ياشينها وان جت من انسان تغليه=تبي غلاه وصعب ترضي مزاجه
تحتار من كثر العتب والمشاريه=وتخاف من قول الصدق والمواجه
مدري خطاي اني له السر مبديه=وصادق ولا اخبي عنه اي حاجه
والا خطاي اني من القلب مغليه=حتى تمكن من خفوقي وتاجه
ياكيف تلعب به ظنونه وتعميه=مايدري انه نور قلبي وسراجه
بالله ياكل الغلا كان تغليه=لاتجرحينه وتفرحي بأنزاعجه
قلبً يحبك يالغلا لا تعنيه=بالذات لاصرتي دواه وعلاجه

يمرّ لك في أيسر الصدر طـاري=من ليلة غيابك الى اليوم ما غاب
متى بتجي ؟ مليت كثر إنتظاري=لا لاح لك زولٍ ولا دِقّ لي باب