المشاركة الأصلية كتبت بواسطة فايز البذيلي ضاحك لك زمانك واخدمتك الظروووف,,,كل ماقلت وينك قال:عذري معي

ودّنـا بالطيب لكن ّ الزمن جحاد طيب = كل ماتخلص مع العالم كنك تغشها
يدك لامدت عطا لاتحرى وش تجيب = كان جاتك سالمه حب يدك وخشها

لو إنها بخيول وقلوب وسيوف = كم واحد ٍ من طاشر الدم زوّع
ربعي بني وايل من الحد للجوف = مافيهم اللي لظلم الليل خوّع

لو طاحت انفوس الرياجيل ماطيح = عليت نفسي للعلا واعتلتبي
اقدر ضروف الوجيه المفاليح = وابقى على هقواتها اللي هقتبي
واذخر فواعيس الرجال الطحاطيح = اللي ليامن جيتها رحبتبي
قولة هلا واقلط على هبة الريح = ثروة غنا فيها اغتني واغتنتبي
ماهو كلام ملاعبين المسابيح = اللي نموذج كتبهم غير كتبي
اتصوم وتصلي قيام وتراويح = لكنها في الشذب ماقصرتبي
عيال رعيان الحلال السواريح = لو حصلت ضحكٍ علي اضحكتبي
لولا العصا كان الكلاب النوابيح = عن مشرب العد العذي صدرتبي
والصبر زين وللغنايم مفاتيح = واكحل عيونٍ بالحسد تلتفتبي