يازمان الصمت زعزعت المقيل=طال صمتك واظلم الليل بسمـاي
يازمان الصمت قلي وش تشيـل=سار وقتي وإبتدت لحظة عنـاي
يازمان الظيم لـو تشعـل فتيـل=تقبس النيران في داخل حشـاي
يازماني منّـك الخافـق عليـل=فيك ذقت المر مدري وش خطاي
سارت اقدارك ولاعنهـا سبيـل=جابت الموت المحتم مع شقـاي
والشقا فراشي وانا فيـه القتيـل=والجروح وحزنها صارت غطاي
الشقى كنه يقـول انـت البديـل=والكفن كنه يقول المـوت جـاي
طالبك لـي بـدل الليـل بقبيـل=علني انسى عذابي فـي هنـاي
ويازماني ليتنـي اهنـا واقيـل=استريح من التعب واعلن صفاي
الهنا حلم ٍ نمى وقـت الرحيـل=والتعاسه عايشـه دايـم معـاي
ويازمانـي لانخيتـك لاتمـيـل=لاتقفـي يازمانـي مــن وراي
ماطلبتـك يازمانـي مستحيـل=إترك الميلات واجزل في عطاي