يازينها لا جيت يمي وتحديت=كل اللي في قربك وحبي تحدون
يا صويحبي عمري انا ما تمنيت=واليوم منوة قلبي انك لي تمون
وياشينها لاجيت يمك وصديت=كني من اللي يذبحون ويخونون
القلب جايع وانت منه تعشيت=الضيق سفره والنذاله له صحون
الغدر كشنه والخيانه لها زيت=والزيت يصلاني بعد ما اتعشون
وفضالتك تبقى على قلبي يا ميت=وافعالك القشرى شبه فعل صهيون
غرست حبك با الحشى ثم شديت=وحركت ما با القلب وما كان مدفون
ياليت ما تنفع ولا ظن ياليت=تشفي جريح باشهب الحظ مطعون
لاكن انا باقي معي تالي البيت=هامان ماضره تلاعيب فرعون