** الشعر الجزيل **
يامدور الشعر الجزيل الليله الشعر الجزيل=ناقف مواقيف الرجال اللي تعكف اشنابها والشعر لو قالو حمل ماهو على متني ثقيل=يخف لو زاد الحمل والمسأله ماهابها علوم المراجل درعي وشعري هو السيف الصقيل=لياجت مواقيف القصيد و جمّعت كتابها اخيل مع ناس ٍ رقت مرقاب الاشعار و تخيل=القى مكان بزحمة العالم على مرقابها صيد السمين ان فاتني قفيت ادور له بديل=خله يروح و كل صيده حظ منهو جابها ناس اتزاحم عند باب الطيب و العلم الجليل=وناس ٍ على باب الردا ياشين مشي اكعابها ناس ٍ تقدر خوة الرجال و ترد الجميل=وناس ٍ جحوده ما تقدر ناسها و اصحابها اشكال و الوان و تعدد بالفصيله و الفصيل=لو ضحكو لك القلوب اللي خلقها ادرابها والناس قبل العام كانت تحمل الشي القلبل=واليوم يا كثر الطغا في لبسها و ركابها واللي يدور من ورا عروض البشر ماله حصيل=والجلسه اللي ما تشد الراس وش يبغا بها ومن قال شي و لاتحرا للحقايق و الدليل=مثل من هدّ البيوت النابيه با طنابها والحظ حبل من السما يختار للناس و يميل=حبال ترفع ناس والمقرود ما يرقا بها والله يعين اللي بغا له شي من عند البخيل=مثل من يطلب صناديق ٍ مقفل بابها واللي يفرق مجتمع للناس و يشب الفتيل=إقصر عنه فنجال من دلتك يا صبابها والدنيا هذي فانيه والناس يقفاها الرحيل=يالله عسانا ما نبديها و لا نشقا بها اخوكم / سعد شايش النفج |
رد: ** الشعر الجزيل **
صح الله لساانكــ
اخوي سعد وكفوووو يالجزل ونص جزل يستحق الوقوف عنده ويشرفني اني اول من يرد عاى هالنص تقبل مرور اخوك طلال الايدااااء |
رد: ** الشعر الجزيل **
ومن قال شي و لاتحرا للحقايق والدليل
مثل من هدّ البيوت النابيه با طنابهـا القدير سعد النفج هنا كان للأحرف قيمه.. هنا كان للكلمه معنى.. هنا كونت قصيده احتوى مضمونها الفكري والحسي على اجل وارقى الصفات لدى الأنسان كأنسان حضرت فقط لأسجل اعجابي دمت للأبداع |
رد: ** الشعر الجزيل **
الأخ العزيزسعد شايش النفج إسم القصيدة طابق القصيدة بكل المعايير قلّ مانجد الجزالة في هذه الأيام التي تكثر فيها القصائد إلا من سعد النفج ومنهم بمستواه الشعري صح لسانك وبنانك على هالرائعه التي مهما قلنا بها نعتبر مقصرين تقبّل مروري وإعجابي |
رد: ** الشعر الجزيل **
الشاعر
سعد النفج دائما وانت مبدع ولكن ابداعك يشع نورا من الحكمة والتجارب لله درك وتقبل تقديري واحترامي |
رد: ** الشعر الجزيل **
الرائع سعد النفج
دائما مبدع بكل حالاتك صح الله لسانك وسلمت بنانك على هذه القصيده التي لا يجيد حبك معانيها الا سعد عسى ايامك كلها سعد |
رد: ** الشعر الجزيل **
قصيده تحمل جزل المعاني من شاعر تعودنا منه الجزل
سعد صح لسانك |
رد: ** الشعر الجزيل **
سعد النفج
صح لسااانك ...ولاهنت قصيدة في غاية الروووعه ......لله درك ولا فض فوك تقبل تحيااااااتي |
رد: ** الشعر الجزيل **
عز الله إنك جبتها ياللي تجيب المستحيل=تجيبها لامن رب العرش بأمرة جابها هذا قليلٍ من كثير ويعتبر منكم قليل=والنار من شبابها والخيل من ركّابها يآبن نفج لاهنت وموضوعك جليل=واللي يميّز بين خلق الله نظف لبابها الأخ سعد النفج هذه المتميّزة مهما نشيد بها لن نوّفّيها حقّها وليس بغريب عليك مثل هذا الإبداع سيما وأنت من بيئه شعريّه معروفه لا فظّ فوك وتقبّل خالص تحيّاتي |
رد: ** الشعر الجزيل **
كما تعودنا عليه من جزاله0 هاهو سعد يطلق عنان الجزاله بيننا0 سلم قلبك وصح لسانك0 |
رد: ** الشعر الجزيل **
صيد السمين ان فاتني قفيت ادور له بديلخله يروح ... و كل صيده حظ منهو جابها
صح يح يابو شايش سعد صح لسانك مدد بلا عدد |
رد: ** الشعر الجزيل **
الشعر في شرعي فكر .. والفكر بالشرع الاصيل=نهج العقول الناضجه والعاقلين أدرى بها مو شرط من يكتب شعر يدري عن بحور الخليل=اللي يداوي علتك لا تبلشه بأسبابها احد(ن) على الحنده حدا .. وحد(ن) على الشله يشيل=كلن على ما يكرب بيوته يمس اطنابها على سبيل اهل المثل ماني مثل اهل السبيل =اللي معاني حضورها تشبه معاني غيابها لا غبت جبت وعادتي لا غبت مارجع بالهزيل=ان جبت اجيب اللي محد قبلي بالشعر جابها تعشقني الفكره بكر .. واسبق لها الوزن الثقيل=اللي بنات افكارهم مبطي رميتش حجابها اهيم في واد الدها واروي حديث السلسبيل=يوم ان غيري سوال هل ابن نفج كتب القصيده قبل ابن مشعان او العكس ارجوا الاجابه . |
رد: ** الشعر الجزيل **
الشاعر المميز / سعد النفج
صح لسانك و تعودنا على الابداع منك و ليس غريب عليك والله يبعدك عن الحسد و الناس اللي يبحثون عن زعزعة مكانتك فلو لم تكن ناجح لما حاولوا ذلك أتمنى لك النجاح و التميز خاصه بأنك أوجدت نفسك في هذا المنتدى فلك مني كل التقدير و الاحترام أخوك سلطان الحايلي |
رد: ** الشعر الجزيل **
اقتباس:
السلام عليكم ورحمة الله وبركاته و صح بدنك يالغالي والشرف والله لي بتواجدك و ردك اللي زاد القصيده جمالاً ولك مني كل التقدير والاحترام |
رد: ** الشعر الجزيل **
سعد النفج الكريم..
حضور شعري فريد وجزالة لا تستغرب منك ايها الجزل ... نصوصك دائما رائعة ... واللي يدور من ورا عروض البشر ماله حصيل.........والجلسه اللي ما تشد الراس وش يبغا بها ومن قال شي و لاتحرا للحقايق و الدليل...........مثل من هدّ البيوت النابيه با طنابها والحظ حبل من السما يختار للناس و يميل...........حبال ترفع ناس والمقرود ما يرقا بها والله يعين اللي بغا له شي من عند البخيل...........مثل من يطلب صناديق ٍ مقفل بابها المعنى هنا عميق لأنه مبني على الحكمة الناتجة عن تجربة عميقة يجيدها تماما سعد النفج.... شكرا لك سعد... |
رد: ** الشعر الجزيل **
صح لسانك و لاهنت
|
| الساعة الآن (09:14 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه