الطيب حبله من ذهب بين الاخوان=ودرب المراجل عسر ماهو لياني
والمجد مايقواه تباع ما لان=سيف ومنسف من قديم المعاني
ما يقدره يا كود ذربين الايمان=لا قصرت بالطيب بعض اليماني
والمرجلة تبغى لها قلب ولسان=قول وفعل ماهي مجرد أماني
وانا لو امدح , ما امدح النذل لو كان :=يملك ملايين الذهب والمباني
احاول اجزا بالثنا طير حوران=رفيقي اللي بالهدية نصاني
( كحيلان ) مهدي والهدية ( كحيلان )= ( حصان ) من يمنى الكريم ( الحصاني )
شبل الاسود اللي على ماض الازمان=ما ضر ماضيهم طويل الزماني
يوم المراجل سيف وسنان وعنان=يشهد على الماضي سهيل اليماني
نعم ونعم نعم ونعم يا ( ابن رشدان ) = (خلف ) خلف مروي شباة السناني
حفيد مجباس الوغى يوم الاكوان=يثنون لا هج الذليل الجباني
( رشيد ) و ( مطلق ) ستر مدعوج الاعيان =لا فرعن بالكون بيض الثماني
ملكادهم يشبع به الذيب سرحان=يوم اختلط حس النعا للغواني
كم فارس من ضربهم طاح منهان=يبكن عليه المترفات الغواني
تركض على الصابور والجو دخان=بياعة للروح , والعمر فاني
يوم العرب خايف , وجايع , وعريان=ببيوتهم تلقى الذرا والاماني
طيب قديم وحي فيهم إلى الآن=نطح العديم , وذبحهم للسماني
عاشوا وماتوا عيشة ابطال شجعان=والسيرة العطرة ترا عمر ثاني
ويوم الجزيرة طاوعت ( لابن مرخان ) =شالو لوا التوحيد مابه تواني
عسى لهم من مالك الملك غفران=وبالآخرة من ساكنين الجناني
وماهي غريبة منك لو تهدي حصان= جدانك اهدوا عمر ماهو حصاني
واقبل تحيات الوفا يابن رشدان=بجزل البيوت اللي نطقها لساني

المشاركة الأصلية كتبت بواسطة زيدان بن جبل (المشاركة 191301) كحيلان ) مهدي والهدية ( كحيلان ) ( حصان ) من يمنى الكريم ( الحصاني ) لي شرف ان اقرا القصيده وتستاهل ياخلف ولاهي غريبه على ابن رشدان اخوك زيدان بن جبل

المشاركة الأصلية كتبت بواسطة بندر البجيدي (المشاركة 191310) خلف الغريب قصيدة رائعه جدا ابيات محكمه وجزلة وشخص يستاهل الكفو تقبل تحياتي

المشاركة الأصلية كتبت بواسطة فرحان الفدعاني (المشاركة 191313) خلف الغريب صح الله لسانك مليون نعم منك ومن أبن رشدان الطيب ماهو غريب من اهل الطيب سلمت ودمت ياخلف

المشاركة الأصلية كتبت بواسطة مسعد النافل (المشاركة 191371) وبجزل البيوت الي نطقها لساني عز الله انها جزله من اول بيت الى اخر بيت الشاعر خلف غريب الف مليون صح لسانك ويستاهل ابن رشدان ولا هي غريبه عليه الطيب وانت تستاهل يا ابو غريب تقبل تحياتي مسعد النافل

المشاركة الأصلية كتبت بواسطة سعوط المجانين (المشاركة 191391) صح لسانك ولاهنت والنعم ببن رشدان ويستاهل الثنا والمدح وحقيقه ياخلف قصيده من العيار الثقيل لامجامله ومن اجمل ماقرأت لك ففيها حبك قوي وغزاره بالمعنى تقديري ,,

المشاركة الأصلية كتبت بواسطة صالح الجطيلي (المشاركة 191399) بيض الله وجهك يارجل خلف الغريب صح لسانك وهو كريم وانت تستاهل رائع ووافي ياخلف الله لا يهينك اتحفتنا بها الرائعه وعسى الله يديم عليك امثال بن رشدان لك الود حتى ترضى وجعلك سالم

المشاركة الأصلية كتبت بواسطة ماجد الجعفري (المشاركة 191432) الأخ العزيز والشاعر القدير خلف الغريب صح لسانك ...ولاهنت على هذه القصيدة الجزلة بالفعل لله درك ولا فض فوك .. ... . . ونقدر لك هذا الوفاء لأنه ليس غريب عليك ... ويستاهل ابن رشدان هذه الثناء والمدح وبيض الله وجهك وأدام الله هذه المحبة بين الجميع ... دمت بكل خير تقبل تحيااااااتي

المشاركة الأصلية كتبت بواسطة محمد المقبل (المشاركة 191436) الاخ خلف غريب الف نعم بك وبصديقك خلف محيمدبن رشدان وصح لسانك على هذه القصيده الجزله بمن يستحقها قلت واجزلت ايها الجزل لك مني جل التقدير والاحترام

