والله واقسم لك قسم مالك ايمان=واللي خلق أدم وحوا من الطين
انك نبض قلبي وروحي والاعيان=واني مقدم عمري براحة ايدين
ياشوق قلبي يابعد كل من كان=يلي ذخرتك للزمن دون تدرين
ياعشقي الاول على طول الازمان=ياعشقي الباقي من اول وللحين
سلامة عيونك من هموم واحزان=ليت التعب فيني مهو فيك يازين
لو التعب يظهر على هيئة انسان=ذليت لك كل التعب لين ترضين
ولو الشفا يشرونه الناس باثمان=دفعت له مال وذهب لين تشفين
لاكن قضاء ربي يجازيه باحسان=اجر وعوافي يابعد نور هالعين
يحفظك ربي من حسد كل شيطان=ياضحكة الدنيا ودرس المحبين
بكرة تقوم من التعب كنك حصان=وافتح لك بقلبي سطبل وميادين
يومين مرني مهن مثل ماكان=يومين ماشفت القمر يبتسم زين
من غيبتك حتى القمر خاطرة شان=وشلون قلبي يبتسم لو تغيبين

المشاركة الأصلية كتبت بواسطة صقر الصقور (المشاركة 234207) الشاعر سعود فرحان صح لسانك وعلئ شأنك وتسلم يمناك على الرائعه لاهنت

المشاركة الأصلية كتبت بواسطة بدرفهد الجعفري (المشاركة 234220) الشاعر سعود الفرحان عساك دائم سالم وغانم على هذه القصيده ا لجميله صح لسانك

المشاركة الأصلية كتبت بواسطة سعد النفج (المشاركة 234263) سعود فرحان صح لسانك و الله يكتب له الصحه و العافيه.. و ما هذا النص إلا مواصلة الابداع و التميز من سعود المطرفي .. و لكن عندي ملاحظه.. ( واللي خلق آدم و حوا من الطين ) آدم مخلوق من الطين و لكن حوا من ضلع أعوج من أضلاع آدم.. شكرا لك و شكرا لنصوصك المميزه..

المشاركة الأصلية كتبت بواسطة رابح الغضيان (المشاركة 234365) الشاعر/الواعد/والقادم بقوهـ سعود فرحان صح لسانك جزل ياسعود ولاهي غريبه حيث هذا الشبل من ذاك الاسد شاعر ابن شاعر بالتوفيق ان شاءالله وبنتظار جديدك يامبدع تحياتي لك

المشاركة الأصلية كتبت بواسطة هندي المقبل (المشاركة 234499) الشاعر سعود بن فرحان صح لسانك على هذا النص الشعري الجميل الذي يحمل الكثيرمن معاني الجمال بالتوفيق ان شاء الله

المشاركة الأصلية كتبت بواسطة ماجد الجعفري (المشاركة 234521) الغااااااااااااااالي سعود فرحان صح لسااااااااااااااانك ...ولاهنت قصيدة رائعه وأحساس صادق وجميل دمت بكل خير ..وداام هذ العزف الرااقي بإنتظار أبدااع جديد تقبل خالص تحيااااااااتي