احساس شاعر تفضل..
بنت الهلالي تدور من يحل الحبال=و المشكله حلها بيدين عقادها
يا شاعر الحس و الاحساس عطني مجال=اسألك عن و جهة الالقاب و سنادها |
رد: احساس شاعر تفضل..
صح لسانك سلطان لا هنت ...
ابداع وطاروق غني .. بانتظار اخوي احساس شاعر للرد .. متابع وبقوة.... |
رد: احساس شاعر تفضل..
صح لساااااااانك يالحايلي
طاروق جميل ويجيك احساس تقديري...... |
رد: احساس شاعر تفضل..
وين راح شاعر الاحساس ؟؟؟!!!!
|
رد: احساس شاعر تفضل..
خلوها .. وين شاعر الاحساس..
الحس له شاعرن يارد قليب(ن) زلال *** والله على الجمعه اللي خلت اسيادها كل اسم له علة(ن) تذكر ليا جا سؤال *** إلا انت ما جبت شي(ن) يثبت وكادها |
رد: احساس شاعر تفضل..
اقتباس:
بعد اذن اخوي الشاعر احساس شاعر
احساس شاعر تغيّب يوم جالك جمال =هات العلوم الفريدة وانت قصادها اللي تغيّب عن الميدان جاه انشغال =واللي حضر ياعميل الخير سدادها |
رد: احساس شاعر تفضل..
اقتباس:
كفو يا جمال الله لا يهينك ... عز الله تسد اللزوم.. بانتظارك اخوي سلطان لا هنت .... |
رد: احساس شاعر تفضل..
كفو كفو كفو
جمال عز الله انك ماقصرت سلطان الحايلي طاروق جميل ورائع وخل عنك احساس ترى السيل جاك وانتبه ونا اخوك وتراني بصفك شيلوووووووووووووووووووووووهااااااااااااا متابع |
رد: احساس شاعر تفضل..
اقتباس:
خلوووووووووووووها هلابك جمال وحياك..
حييت و النعم لاهل النعم لازم يقال=و شلون وانتم هل الوقفات و عمادها لي مال عند العرب و المال حق و حلال=يوم اغلب الناس يمي تضغط زنادها |
رد: احساس شاعر تفضل..
اقتباس:
الله يديمك عميل الخير والشك زال=والله يجيرك من العالم وحسادها احساس سلم لي الدعوه ولافيه مال =يمكن تغيّب ديونه كثرت اقصادها |
رد: احساس شاعر تفضل..
كفو والله ياجمال ,,,وانا بصف جاري سلطان الحايلي ..
الحايلي مقبلاًمعه البيوت الثقال.................وبنك ياسلطان ... |
رد: احساس شاعر تفضل..
كفو اثنينكم ..
طاروق ساخن واتمنى ان يستمر ... ولعوها نار والنار من شبابها... |
رد: احساس شاعر تفضل..
طاروق ساخن وجميل
سلطان الحايلي ... جمال اللميع عشتوا على العز متابع .. |
رد: احساس شاعر تفضل..
اقتباس:
خلووووووووووها
الناس تركض ورا الدينار والحال حال=راحو و نسيو مقر الدار وعتادها و احساس راح و ترك دين البيوت الجزال=ما اوفا الحقوق الكثيره واجهد اجوادها |
رد: احساس شاعر تفضل..
اقتباس:
دنياك هذه تراها كل ابوها سجال =معارك ٍ دامية والأدمي قادها يالحايلي لو تجيك الناس من كل جال=وش حيلتك لو تجي ماتعرف اعدادها |
رد: احساس شاعر تفضل..
اقتباس:
من ما يعدد ديونه لا يمر الرجال=يجلس على بساط فقره لين يعتادها والناس تبغى الحقوق و حقها ما يزال=و النار دون الحرايق شبت اعوادها |
رد: احساس شاعر تفضل..
اقتباس:
يالحايلي من بقى له دين علم وريال =ماضاع حق ٍ وراه اللي تبي مرادها ان كان ما ضاع لك شيٍ نزيه وحلال =لابد مايوم يرجع وانت ورادها |
رد: احساس شاعر تفضل..
اقتباس:
جمال لا تاخذ العلم بسهل و بعدال=العلم صعب و مفاهيمه على قيادها انشهد ان الجماله ضايعه يا جمال=و ديوننا ماجحدها غير جحادها |
رد: احساس شاعر تفضل..
اقتباس:
العلم لاشك ثقلة مثل ثقل الجيال =والمزنة اللي تزلزلني برعادها عدت ولا درت ولا شفت منها المسال =مير انت ياصاحبي صفّر لعدادها |
رد: احساس شاعر تفضل..
اقتباس:
تسلم و يسلم قصيدن له معاني جزال=كفيت يا صاحبي و انته من اسيادها الشعر يفخر بك و تسلم على كل حال=واعذر خويك عن التقصير وان زادها |
الساعة الآن (07:57 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه