المحاوره المباشره الأولى لهذه الليله بين الشاعرين معيض بن عريفج وفهد الفريدي
السلام عليكم ورحمة الله وبركااته
هنا اطلاق اولى محاوراة شهر رمضان المبارك بين الشاعرين الشاعر معيض بن عريفج الشاعر فهد الفريدي عند الساعه الحاديه عشر والبدايه مع الشاعر معيض بن عريفج ارجوا من الاخوه عدم الرد على الموضوع حتى بداية المحاوره0 |
رد: المحاوره المباشره لهذه الليله بين الشاعرين معيض بن عريفج وفهد الفريدي
السلام عليكم ورحمة الله وبركاته احيي جميع المتواجدين في هذا المتصفح ولهم جزيل الشكر على متابعتهم لنا وطالما ان الاخ حمد اختارني انا والاخ فهد الفريدي يشرفني اللعب معه والبداية عندي وتفضل يافهد لاهنت هـلاي يـامـرحبـابـك يالفـريدي والعلوم كبار = وتخالف وجهة الانظـار والسـفن بمراسيها نبي ناخذ علومك وانت لك سلعه مع التجار = وترى مايمدح الاسواق غير اللي ربح فيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
وترى مايمدح الاسواق غير اللي ربح فيها
الله الله يامعيض صح الساانك ملايين بداية تنبئ عن محاورة قوويه بانتظار الشاعر / فهد الفريدي وماسك صف معيض واسر ياساري |
رد: المحاوره المباشره لهذه الليله بين الشاعرين معيض بن عريفج وفهد الفريدي
لعل ابك البقا ون كانها كبرت تروح صغار 0 ليا كبـرت تهون وصاحبك مايبتـلش فيـهــا علومي طيبـة والملـح لا قرب فتيـلة ثـار 0 لعلك يا معـيـض تشـوفـهـا والاذن توحـيـهـا |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح لسانك يابو وليد
وصح لساان الاخ فهد الفريدي جميعكم مبدعين لاهنتوا |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif لعل ابك البقا ون كانها كبرت تروح صغار 0 ليا كبـرت تهون وصاحبك مايبتـلش فيـهــا علومي طيبـة والملـح لا قرب فتيـلة ثـار 0 لعلك يا معـيـض تشـوفـهـا والاذن توحـيـهـا انا ابـي انشـدك وانـت بلـيـبـيا ماتجهل الثوار = علام الناس تالي الوقت حاميها حراميها وش عيال(ن)حناشل وامهم وحده وهم مليار = وولدها من حلال الناس يطعمها ويكسيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
علومي طيبه والملح ياقرب فتيله ثار
سررررررررررررررررررى وانا بصف الفريدي مابها كلاااااااااااام |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح السانك ياالفريدي
وينك يامعيض |
رد: المحاوره المباشره لهذه الليله بين الشاعرين معيض بن عريفج وفهد الفريدي
الله يا معيض
|
رد: المحاوره المباشره لهذه الليله بين الشاعرين معيض بن عريفج وفهد الفريدي
عسى عرفك يزيد مع الزمان وتعرف الاحرار 0 وثورة ليبيا واهـل اليمن بانت مـواريها لـقيــت الام مـن دون العيـال تـقـدم الاعـذار 0 وحنا قبل هـذا الوقت مـاوحينا بطاريهـا |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح لسانك معيض بن عريفج
وصح لساان فهد الفريدي ومتابع وبصف صديقي فهد ولاترحم معيض يافهد الله الله موصيك متابع لكم وكل عام وانتم بخير |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif عسى عرفك يزيد مع الزمان وتعرف الاحرار 0 وثورة ليبيا واهـل اليمن بانت مـواريها لـقيــت الام مـن دون العيـال تـقـدم الاعـذار 0 وحنا قبل هـذا الوقت مـاوحينا بطاريهـا تبي الهرج الصحيح اللي لك الله ماعليه غبار = تراك من العيال اللي امهم تجحد بنيخيها وابا احـطـك لوحـدك يالحـريـبـي بـين غار ونار = وراك الغار والنـار الله يـعـينـك تصالـيــها |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح لساانك يافهد
وبيض الله وجهك ابدااع لاهنتم |
رد: المحاوره المباشره لهذه الليله بين الشاعرين معيض بن عريفج وفهد الفريدي
لك الله مانخلي دارنا ونقول دار بدار 0 ليا جار الملك ضاق الفلك واصطك واديها
رفعنا راية الاسلام حنا معشر الانصار 0 وفرضنا فوق قادات الدول جزيه توديها |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح لسانك اخوي معيض بن عريفج
وصح لسانك اخوي فهد الفريدي والله يعطيكم العافية على هذا الإبداع متابعه خلف الصفوف |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif لك الله مانخلي دارنا ونقول دار بدار 0 ليا جار الملك ضاق الفلك واصطك واديها رفعنا راية الاسلام حنا معشر الانصار 0 وفرضنا فوق قادات الدول جزيه توديها اخو حسنا توفا واتبع حجرف في الاذكار = وباقي حرب في وسط المدينه تومي يديها على باب الحرم مايـدخـل الزائـر بلادينار = سوايـا حـرب والله محـدن يـقـدر يســويـها |
رد: المحاوره المباشره لهذه الليله بين الشاعرين معيض بن عريفج وفهد الفريدي
عساك فدا الديار اللي منول لك عليها شعار 0 ديرنا تنوصف باسما شيوخك كان ناسيها
ليا جيت المدينة فيه خط تروح معه يسار 0 يجنبك الحرم للديرة اللي منت غاويها |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif عساك فدا الديار اللي منول لك عليها شعار 0 ديرنا تنوصف باسما شيوخك كان ناسيها ليا جيت المدينة فيه خط تروح معه يسار 0 يجنبك الحرم للديرة اللي منت غاويها عسى الله يرحم الحصني ويسلم راس ابن عبار = اللي حط النقط فوق المجله وانت قاريها الياجـيـنا علـى حـرب العـريــقـه روحوا فرار = وتـقـول تجلي العربان يالحربي وتنـفـيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
مبدعين الله يحفظكم
|
رد: المحاوره المباشره لهذه الليله بين الشاعرين معيض بن عريفج وفهد الفريدي
الله عليكم مبدعين
ومازلت ماسك صف معيض والليل توه بأوله |
رد: المحاوره المباشره لهذه الليله بين الشاعرين معيض بن عريفج وفهد الفريدي
ابن عبار قام يعدل الانساب والافكار 0 يقول ان الشيوخ انسابها صار الغشش فيها ولا ياطير ياللي مامعك مخلب ولا منقار 0 ليا شفت الطيور الجارحة جنب معاليها |
رد: المحاوره المباشره لهذه الليله بين الشاعرين معيض بن عريفج وفهد الفريدي
ولعها الفريدي
|
رد: المحاوره المباشره لهذه الليله بين الشاعرين معيض بن عريفج وفهد الفريدي
افففف محاورة رائعة صحت الالسن والقلوب
ومتابعين |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif ابن عبار قام يعدل الانساب والافكار 0 يقول ان الشيوخ انسابها صار الغشش فيها ولا ياطير ياللي مامعك مخلب ولا منقار 0 ليا شفت الطيور الجارحة جنب معاليها يقول المصـطـفى حـنا وجـيه العالم الاخيار = ولاطرى حرب لاسياتها ولاحسانيها وانا طير السعد طير الفلاح الجارح المغوار = ليـاجـيـت الحباري كفي يفجر ثناديها |
رد: المحاوره المباشره لهذه الليله بين الشاعرين معيض بن عريفج وفهد الفريدي
قرينا فالصحيحين وقرينا سيرة الاطهار0 ولا حصلت لك سيره ياكود انك مسويها احد من دون سنجارالجبل واحد ورا سنجار 0 واحد فوق الفرات ولقمته بالما ينحيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif قرينا فالصحيحين وقرينا سيرة الاطهار0 ولا حصلت لك سيره ياكود انك مسويها احد من دون سنجارالجبل واحد ورا سنجار 0 واحد فوق الفرات ولقمته بالما ينحيها على الدار الغراب ومبرك البل مع رماد وجار = تعشش عندها الغربان في طلح(ن)موازيها وعسى بالطلح عيشه عشة(ن)تنبت في الاشجار = الياجاها الفريدي مازرعها مار يجنيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
ياسلام عليكم مبدعين الله لايهينكم
|
رد: المحاوره المباشره لهذه الليله بين الشاعرين معيض بن عريفج وفهد الفريدي
