رشيد الزلامي \ محمد السناني
السلام عليكم
مسا الخير \ محاوره جمعت بين علمين من اعلامها رشيد الزلامي \\ محمد السناني ودائما ماتحمل محاوراتهم الفتل والنقض والمعاني القويه الى جانب النديه والحماسه ,, اتمنى تحوز على رضاكم رشيد الزلامي:
هلا يا مرحبا ترحيبة ترضي جميـع القـوم = وأنا مدري جهينه وش يزعلهـا ويرضيهـا تراني ما نشدتك يالسناني عن علوم اليـوم = أبا انشد عن علوم لي شهر وأسبوع موحيها محمد السناني:
يدوم بك البقا والقوم ما ترضى بحب خشوم = تقدم يالزلامـي للقضيـه وانـت قاضيهـا سمعنا كلمة الظالم سمعنا دعـوة المظلـوم = تداوي علـة المظلـوم والا مـا تداويهـا رشيد الزلامي:
ليا جت للقضا خليت عينك ماتذوق النـوم = على شأن الحصاه اللي من الهضبه تدربيها أنا والله ما قسمت الحلال ولا حضرة قسوم = لكن اشكوا على رب ليا خربـت يسويهـا محمد السناني:
أقول الحمد لله يالزلامي ما عليه لـوم = أعرف انك تكحل عينها والصبح تعميها من اللي قسم التفاح والرمان والبرشوم = أظن أصحابك الغالين ماليتن مخابيهـا رشيد الزلامي:
اكحل لي عيون رجال لن جا في العلوم علوم = وليلـى مـا نكحلهـا يكحلهـا بناخيـهـا أحد يأكل من النخله واحد من شجرة الزقوم = اخذها يا ولد متـروك واقبلهـا بمـا فيهـا محمد السناني:
أعرف انك سلالة قوم ما أنت من الظفر محروم = للكن فالربـع افنديـه عليـك تطـول أياديهـا ما دام انك من البارح قسمت القوم فرس وروم = ترى كـل محاسـب بالصـلاه اللـي يصليهـا رشيد الزلامي: يا
مشا الله يبي ينفخ شريم وبرطمه مشروم = ليا حاول يشب النار جاهـا مـن يطفيهـا ليا ضيعتها في وقتها مانـي بهـا ملـزوم = عساكم في الجحيم وذمتـي منكـم مبريهـا محمد السناني:
أراد الله ومن نجم السما طاحن ثلاث نجوم = عسى الله لا يعين اللي على راسه مضويها وحنا نحترمك ولا نبيح بسـرك المكتـوم = نخاف الله لو انك صرت حاميها حراميهـا |
رد: رشيد الزلامي \ محمد السناني
شعراء عملاقة ومدارس شعرية
اشكرك اخوي سعوط المجانين على النقل |
. . يا سلام هذي هي المحاورات اللي ماعليها كلام الله لا يهيينك ياخوي سعوووط على هالنقل والانتقاء الراقي لاعدمناك هيـــاااا |
رد: رشيد الزلامي \ محمد السناني
كاتب الجعفري
العفو يالذيب ياهلا ومرحبا |
رد: رشيد الزلامي \ محمد السناني
هيا
اسعدني مرورك كثيرا ً ولاهنتي ,, |
رد: رشيد الزلامي \ محمد السناني
اشكرك اخوي سعوط المجانين على النقل
|
رد: رشيد الزلامي \ محمد السناني
الاخ سعوط المجانين دائماً تفاجأنا بما هو الاجمل على الساحه لا عدمناك |
رد: رشيد الزلامي \ محمد السناني
شكراً لك على هالنقل الجميل ..
تحياتي وتقديري |
رد: رشيد الزلامي \ محمد السناني
شعراء عملاقة ومدارس شعرية
اشكرك اخوي سعوط المجانين على النقل http://www.kll2.com/upfiles/CDs06168.gif |
الساعة الآن (07:33 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه