أبسئل أللي لا سئلته يعرف الحق المبين=عندي سؤال بالصميم وأبي الإجابه بالصميم
من للأرامل والثكالا واليتاما المسلمين=من للبنات إليا إهتكوا أعراضهن غصبٍ وضيم
من للعراق وقندهار ومسجد أولى القبلتين=من للرسول المصطفى إن سبّه الكلب الذميم
هذا سؤالي والإجابه بيّنة عند الفطين=ماهي بحاجة عبقري أو شيخ أو رجلٍ فهيم
مابة ياغير اللي خلقنا الواحد الفرد المعين=الضاهر المتكبر الباطن هو الربّ الرحيم
أللي جعل أبو بكر خليفةٍ للمؤمنين=قادر يخلّي بالزمن هذا على الأمه زعيم
روّح زمن عقبة وخالد والمثنى والحسين=,واليوم جا عبدالله آل سعود عزّ المستظيم
الوضع جداً في خطر والقدس في هم وأنين=والأندلس ياللأسف تشكي من الجرح الأليم
الوضع ماله غير سيفٍ مثل أبو متعب سنين=راس الهرم هو عزّنا دقم المخرب والخصيم
خير الملوك بهالزمن ياقف مع المستضعفين=ستر ألأرامل والثكالا فرحت الطفل اليتيم
قلبه رحومٍ بالضعيف وصلب للرجل اللعين=ماكنّه ألا الشمس يجلي نورها الليل البهيم
حاكم عضيده بالمحن سلطان كريم اليمين=القايد اللي لاحضر يهوّن الأمر الجسيم
ولي عهد المملكه بالماقف الكايد يبين=طبّ البلاد المسلمه إليا إشتكت جرحٍ قديم
حكامنا اللي بالمواقف والنوايب مرتكين=مثل الجبال الراسية في وجه أفّاكٍ أثيم
حكّامنا اللي للوطن والدّين كالحصن الحصين=من دونهم من دونهم حنّا عمى عين الغريم
حنّا تحت راية فخر نقرابها الشهادتين=وطاعت حكومتنا عهد والدين أمرٍ مستديم
حنّالبومتعب سند باللي يقوله حاضرين=عهدٍ علينا ياملك نمشي بدربٍ مستقيم
إن شفت بالدنيا خلل إضربّنا القاسي يلين=وأبشر بيومٍ للعدى يشيّب الطفل الفطيم
مطلوبنا تحت العلم دحر الغزات الطامعين=في يوم مايوصف سوى في يوم حطين العظيم
ياخادم البيتين عطنا الأمر ولك منّا يمين=مايرجع إللا واحدٍ محسوب من جنس الحريم
لافرعت بنت الجزيرة مانبي طول السنين=خوض المنايا وريحها يشدى ذعاذيع النسيم
الموت طعمه واحدٍ والنّاس هذي ميتين=وكل الخلايق فانية والخوف مافك الضليم
الله ولا التشريد والتهجير والعيش المهين=ماهو فخر إخواننا في نار وحنّا في نعيم
لاصارت الدنيا كذا ماتقبل العقل الرزين=في وقتها ننقد على الرجّال ذو العقل السليم
عند الطلب نقلط على الموت الحمر متسابقين=إمّا حياةٍ بالقمم وللا وسط قبرٍ ضليم
حنّا لكم ياخوان نورة كالحرار النّادرين=شعبٍ يسمى بالمواقف والمحن شعبٍ حليم
شعبٍ يعشق النّايفة مايقبل العيش الطمين=أمجادهم بين الأمم يدريبها الشخص الغشيم
شعبٍ سعودي لانتخى يوم المصايب مايلين=عاداتهم غسل القهر والضيم والذّل المقيم
شعبٍ إذا جار الزمان وبيّن اليوم المشين=غاراتهم يوم اللقى تجعل عدو ألله هشيم
ياشعب ياشعب الفخر دقم العدات المعتدين=إعمل بأمر المصطفى وأمر اللذي ناجى الكليم
لالا تهاون بالمحن يافضل شعب لا تستكين=إعمل بأمر اللي حكمنا وإحتسب أجرٍ عظيم
إحذر تحاقر موقعك في مركزك لا تستهين=يكفي فخر إنك سعودي للعدى نار وجحيم
خل التعنصر والحميّا لرجال الجاهلين=وإرفع علم سنّة نبيك والعن إبليس الرجيم
الحرب ماهي حرب لابة حربنا دينٍ لدين=وإن مانتصرنا لديننا نصبح على الفعل الأثيم
خل التفاخر بالنسب شعار للمتخاذلين=وإنزع قناع العنصريّة واضهر الوجه الوسيم
إترك كلام الحاقدين أهل الفتن والمرجفين=أللي يبون الشعب هذا يترك الدّين ويهيم
كم به إذاعة سافلة تجمع خبول وساقطين=شعارها زرع الفتن بالكذب والهرج اللأيم
بؤرة فساد وملتقى الجهيل والمتأمرين=إحثالة الشعب الوفي إعلاجها السيف الصريم
وختامها عندي نصيحة لرجال العاقلين=مابي فوايد عقبها إلا رضى ربٍ عليم
إقروا تواريخ الصحابة وإفهموا علمٍ يقين=والله مانفرح بنصر إن ما رجعنا للكريم

