شفت الهموم استهدفني على الذات = مثل الغريب الي قساء الوقت عافه
ماكني الا للجزيره دعايات =تفرح بدمي والبقاء لصحافه
حتى طرالي انشد الروح ببيات =يمكن دواء جرحي يعيش اكتشافه
علمتها وشلون يبقـون الامـوات=دام العمركنـه مسيـرة مسافـه
ماهو بكره الناس وحب الحزازات=وصد القلوب وملحقات السخافـه
والكبيرياء والذل وفرض المقامات=وتحقير عند الباب عامل نظافه
لكن زمنّا كـل مابـه خلافـات=وماني من المريخ خـارج خلافـه
اسمع ندم من يفعل الطيب مابات=مع ان فعل الطيب مابه حسافـه
واشوف ناس ٍ غيرتها الحضارات=حتـى السـلام يفكرونـه لقافـه
لين وقفت بي نظرتي للملامات = قادم بيت(ن) ماكتبته كلافه
الداب والحيـه للانسـان آفـات=مار البلاء لاصار الانسـان آفـه

فجاه لقيت الشعر ضايـق وتعبـان =يا ليتني مـن حالتـه مـا لقيتـه
شفته كما شايب من الشمس ضميان =وجيتـه وكلمتـه وبيـدي سقيتـه
قلت استـرح والله لهديـك بستـان =لضاق بالك من عناء الوقت جيتـه
مشاعر ن بين المشاعر لهـا اوزان= ورمز ن بمدات العرب بـان صيتـه
وجاوبني بصوتن من الحزن مليـان= يا الوايلـي مثلـك ترانـي نخيتـه
قلت ابشر بجمع تحت اسم ويـلان =المنتدى الي انت مـن اهـل بيتـه