,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
على طاري العشـاق والليـل والديجـور = سرى خافقي مسرى ضريرٍ يجـر خطـاه وأنا قبل لا أعشق كنت غارق غبب وبحور = وعيبٍ علـى شـرواي يزفـر أنيـن واه سلامن من دياري إلـى قبـره المعمـور = إلى قبـر شيخـن ماتمـد الهـزل يمنـاه زرعني بأرض المرجلة والخصال بـذور = وقفّى عسى ربي يسهـل حثيـث خطـاه إلى جنـة الخالـق وفعلـه هنـا مخبـور = عساني إليـا قفيـت مـأواي هـو مـأواه تعلمت منه الطيب لامـن لفـوه حضـور = وسلكت الدروب اللي تؤدي إلـى ممشـاه أجمّع حروف الشعر طابور مـع طابـور = عساها تجي في قدر مـن مثلـه وشـرواه وحزن المقابر والحساب وقصيـر السـور = تخطيتهـا مسـرع عسـا بالخيـال ألقـاه قبل خمسة أعوامٍ مضت مع ثلاث شهـور = فقـدت الأبـوة والحنـان وأمـل لقـيـاه أشوف البشر تلفـي فقيـرٍ معـا مشهـور = عليها الحزن بادي ولو له شمـوخ وجـاه يعزونني ماجـور يـاذا الفتـى ماجـور = وأنا صغيرٍ تايه غرق فـي حـزن بلـواه عسا من فقدته قبره من الوبـل ممطـور = تجرعت حزني والأسى من عقـب فرقـاه شماغه عبـق ذكـراه لازالـت بهالـدور = معي وين ما أقفّي تجـي متعبـة ذكـراه عسا في جنان الخلد حوله كواعـب حـور = عسـا ماتمـر النـار بالآخـرة مـاطـاه عسا مايشم إلا مسك أو صنـوف زهـور = وعسا عيشته أشهى من لحوم هبـر الشـاه وأنا عبد منهي عن تسخط ونـوح الـزور = ماغير أرقب الواقع وعيني تصبصب مـاه أمر الحزن شامخ ولـو عانـدن صيـوّر = أجي للحياة أشبـاه وأقفـي بـدون أشبـاه تموت الأبوة بس يبقـى الأمـل محفـور = بلـب الخفـوق وليلـة العيـد ماتمـحـاه |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
عمر الاسمر ...
الف صح لسانك و كفو والف نعم ... رحم الله والدك واسكنه فسيح جناته وغفر له .... تحياتي ... |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
عمر الاسمر
صــــــــــــــــــح لسانك وقصيد مليئه بالحزن والاسئ بما تحمله من كلمات |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
عمر الاسمر ...
الف صح لسانك و كفو والف نعم ... رحم الله والدك واسكنه فسيح جناته وغفر له .... |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
قصيده رائعه من شاعر كفو صح لسانك ونعم بكم (رحم الله والدك واسكنه فسيح جناته) |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
صح ألسنك رائع ياعمر........
والنعم . مليون ورحم الله والدك رحمة واسعة |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
الشاعر عمر الاسمر صح لسانك ............ على روعة الشعر
ورحم الله والداك رحمة واسعة وجعله بجنات الخلد اته على كل شي قدير |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
الشاعر
عمر الاسمر صح السانك رائع وحبكت شاعر رغم الحزن المليء بها رحم الله والدك واسكنه فسيح جناته ورحم اموات المسلمين |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
الأخ العزيز
والشاعر الرائع عمر الأسمر صح لسااانك والله يغفر لوالدك ويسكنه فسيح جنااته دمت بكل خير تقبل تحياااااتي |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
الشاعر الرائع عمر الاسمر
صح لسانك ونعم فيك (رحم الله والدك واسكنه فسيح جناته) |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
عمر .... صح لسانك
رحم الله والدك واسكنه فسيح جناته تقبل مروري واعجابي |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
عمر البنتان
صح لسانك ورحم الله والدك دمت بود |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
اقتباس:
لا خــلا مــنـك مــكـــانٍ خـــلا مــن ابـــوك.... بــكــيــتني يـــاغــالـــي... لا تــعـــليــيييييييييييييييق... |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
بسم الله الرحمن الرحيم
والله لـــــــو المـــــوت يشـــــرى بالاثمان ....................... أو ينطح اليـــــا جاء امغــــــــير ولامه ابيات ادمت قلبي قبل عيني اللهم ارحم موتنا وصح لسانك |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
الاخ القدير / عمر الاسمر
أهلاً بك مرةً أخرى وبكل مره والقصور ما يجي من الطيبين شرواك دايم وافي يالغالي ومن ناسً وافين والغياب له أعذاره ودليل وفاءك عودتك مره أخرى بهذه القصيده واللتي طغى عليها الحزن الذي نشعر به عند قراءت أبياتها عمر ( رحم الله والدك وأسكنه فسيح جناته وغفر الله له ولجميع المسلمين أنه رحيمً غفور) قصيده مؤثره في مجمل أبياتها صيغت بأسلوب شاعرها المنفرد دمت وسلمت وتقبل فائق التقدير والاحترام |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
رحم الله والدك واسكنه فسيح جناته
ورحم الله امواتنا واموات المسلمين صح لسانك عداد ذرات الرمل ودي وتقديري |
رد: ,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )
صح لسانك ياعمر الله يغفر له وجمعكم الله في دار رحمته |
الساعة الآن (10:47 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه