ارض الشماااااااااااااااااال
جيب يشرف عاليات النوازي = يطلع من الديره وضجة بلدها توه جديد اخر مديل وطرازي = يفزع لحالك عند ساعة لددها وعلى يمينك قرم قناص غازي = شيخ الرجال افعال كل حمدها ومعاك طير حر ماهو ببازي = من الحرار اللي انتمنى هددها من السبت انا ياخوك ماني بلازي = ولاجا الربوع النفس ترقب سعدها عن شوفة البدوان ماني بعازي = وشوف الرباع اللي تنهض عمدها بالزايد ليا رحت غربي البرازي = نفسي سرايرها تطلق وحدها با اول هريف الوسم نادى جهازي = كل يقول السيل قاعي جردها المزنه الغرا مطرها ارتوازي = والفيضه من السيل طافح زبدها برق يشق القاع له ارتكازي = مع قشطها اوحي جلجله من رعدها يرفح لها القلب الخضر باهتزازي = تكسي خضار القاع باابيض بردها ولمع الندى بالعشب لمع القزازي = وحال الرغث ماتفرقه عن جلدها والفقع بين العشب مصلع ونازي = والخلفه اتدرج وراها ولدها هذا هوى قلبي وهذا مجازي = يجوز لي والنفس تلحق رغدها ماني مختم زي غيري جوازي = واسافر لديره ادور فسدها لابارك الله خاسرات المغازي = اللي تخم البهدله واتحصدها ارفع دنا نفسي وما الله موازي =اطيح بالسيه واعظم جسدها قلبي يبي من الصيد عفر وجوازي = وعد هماج اشلون بالله اردها اتعب على قولة نعم واعتزازي = رفق الوجيه الطيبه من زهدها ادري انا بربعي ابا القا مفازي = مع رفقة ماكل منهو وجدها ادور الطيب وانا با اعتيازي = واشرف على روس الطوال افتردها واجنب ردي عفن ولا انتهازي = واصحب رفيق للمواجب سندها حر يعزك بالليالي العجازي = واترك نفوس ضايعه من حسدها انا بدوي با ارض الشمال اعتزازي = وميلة اعقالي بينه ما بعدهااااااااا |
اخوي سلمان
صح لسانك ياغالي ولاهنت جميل هذا البوح لكن لو كان تنسيق القصيده افضل شوي يستحسن تحياااااااااااااااااااااتي لك |
سلمان بن خالد
هلابك ياغالي لقد طال غيابك علينا فارجو ان يكون المانع خير وسجل اعجابي برائعتك ونحن معك ننتظر الغائب الحاضر ( نواف هلال ) <<<<<<<<< وتراني باوصله العلم عشان مايقول مادريت خالد صح لسانك وسلمت يمينك واعذرني على اللقافه فقد قمت بتنسيقها واتمنى ان تحوز على رضااك دمت بخير |
انا بدوي با ارض الشمال اعتزازي
وميلة اعقالي بينه ما بعدهـااااااااا الله عليك اخوي سلمان صح لسااانك مليووووون يالغاااالي ابدعت الوصف والدقة في الوصف ايضا اعجابي اسطره هنا تحياتي لك |
انا بدوي با ارض الشمال اعتزازي ...............وميلة اعقالي بينه ما بعدهـااااااااا الاخ سليمان حياك الله وياهلا ويامرحبا صفقت لهذه المعزوفه الرائعه في منحاها وتصويرها حتى وصلت لهذا البيت فكان بيت القصيد الذي فيه اجتمع الجمال رغم جزالة القصيدة الاّ انه بيت غير عادي0000 صح لسانك وسلم فكرك تقبل تقديري واحترامي |
حـر يعـزك بالليالـي العجـازي
.....................واترك نفوس ضايعه من حسدهـا انا بدوي با ارض الشمال اعتزازي ...................وميلة اعقالي بينه ما بعدهـااااااااا الاخ سليمان صح لسانك قصيده جزله تستحق الاشاده ودمت بكل خير |
اخوي عبدالله الحجيلان
[اخوي عبدالله اشادتك افتخر بها
وتحياتي لك اما بالنسبه للتنسيق والله من جنبها اولا ماعرف وثانيا مستعجل حيل وسلامتك |
مزيد المزيد
[شكرا اخوي مزيد على الاطراء الجميل
ورهيب جدا جدا بهاللقافه وحلوووووووووووه منك وانت من الشعراء اللي انا معجب فيهم وليتك ترسل لي رقم جوالك على ايميلي لاهنت ودياك ودمت بخير |
الاخ مصلح
[الاالعزيز مصلح (النشمي) اسم على مسمى
اشكرك على التكرم بالمرور والاطراء ولاهنت ياخوي والله من يد مانعدمها وتحياتي واشواقي لك |
صالح الضويحي
الاستاذ الكبير صالح الضويحي شكرا
على المرور الكريم ودمت بخير لمن يحبك |
محمد المقبل
لك احترامي وتقديري اخوي محمد
واشكرك من كل قلبي على التصفح وشهادتك اعتز بها |
سلمان الردسا
صــــــــــــــــح لســــــــــــــــــانك قرأتها اكثر من مره فاحترت بالرد لأنها تستحق اكثر من ( صح لسانك ) وتعكس كل ماهو قريب الى نفسي سجل اعجابي |
اقتباس:
اخوي مشــــــــــــــــــــــــــــاري سليمان عذرا على التأخير بالرد متابعتك تشرفني واعجابك وسام افتخر به ولك كل مني كل الحب اخوك سلمان |
صح لسانك علي هذة القصيدة الجزلة من شاعر جزل
|
حـر يعـزك بالليالـي العجـازي
--------------------واترك نفوس ضايعه من حسدهـا انا بدوي با ارض الشمال اعتزازي --------------------وميلة اعقالي بينه ما بعدهـااااااااا ألف نعم بك يالغالي وعزالله أنك ما قصرت وعاداتك الابداع دمت وسلمت ودام صفاء طرحك الرائع وتقبل فائق التقدير والاحترام |
الاخ العزيز خلف كريم
اشكرك على الاطراء والمتابعه ودمت لمن يحبك اخوك سلمان الردسا 00000000000000 |
اقتباس:
اخوي تركي بن صالح اشكر لك تقديرك ولك مني جزيل الشكر والامتنان اخوك سلمان000000000000 |
شكرا لمرورك وحضورك يابوخالد ..... سلمان شعرك يا بو خالد إعجازي .... أحلى القصايد دايم انته سندها ياعل تسلم يا بعيد المـــــــــــــرازي ... اخذت من حلو المعاني شهدها تحياتي الضامر |
اقتباس:
اخوي الضامر اشكرك على التعليق ولاطراء وتقبل خالص تحياتي اخوك سلمان 000000000000000 |
رائعة
شكرا يا بن ردسا على هذه القصيدة الاكثر من رائعة والمعبرة .
الاخ سلمان عندي طلبان الاول قصيدة القيتها في احدى الامسيات في مدح أبو راكان ( الشيخ خالد الراكان ) . والطلب الثاني في الحقيقة هو سؤال ان كانت لديك قصة وقصيدة هذا البيت ال*** ورد على السلمان ورد على ديرة اجدادي ..... مرة اخرى شكرا لك ،،، وتقبل تحياتي ............. ابو عبد الرحمن ............. |
الشاعر الرائع / سلمان الردسا
شهادتي فيك مجروحه ..ولكن اريد ان اقول بأنك مبدع في كل مكان وزمان.. اخوك / سعود العواجي |
| الساعة الآن (12:58 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه
