.
.
.

فج الخلا لاضاق صدرك أعلاجه
يغنيك عن بعض المجالس والازعاج

للعسر يسر وللهمـوم أنفراجـه
يجي لها من والي العـرش مخـراج

والله ما يذبحك يا كـون حاجـه
لا سار في وجهك حيا وأنت محتاج

.
.

بدر الدويش .. يقوول

ما يذبح الرجـال يا كـود الأحسـاس
شيّ يخلي الرجل ميّت وهـو حـيّ

لا صار عندك شخص أغلى من الناس ..!؟
وأنت بعيونـه ما تسـاوي ولا شـيّ

:(

.
.
.

الحر ما يرضى على نفسه الدون
ولا يقبل السهلات وريش عاري

عطب الفعايل في المراقيب مفتون
وتخشى مخاليبه قلوب الحبـاري

.
.
.

الموت ما هو لا أنحني .. للتعـب راس !
الموت نفسك ... لا نحنـت للخليقـه

.
.
.

ما يلتقي في النسب راكان ب آغـا شفيـق
وان التقا المشكله ما هـي بكيـف التقـا

.
.
.

لا تشتري من حاولوا يخسرونك
ولا تخسراللي فكربيوم يشريك

ما فيه أجمل من صديق يصونك
ولا فيه أقسى من قريب يعاديك

.
.



ما قل دل .. وزبدة الهرج نيشان
......... والهرج يكفي صامله عن كثيرة ‏

والذم ما يهفي للاجواد ميزان
.......... والمدح ما طول إيدين قصيرة ‏

راكان بن حثلين ‏

.
.

الرابح اللي من الهرج الحرام إستـراح
يصبح على ذكر خلاقه ويمسـي عليـه

واللي يريد الفسـاد ولا يريـد الصـلاح
متـمـردٍ ما يـخـاف الله ولا يتقـيـه

فيصل الرياحي رحمة الله عليه وأسكنه فسيح جناته

.
.
.

تصدق إن الوقت هذا غير وإن الناس غير ؟؟
.............. وتصدق إن ماعاد باقي شيء حتى تخاف له

شوف الاسد يمشي على راي المهاه ولا يشير
.............. والمشكلة .. لاهوب مستغـرب .. ولاهي جافله !!

وتصدق إن اغلب رعاة الحرف خوّانة ضمير
.............. شـفـت الادب هذا يبيعونه لنـظرة سافله

.
.

الجمايل من بذرها في الخُمام
....... مثل من يبذر بصبخ الأرض حبّه

لو سقاها الماء على مر العوام
........ ما جنى محصول ماه إللي يصبه