بردت ببعدك ورحت أتسربـل للهمـوم لحـاف = أعاتب غيبتك والشوق يا أغلى الخلـق غالبنـي
حرام إنك تروح وينكسر في غيبتـك مجـداف = وأعاتبـك لغيابـك وإنـت ماعمـرك تعابتنـي
تروح وينطفي شمع الغلا ياغامض الأوصـاف = أنا مانـي حبيبـك يـوم تهجرنـي وتتعبنـي ؟؟
ترى ماب الغلا كبر وترى ماب الغـلا إسفـاف = عرفتك يومك بعـز الضحـى تلفـي تلاعبنـي
حبيبي هالفؤاد اللي عليك مـن الظـلام يخـاف = يخاطبـك بعتـب علـك تـعـود يامعذبـنـي
حبيبي مابقـى للـود منبـر مابقـى مشـراف = يزعزني غـلاك وحدسـي الخايـب يحاربنـي
غصين البان داعبك الهوا وأومت بك الأطـراف = غصيـن البـان ماداعبـك تذكـارن يداعبنـي
إذا مالاعك غيابـي وطيـب خاطـرك ماطـاف = تـوقـع ياحبيـبـي لاتشرقـنـي تغربـنـي
وإذا ما إروى غرورك ياغصين البان جزل القاف = أبرحل عنـك ياعشقـي ولا بـه مـا يأنبنـي
أنا راعيت خاطرك ولقيـت بوجهـي الإجحـاف = أنا لاغبت عني ذكـرك يجـي لـي ويطربنـي
أنا ياللي لعب بك غنجك ووقـع بـك الإتـراف = تمنيتـك بجنـح الليـل والأحـلام ترعبـنـي
حرام إنك تروح وينكسر في غيبتـك مجـداف = وأعاتب غيبتك والشوق يا أغلى الخلق غالبنـي

ابن هندي

صح بدنك ومرورك هو تحقيق للإبداع أخي الفاضل

لاهنت على هذا المرور العطر ؛؛

دمت بود ..