ياصاحبي والى خلـق ريـش للطيـر=الـوقـت حــارة فضـتـه مــن نحـاسـه

شفـت الرفيـق الـي يـزف التباشـيـر=جانـي وفـي وجـه رســوم النحـاسـه
اخـتـار شــره عـقـب مـاكـان للخـيـر=وشفتـه يقـص جـذوع طيبـه بفاسـه
الصدر ضايق بطلق الرجل للسيـر=وادري مـجــاراتــك تــهـــل الـونــاســه
بنزف بدلو الضيق من باطن البير=وبـعـطـي عـــدوك يامـحـمـد دراســــه
طبـع الـردي مايكتمـل فيـه تقصـيـر=لــو هــام راســه مـاتـعـدى مـقـاسـه
يـاكـم تعـلـو فالمنـابـر عـــن الـغـيـر=يـبـنــون دنـيـاهــم بـــــذل ونـجــاســه
يجزون راع الطيب من كيدهم كير=وعـن كيدهـم للطيـب درع وحـراسـه
الضيق لو عـاب الرجـال المناعيـر=كـان الزمـن بيّـن مخـالـب بسـاسـه
يامحمد الخافق من العام بـه زيـر=دقــه عـلـى صــدري مقـطـع لبـاسـه
لـكـن ابـدعــي ربـنــا يـجـلـب الـخـيـر=مــع اللـيـال المقبـلـه طـيــب نـاســه

يـامــرحــبــا اعـــــــداد ورد الــنـــواويـــر=واعـداد مـن حـط النـفـل فــوق راســه


واعــــداد خــيـــلً لـلـنـشـامـا مـغــاويــر=اهــل القـنـا والطـيـب واهــل الـفـراسـه


تـرحـيـبـةً تـمـســك عـلـيـهــا طـوابــيــر=وياقـف عليهـا مــن بـراسـه سيـاسـه


الـذ واصفـى مـن حلـيـب المصاغـيـر=للـشـاعـر الـلــي يسـتـحـق الـريـاســه


ياصاحبـي دامــك عـلـى جـمـة البـيـر=وعنـدك عـلـى درب المعـالـي فـراسـه


خذها من اللي صور القاف تصوير=وعنـدة علـى بـدع القـوافـي حمـاسـه


احـذر ترافـق شلـة صوويـر وعوويـر=اهـل الــردا والخـبـث واهــل النجـاسـه


وايــاك تـقــرب نـافــخ الـزيــر والـكـيـر=تــــرا الــبــلا يــاخــوك داخــــل لـبـاســه


خـلـك مــع الـلـي مابقـربـه مخاسـيـر=رجــلً يـنـومـس بـيــن ربـعــه ونـاســه