طبـع حبـك بقلبـي والايـام مـا تمحيـه = هـذا هجـرك يحـاول يموجـه ولا ماجـه
يموت الأمـل لكـن ضنـون الغـلا تحييـه = وعروق الوفـا فالـروح والقلـب وجّاجـه
خبرتوا حـد ٍ يبكـي علـى واحـد ٍ يبكيـه = وخبرتوا حـد ٍ مسجـون مايبغـي أفراجـه
احبه ولا ابغضتـه علـى شـي ٍ إيسويـه = ولا زالـت أرقـاب الرجـا فيـه منعاجـه
عسى منزل ٍ ضمه حقـوق الوسـم تسقيـه = وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه امسلّيـه = وغدت روحي من النـاس والليـل هجّاجـه
اروح لمكـان ٍ خابـره ..خابـره ياتـيـه = اسوق القدم صوبـه وهـي مالهـا حاجـه

دايم أستر دمع عيني ستر عـوره = والاّ أنا ياما تضايقـت ..وبكيتـك
أوّله يوم الغـلا فأربـع شهـوره = وآخره في يوم جيـت ولا لقيتـك
أعتبر مسياري لجارك.. ضـروره = لجل أوقّف موتـري قـدام بيتـك
وأنتظر لي ربع ساعة.. عند سوره = ماخبرت أنك دخلته.. ماأحتريتـك
وأنت تأخذني على عميا مشـوره = مسرفٍ بي لارحم حيّـك وميتـك
تحسب أنّي ناسـيٍ حبـك ودوره = لو نسيت أبوي وأمّـي مانسيتـك
الله اللي حطّ لك في العين صـوره = والله أن يمحـا نظرهـا مامحيتـك
تلمحـك روضٍ يقلدنـي زهـوره = ناعمٍ لـو أنّـك بتوكـل ..كليتـك