البارحة بعدك طرالي طواري=وصبيت لي فنجال والنار حيه
ساري مع الهوجاس والليل ساري=اشعب ركاب الفكر بالمهمهيه
شاري هذيك وذيك ماني بشاري=حسب اقتناع العقل بالأولويه
الشمس تسكن في طليعة مد1ري=والا القمر نعرف ينابيع ضيه
والنجمة اللي تاه فيها مساري=تبغى تباريني وتضحك عليه
ويجي لها بكره ويشرق نهاري=وتذوب مثل الملح في كاس ميه
ياحزني العارم ضلوعي ذواري= (والمرقب العالي هبوبه قويه)
وياحيلي المنهك عصاك انكساري=يأبى طموحي لا يساومك فيه
واقبل شعاع النور بعد انتظار =واغمدت همي عن عيون البريه
هذي علومي جات لك يا مشاري=وانت الذي يعرف خفايا خويه