رد: "كـــــثر الغموض.. اللي سكني وضوحــــــــــــي"
تكفى حبيبي حس بالشوق فيني=وارحم محبٍ دايم الدوم شاريك تكفى على شاني تحس بحنيني=ارجوك قدر من يعزك ويغليك حاول قدر ماتقدره تحتويني=حقق منايه لجل احقق امانيك ابيك اقرب من دموعي لعيني=ابي اكحل دايمٍ ناظري فيك واذا ظروفك يمنعنك تجيني=معذور لو قلت عليه خطاويك لكن طلبتك راحتي فاثنتيني=ان كان تبغاني رفيقة مماشيك صوتك ابد لاتقطعه ياضنيني=خله يغذي روحي الي تهاويك ولا على الجوال يانور عيني=لو بالرسايل تنتعش روح غاليك واذا حرمت القلب هالحاجتيني=وطولت بغيابك وعذبت راجيك تكفى اعترف لي قولي ماتبيني =واني انا غلطه بصفحات ماضيك |
رد: "كـــــثر الغموض.. اللي سكني وضوحــــــــــــي"
يااااويل قلبي منك ضيعني الشوق
..................وياويل قلبٍ عنك ماهو بسالي سلبت عقلي واصبح القلب مسيوق .................يمشي دروبك بالهوى مايبالي |
رد: "كـــــثر الغموض.. اللي سكني وضوحــــــــــــي"
من ذابت إيدي في راحات يدينك=عرفت طعم الحياه ولذ عيشتها واني من اليوم صعب اعيش من دونك=يانور دنيا غموض ويا سعادتها |
رد: "كـــــثر الغموض.. اللي سكني وضوحــــــــــــي"
ياقلبي اسمع قبل لارحل واخليك=وافارقك غصبٍ علي يالحنوني بودعك ربي وعلى نفسك اوصيك=احرص عليها وانتبه ياعيوني ولاتحزنك فرقاي والموت يبكيك=ولا تكدر لاسمعت ادفنوني يكفي عطاك وصبرك لاقل معطيك=ايام عن كل العمر عوضوني واستسمحك لو مر به يوم مشقيك=ابي تحللني وتسمح ضنوني |
رد: "كـــــثر الغموض.. اللي سكني وضوحــــــــــــي"
.
. . . . قال الجديد وقلت مامن جديدي!! ........................الا الشقا والجرح وطعون الايام وصكات بقعا وافره في رصيدي ......................تنمو مرابحها على مر الاعوام |
رد: "كـــــثر الغموض.. اللي سكني وضوحــــــــــــي"
.
. . . . . العيد عندي يامها صار عيدين=مدري على ايا عيد بتعايدني انتي على عيد الضحيه تهنين!=وانا معيد قبلها صدقيني!! عيدي بخمس ايام من قبل الاثنين=واليوم سابعها مع المسلميني ياليت عيدي يعاد في كل شهرين=ولا مثل عيد السنه مرتيني |
رد: "كـــــثر الغموض.. اللي سكني وضوحــــــــــــي"
اغيب وتشغلني ظروف الليالي=وارد مشتاقه لصفحات ويلان ودي اعانق كل حرف ومقالي=واطير برجائه على كل الاركان ووصل إلى ركني واهيم بخيالي=مره جنون ومره افراح واحزان ولاضاق صدري فوق قدر احتمالي=له اتصفح واشتكي جور الازمان ماقول ينقدني ولا له سؤالي؟=لاجيت ناشبني ولاغبت زعلان!! |
الساعة الآن (05:47 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه