الحر شلّع في جناحينه وناض=يرقى سنود لعالم المجد ويطير
مثل البحر في زمة الموج لافاض=يجيك كله محتدم بالفضاء يدير
ويازين فعله لاضرب مخلبة قاض=خرب الحباري ريشهن له بعاثير
هذي فعول الصقر لاجاك نهاض=ابوفهد حرٍ فعوله مشاهير
يدخل على الصعبات بالمعركة خاض=كل المواقف حلها فاز بالخير
خالد ولد مجول مع الطيب له ماض= وِلد الخساير مايعرف المخاسير
ماحسب لفعله مع الوقت باغراض=يفعل ويلقى بالوجيه المناعير
يمد كفٍ وسطها الفعل يهتاض=يشوش معها راسه ومده يسير
حتى تصير المعضلة تحت الانقاض=بين الحطام ولالقوها المداوير
حرٍ فعوله كلها كبار وعراض=وعندي دلايل لو تبون التفاسير
و ختامها سلامي و صل الافراض=وادع الكريم يكثّر بوقتنا الخير

وسلامتكم ====

الشاعر سالم صالح
لاهنت على هذه القصيده التي حملت في ابياتها لنا صفات شخص يستحق المدح وكانت رائعه وجزله وتبيض الوجه ياابيض الوجه صح لسانك عدد بلا مدد

المشاركة الأصلية كتبت بواسطة رابح الغضيان (المشاركة 232853) الشاعرالانيق/سالم صالح صح لسانك حتى الرضا جزله من شاعر لايأتي إلابالجزل وألف نعم بالمادح والممدوح بيض الله وجهك والاخ خالدبن مجول جدير بالمدح ويستاهل هذه الشامخه من شاعر شامخ شعراً ورجوله تحياتي لكم جميعاً،،،،،،،،، يثبت

المشاركة الأصلية كتبت بواسطة سلمان الكداء (المشاركة 235784) صح لسان ونعم بالمادح والممدوح