ياللي تناديني على بعد وين أنت = قرب ترى من بعدك الشوف ظلم
ان كنت وأن ماكنت أعلمك ياكنت = الجاهل الياضاع مثلك يعلم
دامك على غير الحقائق تكلمت = مابه غرابه لو تنام وتحلم
توك صغير الياكبرت وتعلمت = علم صديقك بالزمان يتعلم
وانا الحقيقة شفت لا ! ماتوهمت= شفت البعير اليوم صار يتكلم
والناس بين الخوف والشك والشمت = والظالم المظلوم صار يتظلم
ياهاجسي ياهاجس الشعر لاهنت= عن مبتدأ الامرين درس وعلم
أنا المعلم وانت مني تمكنت = اليا دعيتك بالحقائق تولم
مابنفع التظليل والخوف والصمت = والعين تدمع والضمير يتألم
ضفرك تقصه بس بالضفر يالحمت= بسيط لكن بالحقيقه يألم