ماجد الولدعي وضربه في الصميم ؟؟
سلام تسليمة ٍ منزالها عالي= اخص فيها الصحيب الطيب الغالي وان قام يسمع كلام ٍ جا على بالي = سبحان من يعلم الاسرار سبحانه
ياماجد انته صحيبي من زمان ٍ قديم = والصحبة الطيبه ماني بمصخي بها لكن ابا اسبقك في ضربه تجي بالصميم = من هولها كل خلق الله تهذري بها |
رد: ماجد الولدعي وضربه في الصميم ؟؟
كفو سلامه وبانتظار ماجد.............
بالتوفيق للجميع................ |
رد: ماجد الولدعي وضربه في الصميم ؟؟
صح السانك ياسلامه
وبأنتظار ماجد متابع |
رد: ماجد الولدعي وضربه في الصميم ؟؟
صح لسانك
وبانتظار ماجد |
رد: ماجد الولدعي وضربه في الصميم ؟؟
يامرحبا بالزميل اللي ينومسني = ذكره ووقفاته لربعه تشرفني ومن بعدها ياسلامه جيتك وشفني = سبحان من يعرف الاسرار سبحانه
ياصاحبي والرجل اليا مشا مستقيم = عزالله الطيبه لابد يحري بها الحمدلله وانا فالشعر ماني يتيم = لكن جيب العلوم اللي تبا تجيبها |
رد: ماجد الولدعي وضربه في الصميم ؟؟
الفارس الملثم , صالح السالم , كاتب الجعفري
صحة ابدانكم جميع ولاهنتو وشرفتونا تقديري |
رد: ماجد الولدعي وضربه في الصميم ؟؟
سلامه الجعفري سعوط المجانين صحت لسنتكم مبدعين متابع مودتي |
رد: ماجد الولدعي وضربه في الصميم ؟؟
دام البقا من هجوس ٍ ماتعنيني = يالشاعر اللي على الطرقة مخاويني لكن ّ اوصيك والا انته توصيني = سبحان من يعلم الاسرار سبحانه
ماني غشيم ٍ ولاانته ياصحيبي غشيم = والطيبه من رجال ٍ بين ٍ طيبها لكنّ وش فيك تسري كل ليل ٍ بهيم = بعض الليالي ترى ماني بساري بها |
رد: ماجد الولدعي وضربه في الصميم ؟؟
شكرا لجميع المتابعين
|
رد: ماجد الولدعي وضربه في الصميم ؟؟
سلامه الجعفري
سعوط المجانين صحت لسنتكم |
رد: ماجد الولدعي وضربه في الصميم ؟؟
انته وانا ياسلامه مانبا وصايه = اللي حضر مننا يقدر على الرايه لكن ّ سوق القدم لن كان لك غايه = سبحان من يعلم الاسرار سبحانه
لنته برحّال ياضوي ولنته مقيم = اتعبتني فالطروق اللي تغني بها خلك على حالك اللي مايسّر الكريم = مدام مسرى الذيابه منت ضاري بها |
رد: ماجد الولدعي وضربه في الصميم ؟؟
ناجي الخمشي , نافع الجديد
لاهنتو وصحة ابدانكم تقديري |
رد: ماجد الولدعي وضربه في الصميم ؟؟
البيت ياصاحبي مبني على ساسه= وانته لو انك عطيت الشور حراسه ماضاع وقتك مع اللي ضيع الطاسه = سبحان من يعلم الاسرار سبحانه
المشكله من قناة البث وانته فهيم = خلك معي فالصلاة اللي نصلي بها ماجيتك الا وانا ادري فيك جرح ٍ اليم = لكن وش النية اللي صرت ناوي بها |
رد: ماجد الولدعي وضربه في الصميم ؟؟
ضيعت وقتي لجل ياصاحبي يفهم = مير البلا من تدنّي مأشر الاسهم بلشت في فكرته مع قلبه الادهم = سبحان من يعلم الاسرار سبحانه
معك الحصانه وقلبك يرتجف يالعديم؟ = خايف شيوخ العرب ترفع مشاعيبها !! من زومة اهل العليا ماتت اهل النسيم = يالله عسى اهل الكبر تقطع مطاليبها |
رد: ماجد الولدعي وضربه في الصميم ؟؟
ان كنت مكلوف بالعالم تعلمها = اصبر وحاول بمقصودك تفهمها والناس بعدين لاتقعد تلومها = سبحان من يعلم الاسرار سبحانه
قطعت انا دابر الفتنة وخلك حليم = واهل المناصيب تستاهل مناصيبها محلا الشجاعة ليا صارت براي ٍ حكيم = وشعيل لو تثقل الحمله يزوزي بها |
رد: ماجد الولدعي وضربه في الصميم ؟؟
لو جيت افهّم ترى محد ٍ بلايمني = واذا انا اخطيت يارجّال علمني اما انا الزمك ولا ّ أنت تلزمني = سبحان من يعلم الاسرار سبحانه
الحلم ماينفع اليا كان خصمك سقيم = اهل العقول السقيمه ويش اسوي بها لاتدّعي حكمتك والعام جالك خصيم = لكن خل العلوم اللي توصي بها |
رد: ماجد الولدعي وضربه في الصميم ؟؟
انته رجل تعرف الكيف ومعاميله = لكن لازم تصبه في فناجيله ماكل منهو يراعي لك تراعي له = سبحان من يعلم الاسرار سبحانه
مادامك انته وخصمك بالطريق السليم= رمية حجر تحت رجلك لاتراعي بها ليتك بدال الزعيم تصير ليله زعيم = حتى زعامتك نعرف كيف اساليبها الختام عندك ياماجد انا والله منشغل |
رد: ماجد الولدعي وضربه في الصميم ؟؟
صح بدنك وصح لسانك ياسلامه وتشرفت باللعب معك وماهنا احسن من هالختام
وانا والله اني اكثر منك مشغول واللعب طاروقين الحين تقديري .. |
| الساعة الآن (11:09 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه