لا يزعلك يا صاحبي طق الطبوول = اكيد فية انسان .. طِـق لسبته
والله ما تصلح مفاهيم الخبول = لو انه ابن ابوك وإيــدك ربته
ابو لهب كافر .. وهو عم الرسول = سود الليالي .. هالخبر ما غبته
رجال فارغ .. لا كلام .. ولا فعول = تعال قلي .. لية تطحن حبته ؟!
شف الردى .. غيمة ويكشفها الهطول = وعلى الصخور .. الحب منهو نبته ؟!!!

من لحم "خلق الله " يقلـّط عشاهم = وأن جيتهم قاموا و"مشّوا" يديهم
مافيه شخص ٍ فيهم تقول : فاهم = ولافيه رجـل ٍ ماسلم من حكيــهم
قردهم الله يوم زوّد .. عماهـم = وأنا أرجي الله فالحياه يهديهـم
بالضبط شفهم يشبهون لنساهم = ولاعندهم أدنى أحترام ..لذويهم
وش ضل فيهم يوم ربي بلاهم = وقاموا يتباهوا "كذب" مما لديهم
ويابدر معهم صار صعب التفاهم = وقبلك ترى بلغت ولد الصليهم
بروح عنهم وأتقي عن غثاهم = ويقطعني الله كان أبرجع أليهـم !!