كل شيٍ في حياتي حاسبٍ له من حساب=ماعدا (نوره) تهاجر ذاك مايطري أبد
لين خاصمني زماني وابتدت رحلة عذاب=(دارت الأيام) فينا وابتدينا بالنكد
حلت الفرقى علينا واهطلت مثل السحاب=ومن (ثمن عمري) أبدفع غلطةٍ ماتسترد
للأسف حبيت من هي مثلها مثل السسراب=كنت اطارد لي وهم و(الوهم) ماينطرد
آه يا(سهم الغدر) كيف صوبني صواب=سبته (جرح الزمن) بين الاضلاع انولد
راحت بـ (ليلة هروب)الحب شدت للركاب=واتركتني في (دروب الشك) عايش دون أحد
واحكمت (حكم البشر) يوم يظلم مايهاب=مايفكر في ذنوبٍ شافها فردٍ صمد
واتركتني بين (اصابع الزمن) كلي مصاب=أتفكر ليه خانت حبنا يوم اتحد
ليه تبني حبنا بـ (بيوت من ثلجٍ) تذاب=وابني (البيت الكبير) وهي تجازيني تهد
واتفكر في (قلوبٍ من ورق) والله عجاب=كيف تدخل للمحبه وسط (نيران) ورعد
(القدر محتوم) أنا ادري والخطا يورد صواب=وادري ان اكبر خطايه حبها يومٍ ورد
تحسب إنه (طاش ماطاش) المحبه واكتساب=مادرت إن (طعم الايام) يتبدل ماخلد
تبي تدخل في زمان (العولمه) مع كل باب=في نظرها العاشق اصلاً دميةٍ بيد الولد
بدري من عمرك سواتك لاجلها يدرج لعاب=وتنثر (دموع الرجال) ويطلبوها لو ترد
روحي الله لايردك يامسلسل من عذاب=ويافتى (خلك معي) لاترد اللي تصد

حلت الفرقى علينا واهطلت مثـل السحـاب.....ومن (ثمن عمري) أبدفع غلطـةٍ ماتستـرد
للأسف حبيت من هي مثلها مثل السسـراب......كنت اطارد لي وهـم و(الوهـم) ماينطـرد

الشاعر الرائع والمبدع|عبدالله مطلق العجلان

صح لسانك وجزل ووافي

وياهلا بك ياعبدالله معنا

دمت بود واسأل الله لك التوفيق