°~*¤®§(§ شبـــكة ويــلان العـربـيـه §)§®¤*~ˆ° - يامرحبا واللي من الشعار حاضر لايروح

- منتدى المحاوره (http://www.weelan.com/vb/forumdisplay.php?f=32)

- - يامرحبا واللي من الشعار حاضر لايروح (http://www.weelan.com/vb/showthread.php?t=15803)

سلامة الجعفري

يامرحبا واللي من الشعار حاضر لايروح = الليل توه والمعاني ماتغيض بحورها
انا اشكر الله يوم عيني خايلت برق ٍ يلوح = عسى سحابه يسقي ديار ٍ قليل سبورها

سعوط المجانين

دام البقا واصحابك الشعّأر من فوق السفوح = وان عوّدت يم المعاني ماتضيق اصدورها
جتك المخيله كلها مامن نجاه ولا ش لوح = يالله عسى الاموات ترحمها بوسط اقبورها

سلامة الجعفري

ماني بجاهل واعرف اللي عندهم طب الجروح = ياللي تسولف باسم غياب العرب وحضورها
اللي تناظر للسما عينه وهو فوق السطوح = الظاهر انه مادرى بورودها وصدورها

سعوط المجانين

سوق المعاني دام لك غايات يابعيد الشبوح = وافهم من اهل المعرفه ثم استمع في شورها
اللقمه اللي تاصل العربان من كف الشحوح = احسن لها لوكانت اللقمه بوسط اقدورها

سلامة الجعفري

القوم وصلت للقمر ومعمره فوقه صروح = هذي حقيقه والحقيقه مانت جاحد نورها
مدري مصيبتنا غبا والا قريبين الطموح = والا نقول النفس مكسبها على مقدروها

سعوط المجانين

عساك معهم تاصل لمطلبك يالهرش الرموح = لوكان دور الجعفري ماهو يشابه دورها
جتك الرساله بالخفا وانته تبيها بالوضوح؟ = عزالله اني ابتلشت بعميها مع عورها

سلامة الجعفري

الجعفري مايطلب العالم غبوق ولاصبوح = يحمي حدوده والمباني عزها من سورها
مادام قدرك يوم زودنا اللهب عود يفوح = نويت اردك من سناد التلعه اليا حدورها

سعوط المجانين

هرج الفضا ياصاحبي يخلي العانس طموح؟! = لكنّ صل الفرض في مكه وطيبه زورها
العام يوم الباخره جتك ولا باقي فيك روح = وقفت من دونك وصرت ابواجهة بابورها

سلامة الجعفري

ماكل موقف يجعل الرجال باسراره يبوح = الا ليا شاف الظروف اللي قوي ٍ جورها
مدري تسولف جد والا انته تسولف من مزوح = والا انت ماتدري بكابرها ولا مكبورها

سعوط المجانين

عزالله انك ياخوي الجنب رجال ٍ لحوح = اتحمل العالم ذنوب ٍ مادرت بمورها
الكبر لله منقذ من البحر الازرق قوم نوح = وانته بشر لقمتك ماتضمن تصل حنجورها

سلامة الجعفري

الله يعين بوقتنا التالي هل القلب النصوح = مهما عملت الخير للعربان شفت شرورها
لاخير فاللي مابراسه زوم للعليا شفوح = اللي كبود عداه من فعله تزيد حرورها

سعوط المجانين

اللي عمل بالخير يجزى خير يالذيب الجموح = وانته سواة الحيه الرقطا ونفس اشعورها
حنا تعدينا الصعب مرقابنا راس الشنوح = علم بها واحد ذلوله امتمايل كُورها