لعلك يا ديرنا كل يوم لواكف الامطار 0 ودارك سانية مالله مبارك في مراعيها ترا عيشتك في صرتك كلها والدموع درار0 سمعنا بالقضية والعرب يامعيض ترويها |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif لعلك يا ديرنا كل يوم لواكف الامطار 0 ودارك سانية مالله مبارك في مراعيها ترا عيشتك في صرتك كلها والدموع درار0 سمعنا بالقضية والعرب يامعيض ترويها ترى اللي غشني بعته وبالقـيمـه شـريت حمار = وعطيته حرب ينقل عفشها وبالصيف يسقيها تراني لك محاسن وانت مستضعف وعندي جار = ولابي حرب مع شوك السلم تحفي مواطيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
حمارك مانباه اشتال فيدك وش نبي بالعار 0 توديه العجوز الماعره خله يداويها محاسن يامحاسن زان دلك والمقدر صار 0 وانا من شاربي عن بعض خلق الله لا اغشيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif حمارك مانباه اشتال فيدك وش نبي بالعار 0 توديه العجوز الماعره خله يداويها محاسن يامحاسن زان دلك والمقدر صار 0 وانا من شاربي عن بعض خلق الله لا اغشيها انا خـابر راع المـعـروف تشـكر فـعـلـه الحضـار = جمايلنا علامك مع مرور الوقت ناسيها عقب زين الوصايف صرت متحرر على فاكي ار = وكـوتـك من بقـايا خيرنا تدحا مخابيها |
رد: المحاوره المباشره لهذه الليله بين الشاعرين معيض بن عريفج وفهد الفريدي
ولا يامعيض باح السد معك وباحت الاسرار 0 حصاه رزاح لو ماحرزتها حاول تدربيها
ابن مشهور في عرض القبيلة دق له مسمار 0 وحنا عزوة يوم الوغا تسمع عزاويها |
رد: المحاوره المباشره لهذه الليله بين الشاعرين معيض بن عريفج وفهد الفريدي
صح لسانك يامعيض تشرفت باللعب معاك
واشكر كل من تابعناااااااااا تحياتي |
رد: المحاوره المباشره لهذه الليله بين الشاعرين معيض بن عريفج وفهد الفريدي
صحت الالسن شعراء متمكنين والله يامعيض منت هين اول ابلعب معك والحين هونت يابيت لادخلك شر
|
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة فهد الفريدي http://weelan.com/vb/mecano/buttons/viewpost.gif ولا يامعيض باح السد معك وباحت الاسرار 0 حصاه رزاح لو ماحرزتها حاول تدربيها ابن مشهور في عرض القبيلة دق له مسمار 0 وحنا عزوة يوم الوغا تسمع عزاويها انا نجم(ن)سماوي لانزلت اطحن حصى الاقطار = وحصاة رزاح في ماطا القعود الحق اساويها وابـن مشـهور مسـمـاره بـجـنـبـه ثـبـتـه وانهـار = بعيراً عـض جـنـبـه وابتلش عمره بتاليها |
رد: المحاوره المباشره لهذه الليله بين الشاعرين معيض بن عريفج وفهد الفريدي
الله الله شعراء مبدعين
امتعتونا بيض الله وجيهكم وصحت السنتكم |
رد: المحاوره المباشره لهذه الليله بين الشاعرين معيض بن عريفج وفهد الفريدي
هلابك يافهد واسف والله مانتبهت انك انهيت المحاورة
والشرف لي بالعب معك واشكر سعت صدرك وبيض الله وجهك يوم فكيت حلقي هههههههههههه واستر ماواجهت ولك تحياتي وتقديري |
رد: المحاوره المباشره لهذه الليله بين الشاعرين معيض بن عريفج وفهد الفريدي
اقتباس:
المشاركة الأصلية كتبت بواسطة غريبة الدار http://weelan.com/vb/mecano/buttons/viewpost.gif صحت الالسن شعراء متمكنين والله يامعيض منت هين اول ابلعب معك والحين هونت يابيت لادخلك شر صح بدنك وتعالي مهنا خلاف مهنا خلاف احزمي قلبك وطبحي لاتكبرين راسي وانا ماعندي سالفه مار اخوي فهد يتدراني وانا مدحدر |
رد: المحاوره المباشره لهذه الليله بين الشاعرين معيض بن عريفج وفهد الفريدي
صحت السنتكم شعرااء مبدعين ومتميزين
والله يبيض وجيهكم على هذه المحاوره الراائعه الناريه0 جمل الله حاالكم شعرائنااا |
رد: المحاوره المباشره لهذه الليله بين الشاعرين معيض بن عريفج وفهد الفريدي
محاوره رائعه من شعار مبدعين
صحت السنتكم جميعا |
| الساعة الآن (04:30 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه