. . . فج الخلا لاضاق صدرك أعلاجه يغنيك عن بعض المجالس والازعاج للعسر يسر وللهمـوم أنفراجـه يجي لها من والي العـرش مخـراج والله ما يذبحك يا كـون حاجـه لا سار في وجهك حيا وأنت محتاج |
. . بدر الدويش .. يقوول ما يذبح الرجـال يا كـود الأحسـاس شيّ يخلي الرجل ميّت وهـو حـيّ لا صار عندك شخص أغلى من الناس ..!؟ وأنت بعيونـه ما تسـاوي ولا شـيّ :( |
رد: ( بيـت من الحـــكـــمة ).. دعوة للمشـــــــاركة...
اللي يطولك وإنت مَاحْـدٍ يطولك = يحِـق لـه يَنْزِل على الناس من فوق |
. . . الحر ما يرضى على نفسه الدون ولا يقبل السهلات وريش عاري عطب الفعايل في المراقيب مفتون وتخشى مخاليبه قلوب الحبـاري |
. . . الموت ما هو لا أنحني .. للتعـب راس ! الموت نفسك ... لا نحنـت للخليقـه |
. . . ما يلتقي في النسب راكان ب آغـا شفيـق وان التقا المشكله ما هـي بكيـف التقـا |
رد: ( بيـت من الحـــكـــمة ).. دعوة للمشـــــــاركة...
والسر سر القلب في كتمه ارتحت
لاتبيح سرك ثم يكثر نزاعك ولصفحة الماضي فتحت وتصفحت ياقلب عنها ويش رد انطباعك |
رد: ( بيـت من الحـــكـــمة ).. دعوة للمشـــــــاركة...
بعض البشر طبعه مقدر ومحشوم =وبعض البشر عيبٍ عليك احترامه واللي ستر عيبه عن الناس بهدوم =وش يستره لا صار عيبه كلامه |
. . . لا تشتري من حاولوا يخسرونك ولا تخسراللي فكربيوم يشريك ما فيه أجمل من صديق يصونك ولا فيه أقسى من قريب يعاديك |
رد: ( بيـت من الحـــكـــمة ).. دعوة للمشـــــــاركة...
إِذا سَبَّني نَذلٌ تَزايَدتُ رِفعَةً ... وَما العَيبُ إِلّا أَن أَكونَ مُسابِبُه وَلَو لَم تَكُن نَفسي عَلَيَّ عَزيزَةً ... لَمَكَنتُها مِن كُلِّ نَذلٍ تُحارِبُه |
. . ما قل دل .. وزبدة الهرج نيشان ......... والهرج يكفي صامله عن كثيرة والذم ما يهفي للاجواد ميزان .......... والمدح ما طول إيدين قصيرة راكان بن حثلين |
رد: ( بيـت من الحـــكـــمة ).. دعوة للمشـــــــاركة...
أحدٍ حضوره باقيٍ في غيابه=وأحدٍ حضوره لو حضر كنّه غياب! |
رد: ( بيـت من الحـــكـــمة ).. دعوة للمشـــــــاركة...
ياكثرهم لاقلتلك عرفت وجيه ... وياقلهم لاقلت قدر ومعزه رجلً تعزه بعد ماتلــتقي فيه ... ورجلاً قبل لاتلتقيبه تعزه |
. . الرابح اللي من الهرج الحرام إستـراح يصبح على ذكر خلاقه ويمسـي عليـه واللي يريد الفسـاد ولا يريـد الصـلاح متـمـردٍ ما يـخـاف الله ولا يتقـيـه فيصل الرياحي رحمة الله عليه وأسكنه فسيح جناته |
رد: ( بيـت من الحـــكـــمة ).. دعوة للمشـــــــاركة...