المشاركة الأصلية كتبت بواسطة تركي صالح (المشاركة 191457) الشاعر المبدع / خلف الغريب قصيده جزله من شاعراً جزل سلمت ودمت على هذا الابداع والذي صغته لنا خلال هذه الرائعه واللتي تجسدتها بقوة المفرده وجزاله المعنى وراعي الطيب يستاهل والف نعم بصديقك خلف بن محيميد بن رشيد الرشدان وانشهد انه ماقصر هديه قيمه من رجلاً يفعل الطيب الى رجلاً يستاهل الطيب سلمت ودمت دائمً وأبداً وتقبل خالص التحايا

المشاركة الأصلية كتبت بواسطة صقر الصقور (المشاركة 191492) الأخ العزيز والشاعر القدير خلف الغريب صح لسانك ...ولاهنت على هذه القصيدة الجزلة

المشاركة الأصلية كتبت بواسطة سعود بن قائم (المشاركة 191661) بيض الله وجهك يا خلف غريب على هالقصيدة الف نعم بك وبصديقك خلف محيمدبن رشدان الطيب مايجيي منه الا كل طيب ونعم والله بك وبسميك

المشاركة الأصلية كتبت بواسطة خلف الغريب (المشاركة 191300) حصان عربي : هدية من اخي وصديقي وسميي خلف بن محيميد بن رشيد الرشدان وفقه الله.... لا احاول أن أكافأه بهذه المتواضعة فقدره عندي فوق مستوى الشعر عموما .. أبياتي على عجل أتمنى أن تتقبلوها بصدر رحب . الطيب حبله من ذهب بين الاخوان=ودرب المراجل عسر ماهو لياني والمجد مايقواه تباع ما لان=سيف ومنسف من قديم المعاني ما يقدره يا كود ذربين الايمان=لا قصرت بالطيب بعض اليماني والمرجلة تبغى لها قلب ولسان=قول وفعل ماهي مجرد أماني وانا لو امدح , ما امدح النذل لو كان :=يملك ملايين الذهب والمباني احاول اجزا بالثنا طير حوران=رفيقي اللي بالهدية نصاني ( كحيلان ) مهدي والهدية ( كحيلان )= ( حصان ) من يمنى الكريم ( الحصاني ) شبل الاسود اللي على ماض الازمان=ما ضر ماضيهم طويل الزماني يوم المراجل سيف وسنان وعنان=يشهد على الماضي سهيل اليماني نعم ونعم نعم ونعم يا ( ابن رشدان ) = (خلف ) خلف مروي شباة السناني حفيد مجباس الوغى يوم الاكوان=يثنون لا هج الذليل الجباني ( رشيد ) و ( مطلق ) ستر مدعوج الاعيان =لا فرعن بالكون بيض الثماني ملكادهم يشبع به الذيب سرحان=يوم اختلط حس النعا للغواني كم فارس من ضربهم طاح منهان=يبكن عليه المترفات الغواني تركض على الصابور والجو دخان=بياعة للروح , والعمر فاني يوم العرب خايف , وجايع , وعريان=ببيوتهم تلقى الذرا والاماني طيب قديم وحي فيهم إلى الآن=نطح العديم , وذبحهم للسماني عاشوا وماتوا عيشة ابطال شجعان=والسيرة العطرة ترا عمر ثاني ويوم الجزيرة طاوعت ( لابن مرخان ) =شالو لوا التوحيد مابه تواني عسى لهم من مالك الملك غفران=وبالآخرة من ساكنين الجناني وماهي غريبة منك لو تهدي حصان= جدانك اهدوا عمر ماهو حصاني واقبل تحيات الوفا يابن رشدان=بجزل البيوت اللي نطقها لساني تحياتي للجميع ...

المشاركة الأصلية كتبت بواسطة سامي السيف (المشاركة 191665) صح لسانك صح لسانك سامي السيف

المشاركة الأصلية كتبت بواسطة ابوهيثم النومسي (المشاركة 191783) الأخ العزيز والشاعر القدير خلف الغريب صح لسانك ...ولاهنت على هذه القصيدة الجزلة

المشاركة الأصلية كتبت بواسطة السيف القادم (المشاركة 191820) صح السانك ايه الشاعر المبدع قصيده جميله بروعتك وتعطرت بمدح رجل يستاهل المدح والنعم بخلف محيميد وهو بكل تاكيد يستاهل ذلك واكثر وصح لسانك على مانطقت به تقبل مروري

المشاركة الأصلية كتبت بواسطة سعد النفج (المشاركة 191850) صح لسانك اخوي خلف ودام هذا التميز والابداع لك مني التقدير

المشاركة الأصلية كتبت بواسطة بنت العبيّه (المشاركة 192587) خــلــف الغــريـــب..........تســتاهــل الــطــيب يــا الطـــيب. الـهـديــه حــصــان والأصــيل مـايــرخــص إلا للأصـــيل اللــي مـثـلك وشــرواك. الممـدوح يسـتاهـل المـدح والـرجـال تـعـرف قـدر الـرجــال. صــح لســانــك لاهـــنت...

المشاركة الأصلية كتبت بواسطة عوض بن نادر (المشاركة 193133) شاعرنا الكبير الاستاذ خلف الغريب مهما قلت من الكلمات فلن اوفيك حقك وشهادتي فيك لا تقدم ولا تؤخر فمنكم استفدنا حب الشعر الف صح لسانك وخلف الرشدان يستاهل وانت تستاهل الطيب يا بو خالد