حبيبي ترى مركب غرامي بلا ربان=خذاه البحر للي جـزر مـده احيانـي
ذبحني ضمأ شوقي وانا بالبحر غرقـان=أعـّرفـه خذانـي وْماعَرف ويـن وداني؟
زراق السماء والبحر واللؤل والمرجان=وليـلن نجومـه بالمـسـاء شكلـهـا ثـانـي
تحريت نور الصبح يطلع وأنـا سهـران=وطال انتظاري والرجا طال ماجاني
تصافـق بـي الامـواج . يـارب . يارحٌـمـان=واكـرر دعـاء يـونـس واردّده بلسـانـي
عليك الفرج يامجري الريـح والطوفـان=إلــهٍ خلقـنـي مـــن عـــدم ميتنـاسـانـي
عليّه أعتمدت ولا اعتمادي على الانسان = هو الخالق الدايم وعمر البشر فاني
أنا مارجيت مجازي الطيب بالنكران= انا اكبر من الشرهات وحكاية احزاني
شربت الوفا والتضحيه للوفا عنوان = وابقى على مبداي وسلوم جداني
لا باروا الاصحاب وخانـوا بـي الخـّلان=واقــرب صـديـقٍ صــد عـنـي وخـلانـي
رفعت النظر والكف لك ياعظيم الشـأن=ودعيت بأسمائك عظيمات الاحسانـي