تبي تشوف الذل في صورته صح=شف دمعة الفرقاء على خد رجال |
. . . تصدق إن الوقت هذا غير وإن الناس غير ؟؟ .............. وتصدق إن ماعاد باقي شيء حتى تخاف له شوف الاسد يمشي على راي المهاه ولا يشير .............. والمشكلة .. لاهوب مستغـرب .. ولاهي جافله !! وتصدق إن اغلب رعاة الحرف خوّانة ضمير .............. شـفـت الادب هذا يبيعونه لنـظرة سافله |
. . الجمايل من بذرها في الخُمام ....... مثل من يبذر بصبخ الأرض حبّه لو سقاها الماء على مر العوام ........ ما جنى محصول ماه إللي يصبه |
رد: ( بيـت من الحـــكـــمة ).. دعوة للمشـــــــاركة...
|
رد: ( بيـت من الحـــكـــمة ).. دعوة للمشـــــــاركة...
يارفيق يحـد السيـف ويسلـه =كل ما أقفى رفيقه حش عرقوبه رفقة مالهـا مذهـب ولا ملـه=يالله العفو والغفـران والتوبـه |
[justify]
درست فالدنيا على يدّ الظروف اربع مواد ......... الحب. والاصحاب. والاقراب. والوقت الردي الحب:- يعطي للغريب بلاد لو ما هي بلاد ......... والعاشق اللي ماطغى عقله على القلب يغدي والصاحب:- اللي بينك وبينه حصل ملحٍ وزاد .......... أوفي معه لكنّ لاتضمنه وتروّح فدي امّا القريب:- اعطه حقوقه واخذ خط الابتعاد .......... خلك بعيد تصير في عينه مثل نجم الجدي والوقت:- لا تعطيه وقت يلبّس ايامك سواد .......... عش يومك وخل امس مات وخل بكره يبتدي وليعذرني الفاضل خلف الغريب على الاطاله في الابيات للضرورة معليش ياسيدي :) |
رد: ( بيـت من الحـــكـــمة ).. دعوة للمشـــــــاركة...
من طاح .. من عينك ؟؟ ومن فيه ماطـاح ؟؟ ذي طيبتك .. واليوم .. تدفع ثمنها : : : حتى لو انك كنت .. صاحي .. ولمـــاح أصحاب ( كيف الحال ) محدٍ .. ظمنها : : : صفو على جمر الحسـَد .. والعـفن .. فاح ولمت عفون الخلق .. ريحة .. عـفنها : : : يالله دخيلك .. كلـها .. شالت .. رماح حتى الوغـد قام .. يتخمش رسنها : : : مات الحيا والمرجله .. دمها .. ساح كلٍ كشف .. عن سوء نيه .. دفنها : : : دامه .. زمن عقرب ، وحيه ، وتمسـاح خل الأسود .. اتنام .. ماهــو زمنها : : : قالولي انطح .. صيحة الصوت .. بصياح واعزل احرام السالفه .. عن كـفنها : : : قلت الخساره بالردي .. عندي ارباح ومثلي .. يعلي هامته .. ماطـمنها : : : ترسي جبال طويق لا هــبت ارياح وانا من اول .. ماخذ الراي .. منها : : : اقولها وانا .. مروّق .. ومـرتاح شل الله .. لسان العـفون .. وبدنها |
يا شارب الدخّان .. شاربك لا طال إياك .. وأيا واحد(ن) جاز دونه ما دام به نقص على الحال و المال .... أيضا... و شرّابه يدمر سنونه |
محبة الناس خير , وطاعة الله فرض ! وعمر البنادم ماهو من ضمن ملكيّته كم واحد ٍ تحت الارض وسيرته فوق الارض وكم واحد ٍ فوق الارض .. وسيرته ميّته ! |
يا قلب لاتشره على بعض الكلام وأحذر على هرج الضعيف تكايده الصمت حكمه ماتلحقني مـلام وبأسباب صمتي تشتعل وقايـده |
لسانك حصانك يصونك ليا صنته وان كان خنته ترى تكثر خياناته.. |
بعض البشر طبعه مقدر ومحشوم وبعض البشر عيبً عليك إحترامه اللي ستر عيبه عن الناس بهدوم وش يستره لا صار عيبه كلامه |
هـذا الزمـان اللـي عيـوبـه تماتـيـك يصفـي معـك مـره ومــرات يحـزنـك فكـر بـدربـك ثــم مـيـز مواطـيـك وحـذرك مـن دابٍ يحنـك القـدم حـنـك فيصل الرياحي رحمة الله عليه وأسكنه فسيح جناته |
الساعة الآن (04:03 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه