االيوم تسأل عن جروحي والآ لام=منهي غموض وش بلاها كسيره
أنا قسى الدنيا وحرمان الايام=وانا الشقا وايام فرحي قصيره
وانا الخفوق اللي غدا دونك حطام=وأنا العيون اللي بدونك ضريره
نسيتني ولا تناسيت الاحلام=ياصاحبي يعل فرقاك خيره

سافر عسى الله يحفظك وين مارحت=وفكل خطوه يالغلا لك سلامه

يامرحبا حياك يانور عيني=وألفٍ هلا لايابعد روح مغليك
شاشة جهازي نورت ياضنيني=وتسابقت كل المشاعر تحييك
تو الحياه تعود داخل وتيني=وقلبي شلع يمك وتبضه يناديك
ليتك تشوف اشلون ترجف يديني=عجزت حروفي بالتراحيب توفيك

خذ راحتك ماني بجابرك تاتي=ولاني بلك يا اغلا المخاليق طلاب
وقت التشره والمطاليب فاتي=اربع شهور لجيتك احسب احساب
من لهفتي كن الدقايق اعداتي=وكن الثواني بيني وبينها انشاب
حتى الليالي مايمرن عصاتي=ياثقلهن يمشن بطيئات ورتاب
لجيتك اعد وارجي واحاتي=ولشوفتك مشتاق والشوق غلاب
اتخيلك حتى وانا في سباتي=واشوف زولك يالغلا وافتح الباب
وسايدك عطرتها يا مناتي=وزينت لك حتى عبرات اعذاب
بستقبلك فيها قبل لاتباتي=ياعطر هالدنيا ويا اعز الاحباب
خذ راحتك وقت المعاذير فاتي=ولاني بشرهانه ولاعندي اعتاب

ليه تتركني على هامش حياتك=وانت تدري صرتي كل الحياه
منشغل عني ولاهي بمنياتك=وانا قلبي يعتبرك اغلا مناه

من خلقتي ليه مع العز منهاج=اصبر على مر الليال الشدادي
سري حفظته والمحاني له سياج=عن كل من حرف كلامي وزادي
والمقفي اللي دربه اليوم منعاج=اللي حرم عيني لذيذ الرقادي
يبشر بعدن ما يسبب له ازعاج=نفسي عزيزه والغلا له مبادي
بنساه لو اني له اليوم محتاج=من صد عني مالتفت له وانادي

عفوآ انا ناسيك وش ذكرك بي=احرقت مع ماض الشقا ذكرياتك
صحيفة سودا طواها الزمن طي=دفنتها تحت الثرا مع رفاتك

جيت تستعطف ولاعذارك تنوه=يابرودك كيف لك عينن قويه
جرحك اللي خابره ماطاب توه=المشاعر وقفت دونك حميه
ابتعد ما اريد انا الحب المشوه=عافتك نفسي ولا لك مقدريه
انسني واللي تبيه اليوم سوه=مارضيت الذل واحكامك عليه

قررت أنا ابعدك عن طريقك واخليك=واقهر خُطى رجلٍ لدربك خذتني
لو كنت مخطي والله اني لاراضيك=لاكن ظنونك والشكوك اذبحتني
خلك مع الأيام تعرف محاكيك=الصدق غيره دنيتي ماعطتني
خسران من باع الخلايق وشاريك=ماعمرهالدنيا على الكيف جتني
وآخر طلب لاتخذل اللي وثق فيك=يوم الليالي في يدينك رمتني

صدق الفراق برغبتي واختياري=لكن قسم بالله ماطاب لي نوم
بين الحنين وشوق قلبي وناري=واحساس من بعدك غدا شبه معدوم
كنت احسبٍ لا غبت ارد اعتباري=اثري غيابك منبع احزان وهموم
اخاف لاجيتك مغير قراري=اطيح من عينك ليا جيت مهزوم

يا.......بعدك وربي ما استطيعه=ماتحمل غيبتك لوهي دقايق
اظلمت دنياي وضاقت بي الوسيعه=كن مافيها بلا شوفك خلايق
نار شوقي تسطلي فيني وليعه=شبت بجوفي من فراقك حرايق
ياعسى مافقدك ولاتجيك الفجيعه=وياعساني فدوتك عن كل عايق
ياحياتي ياهنا العمر وربيعه=روحي وروحك غدن مثل الشقايق
ايه بك مني ولك نفس الطبيعه=صرت لايق لي وكلي فيك لايق
معك زال الهم واتلاشى جميعه=وطابت جروحي وانا احسبها عمايق
كل غالي يرخص لعينك وابيعه=مايعوض عنك لاهل ولا رفايق
اخذ مني عهد ابقى لك مطيعه=وعهد لوفي لك وسجلها وثايق

اعتبرني شخص من عرض البشر=اللي مروا في حياتك عابرين
حلم ليلٍ مر في لمح البصر=واضحٍ معناه دون مفسرين؟؟
الغلا ياصاحبي ماهو جبر=به تجاملني على مر السنين
الهوى احساس صادق ينشعر=مجبله ارواحنا به كل حين
انسني وامح الرسايل والصور=وامحني من قلبك اللي مايلين
انسني وانساك والدنيا عبر=مدرسه كم خرجت من فاهمين

لاتسأليني علتي وش بلايه=خلي الطبق مستور تكفين يانوف
أخاف سري ينكشف للوشايه=وأنا على ساحاتهم كرت مضيوف
اهل الشماته والحسد والزرايه=محرفين القول لو كان معروف
ضعاف النفوس اللي غلبهم صدايه=تفكيرهم محدود والعقل مو قوف
ما لومهم لو اطعنوا من ورايه=عبيد مال وينقص الجيب مصروف
والله لاكيد اعداي واعلن اعدايه=واشمخ مثل "مارد" على قمة الجوف
وارسي مثل "نخله" بليا رعايه=واصمد مثل "زعبل" صمودٍ بلا خوف
وان كانها باحزاب ربي معايه=والله لالاعبهم على الحبل مكشوف
ومن حدني بعلن عليه العصايه=قانونهم من ساحة الشعر محذوف
وآرد ولو وردت جموعٍ معايه=يحسب علي قولٍ للانجاز مضيوف
ماهو غرور ولا لنفسي داعيه=الموعد الأثنين في درة الجوف

عفت الهوى والحب كرهت طاريه=بعيش حره واهتني في منامي
ما اريد له ذكرى ولاني اباغيه=يكفي خضوع وذل بأسم الغرامي
الحب ياكثر اللي جهل في معانيه=هم يحسبونه كلمتين وسلامي
ولى زمانه واصبح الوقت طاويه=ولا بقى ياغير ذكرى الأسامي
زمان ياكثر الوفا والغلا فيه=قبل الحداثه والترف والزحامي
عنتر وعبله بالروايات قاريه=مضرب هواهم للغلا والهيامي
ومجنون ليلى جن واتعب خطاويه=لديار ليلى هام بالحب ضامي
وضحى وابن عدوان ماطاع ناهيه=من عقب وضحى عن هوى البيض صامي
واليوم اشوف الحب كلن تهاويه=تصيد لك عشره ليا كنت رامي!!
ياحيف ضاع الحب وضاعت مباديه=وتبدلت صدق العواطف مرامي؟

ياغايتي ومناي وش فيك غايب=يانور عيني وش سبايب غيابك
ارسلك التقرير ويرد خايب=ورسايلي ردن بليا جوابك
من غبت عني اوجس القلب ذايب=تعال طمني وداوي صوابك
ضاقت علي كل الفجوج الرحايب=والفكر يسألني وش اللي غدابك
كان الخطا مني رضيت الطلايب=تعال عاتبني وانا ارضي جنابك
وإذا تغلي لاتزيد اللاهايب=يكفي سنينٍ جرعتني عذابك
وان عفتني او كان خاطرك طايب=يكفي بأني كنت حرف بكتابك
وإذا ظروف الوقت هن السبايب=يالله عسى دوم الفرج عند بابك

يانوف وش باقي لي الحظ مخفيه=غير النكد والهم وتعثر خْطاي
يانوف حتى الحلم حظي بخل فيه=انهارت احلامي وضاعت مع امناي!

كلي فخر لاقلت عضوه بويلان=ولي الشرف يومٍ بارضه رسينا
واكبر فخر مديرنا ذرب الايمان="هندي ابن مقبل" بحكمه رضينا
ولكل عضوٍ فيه قدرٍ وله شان=تقديرهم حقٍ وواجب علينا
وأجمل تحيه لكل زاير ولاهان=مني غموض ومال حقه نسينا

أحسد دياره يوم جينا ضيوفي=حظ المكان اللي تدوسه مواطيه
ديار من حبه غدى مثل شوفي=ياليتني من ضمن حيٍ سكن فيه
وشلون ابنسى يوم كنا وقوفي= نظرة عيونه وابتسامة اشافيه
والله يالولا سمعة ابوي خوفي=واخاف عقب العز راسه اوطيه
لاجيه لو ان الحرس له صفوفي= واطيح بأحضانه واقبل أياديه
اقفى وانا ماغير اقلب كفوفي= واعض بالشفه وبالعين اراعيه
ودعته الله وهم قلبي يلوفي=اخاف طول البعد ليه نسيه
نذرٍ علي وانا على النذر ابوفي=عهدٍ قطعته للغلا غير اوفيه
منساه لو ينسى وحبي يعوفي= منساه لين الناس عني تعزيه

تنزف جروح القلب والناس نيام=وهموم في قلبي تزايد عددها
حيره وضيقة صدر ودموع وهيام=واشواق عاشق راحته ماوجدها
تزاحمت باقصى الضماير لهل اعوام=وتمركزت وسط الحشا واحتشدها
محبة(ن)بوصالها الوقت مادام=كنت احسب(ن)القلب عاف وزهدها
أثري عروق القلب عن غيره صيام=تجرعت حبه وهي في مهدها
قصة غلا مرت علي مثل الاحلام=واحلام عمري ماتحقق وعدها
واغلب طموحاتي لها الياس هدام=بخل بها كف الزمان وجحدها
ماللفرح عندي مساحات وارقام=فرحي سحابة صيف يكذب رعدها
ومالي جدى ياكود همي والاقلام=وعبرات تالي الليل تشكي نكدها

وش رجعك ما قلت لي حبنا مات=وانك بموته ماتقبل عزايه
تبيني ارجع واتناسا الذي فات=وارجع على دروب الشقا والغوايه
قلي وش انسى قول جرح البدايات؟=ولافنونك في طعون النهايه
وشلون ابسى وداخل الحلق غصات!=واصدقك يوم تحلف في غلايه
قرب وشف وشكثر بالصدر ونات=كم ونةٍ تأثيرها في حشايه
واحسب كثر ماردد الصدر آهات=آهن ابينها وآه بخفايه
ماعاد انا حمل الندم والحسوفات=ولاتحمل منك كذبة هوايه
من ضمة الجمره بكفي علامات=من بعدها حرمت ادور دفايه

ماهو بكيفك تولعني وتتركني=عليك بدعي ليا من عشت وحداني
بــ اقول يارب له في سكته خذني=وعساه يندم على فرقاي ويعاني
ويارب تسعد خطاه وفيه ترزقني=وآخذ بثاري واعوض منه حرماني
مير انت عود على قلبي وطاوعني=من قبل لاغيب وانت اللي ترجاني

مانسيتك؟من يقول اني نسيتك؟؟=لا ولافكرت حتى بالفراق
اللي حاصل اني شويه جفيتك=لجل تعرف ويش يعني الاشتياق
ولجل تعرف كيف وش معنى هويتك؟=كان قلبك من بعد فرقاي فاق
لاتسرع لاتقول اني سليتك =بس ذوق شوي كيف القلب ذاق

في دنيتي عانيت من غدر الاصحاب=ليه مع الطعنات قصه طويله
ياقو نزف الجرح لاجا من اقراب=ماعاد به شخصٍ وفي نلتجي له
ماعدت اميز بين صادق وكذاب=كلٍ يقول الصدق عني دليله
ياكثرهم لاجيت رااايق ولعاب=وياقلهم وقت الحمول الثقيله
الجرح لاجالك من الناس الاجناب=عنهم تصد ورجعتك مستحيله
مير البلا ناسٍ عزيزين واصحاب=بالروح مسكنهم وبالقلب قيله
ياليت ظني فيهم اليوم ماخاب=تشوهت بالعين صوره جميله
ماني مجازيهم وللحق طلاب= كلن على ماقيل يلقى حصيله

ماكل جرحٍ لامضى الوقت ننساه=واكثر جروحي في حشايه عميقه
جرحٍ تهاونته ..وجرحٍ كميناه=وجرحٍ أثاره وسط قلبي عميقه

يانوف انا من ضيقة الصدر عانيت=اوجس بقلبي مثل نارن تقيدي
عفت المنام ومن حياتي توذيت=ودموع عيني كثرها مايفيدي
حالي تردى يالعزيزه ومليت=حظي دفنته قبل يولد فقيدي
ماشفت في دنياي غير التناهيت=وكثر الهموم اللي ترافق قصيدي
ماغير ربي له شكيت وترجيت=اخفي عن العدوان همٍ وجيدي
على الصبر نفسي من اسنين ربيت=اكبح جماح النفس واشد قيدي