المشاركة الأصلية كتبت بواسطة صالح العرجان جاني يبا العز بالصوت يترجانـي ودقيت صدر الحميا لجـل غاليهـا والحين وشلون يسفهني وينساني صحيح ما للحميـا غيـر راعيهـا

اقبل يحرك خطوت الساق برفوق=والقاع لمصافح خطاه ايتشوق
مخلوق لاكن ماهو بأي مخلوق=على بنات آدم وحوا تفوق
عليه لبس يجمع الوسع والضوق=اموسعٍ بعظه وبعظه مضوق
مر وتعدا مابدا منه منطوق=إلا انه ابجيش المفاتن امطوق
خلاني امشي وقضب الدرب واتوق=ماني بتايق سكر لاكن متوق
تقول مرميٍ على الارض منفوق=ولا من السم السقطري مذوق
يضفي علي اشوي وشويٍ افوق=وقول لستيقضت والبال روق
مادام لامعوق ولا صايبه عوق=وراه يمشي مثل مشي المعوق
واللي على حاله خطر من هل السوق=مفروض يمنع مايروح ايتسوق

ماني مطيب خاطري يوم انا اقول = لكن حرام ابلع سكوتي وانا حي
لو الوفا عند البشر "سيف مسلول" = كان " الغدر" ماصار بااجسادنا " كي"!!
نسعى نذل الصبر ونعانق الحول = ونحلم ولا بلل ضما حلوقنا المي
نكتب "بقايا اللغز" واللغز "محلول" = نحسب مسار الوقت والوقت لا شي
واللي يصب الحزن والرمش مبلول = مااظن يوفي لاامتلى خافقه ..غي
ومابه ثمن يوم اني اسكت ولااقول = دام الجروح بثومة القلب هي هي !!

قصيده من بداياتي في الشعر

حسبي على الهوجاس وجروح الايام=حسبي على دمعٍ نشف وسط عيني
عجزت لنثر دمع عيني ولا رام=دمعي من جروح الليالي كنيني
ليته يعبر عن شقا قلب منظام=وحط له قبل ايتناثر يديني
وقول هذا اللي ذبحني من العام=وفرقه مابين همي وبيني
مير البلا عيا يعبر عن السام=اللي بصدري من ثلاثة سنيني
اشكي على دمعي ونا منه بسقام=وبكي على نفسي وجاوب حنيني
اكتم بلاوي خافقي دون علاّم=مادام دمع العين باقي سجيني
لوكان دمع العين في حبر الاقلام=يمديه من فوق الورق يشتكيني
واليوم دمع العين سبب لي اسقام=عجز يجيب اللي بقلبي سجيني

تقـــــديــري