امس الضحى عديت روس المراقيـب=ودموع عيني من على الخـد تنسـاب
رجـم يهيـض للنفـوس المتاعـيـب=ويسج فيها القلب لو كـان مـا طـاب
وعويت برجوم الخلا عويـت الذيـب=راعي الهوى لو جرب الموت ماتـاب
يا بو محمـد يـا عميـل المواجيـب=ومركى النفوس اللي توطته الاسبـاب
لك وقفه تكفى الفخر من هل الطيب=ونفـس تعلـق ظنهـا فيـك ماخـاب
ما شان حالـي مـن قليـل التجاريـب=وعوق البخت دون الفرج قفـل البـاب
صك الدروب ورك صافي المشاريـب=وشفت الهضايم في حياتـي والاتعـاب
عانيت ليـن الـراس ولـع من الشيـب=واليوم مـن طرد الهـوى خاطـري طـاب
لو بان للملتـاع مـن صفحـه الغيـب=سطرين عاف العشق لو صاحبـه ذاب

لو بان للملتاع من صفحـه الغيـب سطرين عاف العشق لو صاحبه ذاب

المشاركة الأصلية كتبت بواسطة محمد المقبل (المشاركة 195194) الاخ ذياب بن محمد صح لسانك وسلم بنانك على هذه القصيده ونتمنى أن نقرا لك من الجديد تقبل تحياتي

صح بدنك يا محمد المقبل وشكرا شكرا لك وابشر با الجديد

المشاركة الأصلية كتبت بواسطة خالد المزيد (المشاركة 195196) الاخ ذياب محمد صح لسانك على القصيده واتمنى لك التوفيق والنجاح

صح بدنك يا خالد والجميع

المشاركة الأصلية كتبت بواسطة تركي صالح (المشاركة 195201) وعويت برجوم الخلا عويت الذيـب ----------راعي الهوى لو جرب الموت ماتاب لك وقفه تكفى الفخر من هل الطيـب -----------ونفس تعلـق ظنهـا فيـك ماخـاب صك الدروب ورك صافي المشاريب --------وشفت الهضايم في حياتي والاتعاب صح لسانك اخوي ذياب وسلم بنانك ودمت بكل ود وتقبل فائق التقدير والاحترام

صح بدنك ياتركي وشكر شكرا لك

المشاركة الأصلية كتبت بواسطة صقر الصقور (المشاركة 195217) الاخ الشاعر ذياب محمد صح لسانك على القصيده واتمنى لك التوفيق والنجاح وتقبل مروري المتواضع ودمت بخير وعافية

صح بدنك يا الصقر امين والجميع

المشاركة الأصلية كتبت بواسطة السيف القادم (المشاركة 195238) ذياب محمد العنزي صح لسانك وشكرا لك على هذه القصيده الجميله دمت بود

صح بدنك يا السيف القادم وشكرا شكرا لك

المشاركة الأصلية كتبت بواسطة شيهانه (المشاركة 195245) الاخ ذيــــــــــــــــاب قصيده رائعه بكل كلمه صح لسانك

صح بدنك وشكرا

المشاركة الأصلية كتبت بواسطة صالح الجطيلي (المشاركة 195389) ابو محمد صح لسانك قصيده رائعه لا تقل عن روعه حضورك والشهاده فيك مجروحه لاهنت وجعلك سالم

صح بدنك يا صالح وشكرا شكرا لك

المشاركة الأصلية كتبت بواسطة مزيد المزيد (المشاركة 195396) الاخ الشاعر محمد ذياااااب تسلم يدينك وقصيده مليئه بالجماااااااااااااااااااااال عانيت لين الراس ولع من الشيـب // واليوم من طرد الهوى خاطري طاب لو بان للملتاع من صفحـه الغيـب // سطرين عاف العشق لو صاحبه ذاب صح لسااانك مليوووون ولاهنت بعد اذن مشرفي القسم الرائعين تثبت

صح بدنك يامزيد والله لا يهينك وتثبيتك يدل على ذائقتك الرايعه

شكرا شكرا شكرا لك ولحضورك