فوازانهض عطني البـوك=مـع اقلامـي وانـاابـوك
احـس بقلبـي داكــوك=باسجـل بعـض الابيـات
ابداهـا بسـم الرحـمـن=واطلب عفـوه والغفـران
المولـى عظيـم الـشـان=يغفرلـي بعـض الـزلات
ثـم اسجـل لـي وصيـه=وارسلهـا لكـم هـديـه
ومن حفظهـا ميـه ميـه=يلقـى خيـر ومـسـرات
ابي اوصي بعض الشبـاب=وارشدهـم درب الصـواب
والمخطي كان انـه تـاب=ربـه يغفـر لـه مافـات
خوذوا كلام اللـي جـرب=وباالدنيـا شـرق وغـرب
وعلـى الفضيلـه تـدرب=من صغره يمشـي بثبـات
اوصيـك اول باالـصـلاه=واحـذر لاتشـرك بـاالله
ومـن مالـك اد الـزكـاه=ان كانـك تبغـى النجـات
حـج لبيتـه واد الفـرض=ماطولك تمشي بـاالارض
لاتاخذهـا طـول بعـرض=وتجاهـر باالمعصـيـات
حافظ علـى شهرالصـوم=لاتقضـي يومـك باالنـوم
انهض لاتصبـح محـروم=كلـه خـيـر وحسـنـات
بعضكـم لاجـا رمضـان=نايـم وان قعـد زعـلان
ينهض مع صـوت الأذان=يدهلها ويبـدا السهـرات
هـذاوالله عـزتـي لــه=ضيـع ليالـي فضيـلـه
انااشهـد انــه هبيـلـه=وش قدامـه لامـن مـات
قدامـك ياشيـن حسـاب=كل شي مكتوبـن بكتـاب
جنـه اونــار وعــذاب=واعمالـك هـي المـرءات
يابـن ادم خلـك ذهـيـن=واحرص على فروض الدين
والعـن ابليـس اللعـيـن=لاتقـريـك االـمـلـذات
تـرى مالـك غيراعمالـك=ان طابـت يطيـب فالـك
وان خابت عـزي لحالـك=لاجـاء دفـع الحسابـات
واحرص لاتنسى فضل امك=اللـي بحنـانـه تلـمـك
محدغيـره ينقـل هـمـك=لوصابـك بعـض الافـات
احملت بك تسـع شهـور=ياما شافت منـك الجـور
ذاقـت نكايـد وشــرور=تصبروتعانـي بسـكـات
ربـك اوصـى بااحترامـه=قال اخضع له وط الهامـه
ترى الجنه تحـت اقدامـه=ومثبـت هـذا بـاآيـات
واحذر تنسى فضل الوالـد=افنى عمره وهـو يجاهـد
لأجل تعيش العيش الراغد=يسهرليـلـه مـايـبـات
كل يومه يركـض ويليـب=يطرد رزقـه مثـل الذيـب
حتى غـدا راسـه شيـب=من كثر الهم والحسـرات
واحذرتقسى على اخوانـك=اشملـهـم دوم بحنـانـك
هم سندك وهـم اعوانـك=لـو أبتلـيـت بنكـبـات
ترى مالـك غيـر اخـوك=ان كان العالـم ضامـوك
يرخص عمـره لاهانـوك=هو عونك وقـت الشـدات
وهاالله هـاالله باالجيـران=لاتزعلهـم مهمـا كــان
لاتطامـر ورى الورعـان=ومع جيرانك خوذ وهـات
خل نفسـك دايـم خفيفـه=واحشم جارك واكرم ضيفه
عنهـم لاتخفـي الطريفـه=ترضـي رب السـمـوات
لاجاك العانـي والضيـف=فل احجاجـه واره الكيـف
ترى اكرامه لـك تشريـف=احـذر لاتنسـى العـادات
خلـك صـدوق ولبـيـب=واتعب على دروب الطيـب
عـن الواجـب لاتغـيـب=هـذا المكسـب باالحيـاة
خلـك ثقـيـل ورزيــن=وباالمجلس خلـك فطيـن
تلقى الصاحي والمسكيـن=واهـل الهـذره والنمـات
واحذرمن صحيب الـلاش=مغشوش وقلبـه غشـاش
لاجا اللازم عنـك انحـاش=لايـوديـك بمـتـاهـات
دورلك صاحـب صـدوق=مخلـص وفـي مايبـوق
لأسرارك قلبـه صنـدوق=مقفـول بسبـع ضـبـات
باختم هرجي وانهي القول=باالصلاه علـى الرسـول
والعاقـل هـو المسئـول=عن فعلـه حتـى الممـات

المشاركة الأصلية كتبت بواسطة السيف القادم (المشاركة 209066) بارك الله فيك اخي فرحان الفدعاني ونفع الله بك وبما تكتب واسأل الله ان لايحرمك الاجر والمثوبه صح لسانك ونسأل الله ان ينفع بها شكرا لك

المشاركة الأصلية كتبت بواسطة ابن هندي (المشاركة 209073) فرحن الفدعاني سلمت وطال عمرك على طاعة الرحمن ..وجزاك الله الف خير على هالنصائح الطيبه تقبل مروري ودمت بخير وعافيه

المشاركة الأصلية كتبت بواسطة ماجد الجعفري (المشاركة 209109) الغالي فرحان الفدعاني صح لسااانك ...ولاهنت كفيت وفيت لله درك ... وبيض الله وجهك فرحان الفدعاني ..هكذا عهدناك من ابدااع الى ابدااع دمت بكل خير ..ودام هذا التميز تقبل خالص تحياااتي

المشاركة الأصلية كتبت بواسطة طلال الايداء (المشاركة 209144) صح الله لساانكــ ملايين اخوووووي فرحااااااااااااااااااان ونص يدل على النص وفيه من الجزالللله وتسلسل الابياات بطريقه تدل على تمكن الشااعر من الابدااع الللذي يمتلكه بطريقه لايمل القااارئ منهاااا وفي انتظاار الجديد بااااذن الله اخوكـــــــ طـــــلال بن سعوووود الايداااء

المشاركة الأصلية كتبت بواسطة أخت الذيب (المشاركة 209156) وصية ثمينة اخوي فرحان تسلم عليها لاعدمناك

المشاركة الأصلية كتبت بواسطة البدر (المشاركة 209201) فرحان الفدعاني اعجبتني هذه القصيده كثيرا ببساطتها ونقاء كلماتها جزاك الله خير وصح لسانك

المشاركة الأصلية كتبت بواسطة عادل العايش (المشاركة 209384) فرحاان الفدعاني صح الله لساانك قصيده جزله قصيده رااائعه ونحن بحااجه لمثل هذه القصائد الهاادفه المفيده وأنت الأن بهذه الرائعه وصلت الا ماكنا نريد الوصول أليه بطريقتك الراائعه.. دمت وداام أبدااعك تقبل مروري

المشاركة الأصلية كتبت بواسطة عمر الأسمر البنتان (المشاركة 209389) فرحان الفدعاني ونص يزخر بالمعاني السامية التي قلما نجدها بين معشرنا نحن الشعراء النصح معنى هادف ترجمته بقصيدة مميزة وجميلة يافرحان صح لسانك يامبدع ... فعلاً يجب أن تصل هذه الرسالة لكافة الشباب .. صح لسانك مرة ثانية وتقبل مروري وتقديري دمت بود ...

المشاركة الأصلية كتبت بواسطة تركي صالح (المشاركة 209510) فرحان الفدعاني جزاك الله الف خير قصيده مثمره بنصائحه القيمه عسى الله يكتبلك الاجر بكل حرف كتبته ودمت بكل خير وعافيه وتقبل خالص التقدير والاحترام

المشاركة الأصلية كتبت بواسطة رابح الغضيان (المشاركة 209736) الاخ فرحان الفدعاني قصيدة جزله وهادفه صح السانك ورفع الله قدرك وشانك تحياااااااتي لك

صح لسانك يا فرحان

وجزاك الله خير

دمت بود واسأل الله لك التوفيق

المشاركة الأصلية كتبت بواسطة مسعد النافل (المشاركة 211051) الشاعر القدير فرحان الفدعاني صح لسانك وصدقت بما قلت وعسى الله ينفع بها الكثير من الناس تقبل تحيات اخوك مسعد النافل

المشاركة الأصلية كتبت بواسطة صقر الصقور (المشاركة 212057) بارك الله فيك اخي فرحان الفدعاني ونفع الله بك وبما تكتب واسأل الله ان لايحرمك الاجر والمثوبه صح لسانك ونسأل الله ان ينفع بها تقبل مروري دمت بود

المشاركة الأصلية كتبت بواسطة صالح الجطيلي (المشاركة 214548) صح لسانك يا فرحان وجزاك الله خير دمت بود واسأل الله لك التوفيق

المشاركة الأصلية كتبت بواسطة سلطان الشامخ (المشاركة 218454) صح لســـــــــــــــــــــــانك ولا هي غريبة عليك الجزالة في شعرك وتقبل مروري المتواضع ولك تحياتي