عهدنا بالنـاس والدنيـا نظيفـة=والمحبة صافيـة بيـن البرايـا
ياعفيفـة فالصبايـا ياعفيـفـة=يالطهارة يالشرف يا احلى مزايا
لاشرهتي شرهتـك والله عنيفـة=قلع من داس الخمل ولا الخطايـا
السخيفة ماتجيـب الا السخيفـة=والعـوارف ماتخليهـا قضـايـا
التجاهل سيـد الموقـف وسيفـه=وانتي اكبر من هروج ومن حكايا
ياظريفـة ياشريفـة ياطريـفـه=والله ان مالك شبيـه ولا حلايـا
ان زعلتي كلمتـك كنهـا قذيفـة=وان رضيتي راحت افكاري سبايا
يحسبونك جاريـة ولا وصيفـة=مادروا بأنك على روس العلايـا
فالسوالف يحسبون انـك وليفـه=مادروا بأنها من الخاطر عطايـا
لاتصدقتـي عليهـم ياشريـفـة=يحسبون انـك وقعتـي فالمنايـا
مادروا بانك مع العالـم لطيفـة=حسبي المولى على ذيك النوايـا
الكلام الشين يكتـب فالصحيفـة=والكلام الزيـن تنقلـه الروايـا
يانفوس الشر لاصرتـي خفيفـة=مابقى من هيبـة الكاتـب بقايـا