المشاركة الأصلية كتبت بواسطة طلال الايداء (المشاركة 207269) صح الله لساانكـ ملايين على هذاا النص الجميل وفي انتظاار جديدكـ تقبل تحياات اخووكـ طلال بن سعود الايداااء

المشاركة الأصلية كتبت بواسطة مسعد النافل (المشاركة 207277) صح الله لساانكـ ملايين على هذاا النص الجميل الذي يخاطب الامه الاسلاميه اسل الله ان ينهض بها ويرد لنا القدس وحقوق المسلمين جميعاً وفي انتظاار جديدكـ مسعد النافل

المشاركة الأصلية كتبت بواسطة ابن هندي (المشاركة 207284) [ياخادم البيتين عطنا الأمر ولـك منّـا يميـن مايرجع إللا واحدٍ محسوب من جنس الحريم لافرعت بنت الجزيرة مانبي طـول السنيـن خوض المنايا وريحها يشدى ذعاذيع النسيـم الموت طعمه واحدٍ والنّـاس هـذي ميتيـن وكل الخلايق فانية والخوف مافـك الضليـم الاخ نايف الشبيعان.......................................... .................................................. ....... سلمت ودمت لنا .........وصح لسانك .......تقبل مروري مع جزيل السكر [/size]

المشاركة الأصلية كتبت بواسطة م. ماهر الصقري (المشاركة 207293) شامخـه ماكتبت وتحمـل هم المسلم الغيور عند الطلب نقلط على الموت الحمر متسابقين إمّا حياةٍ بالقمـم ولـلا وسـط قبـرٍ ضليـم توصيـف رائـع صح لسانك ولاهان منطوقك والله يفرجها على المسلمين

المشاركة الأصلية كتبت بواسطة سلمان الفهد (المشاركة 207312) فعلا قصيده شامخه والف مليون نعم بخادم الحرمين ابو متعب ويستاهل المدح ونعم القائد الحرب ماهي حرب لابة حربنـا ديـنٍ لديـن وإن مانتصرنا لديننا نصبح على الفعل الأثيم وصح لسانك على هالحماس من خلال هذا النص الشامخ

المشاركة الأصلية كتبت بواسطة ماجد الجعفري (المشاركة 207323) الغالي نايف الشبيعان صح لساااانك ...ولاهنت قصيدة رائعه ... وبيض الله وجهك ... دمت بكل خير .... تقبل تحيااااااااااتي

المشاركة الأصلية كتبت بواسطة حمد الخمعلي (المشاركة 207417) الاخ نايف الشبيعان صح لسانك وسلم قلبك تحياتي لك

المشاركة الأصلية كتبت بواسطة البدر (المشاركة 208123) نايف الشبيعان صح لسانك قصيده رائعه واعجبت بها ووجب تسجيل اعجابي فتقبله وشكرا لك