لاجيت ابسجل حضوري تكدرت=ماللحضور بغيبتك اي داعي
ياللي على قلبي ونبضه تصدرت=مدري علامك صرت للبعد ساعي
مدري نسيت الحب ولاتكبرت=وقتن جمعنا راح كله ضياعي
مادام هذا دربك اللي تخيرت=بحاول انسى كان لي قلب طاعي

خايف ..من البعد.. بغيابي يجبونك=وتنسى غموض..وتساهل في..محبتها
والله لو..مثل ..عرفي لك ..يعرفونك=حبوك..كل البشر..وصورك ضمتها
وداعتك..قلبي ..المفتون مجنونك=يومن ..نفسك ..تنشد عن ..وداعتها
وانا اوعدك..ياعديل الروح..ماخونك=لو هي بنظره ..عيوني غصب سلتها

مايقتل الحب غير اهمال خلانك=وقل العطا بالمحبه وانت محتاجه
اذا وصلت بغلاه لشدة ادمانك=وبدا ظلام الليالي يخفت سراجه
عز المشاعرعليها صك بيبانك=ماتستوي لك دروبن دوم منعاجه

عيدك مبارك صاحبي وين ماكنت=ازف لك اجمل حروف التهاني
يالي من عروق الغلا بي تمكنت=كل عام وانت بدنيتك دوم هاني
والعيد عندي مايكمله غير انت=لاشفتك بعيني ولوهي ثواني

ليت الصدر ضايق ولاضاق صدرك=وليت الزعل جنب طريقك وجاني

والله مابالكون شخصن بقدرك=يامصدر الفرحه ونبع الحناني

لاغاب صوتك ياحبيبي تضايقت=ويزيدهمي لاقطعت الرسايل
لاتغيب وانت اللي بدنيايه اشرقت=دمعي اليامن غبت يصبح همايل
جاوب ندايه يالغلا كل ماشتقت=يكفي بعادك عاملن بي عمايل

مايرقد المشتاق ولايعرف النوم=عطشان وصلك في رجا يزول همه
كنه رضيعن ماله ايام مفطوم=يبي حنان الام والصدر ضمه
لاتحرمه مايكفي العمر محروم=باقي سنينه احتوه ثم لمه

ياصاحبي لو تجرب حرة الغيره=مالامتني يوم لجلك جنت جنوني
من ضيقتي عفت كل الخلق والديره=عايش لحالي بهمي فيك وظنوني
وكثر السهر ياحياتي بان تأثيره=الحال يادنيتي من دون في دوني
لو الامر في يدي واملك تدابيره=حرمت كل البشر للصوت يوحوني
محدن يشوفك ولو نظره وتسكيره=حتى اسمك اللي عشقته مايشوفوني
اقبل انانيتي بالحب والغيره=هذا انا لاملكت الشي بجنوني

ترضى بقلبي..لك خشيرن..يشارك!!=ترضى تكون..التكمله في..حياتي؟؟
وشلون لي ترضى..عسى الله يسامحك="قلبك" لغيري تفتحه..ياغناتي!
نفس المشاعر// يالغلا شفتها..منك=تنزف..لغيري وبه..تسوي سواتي
جرحتني..وانا عن الخلق ..رافعك=مكانتك..محدن وصلها ..بذاتي
اخلصت لك "بالحب" ماجيت ..اجاملك=اعطي ولافكرت/وش منك ياتي؟
من وين ماودك ..على الكيف..اطاوعك=وصدمتني..هذا العشم..والجزاتي
خسرتني..ماهو انا اللي..ابخسرك=صعبٍ..تلاقي شخص يحمل ..صفاتي

في هالزمن يانوف شفت العجايب=وشيبت من هول الالم والكسافه
قامت على قلبي تتالا المصايب=ما فيه هم الا سكن به ولافه
همن على قلبي مجند كتايب =في داخله شرع وبان احترافه
اثر المرض يانوف جرح الحبايب=ماهو وجع بالقلب صرنا نخافه
وخيبة رجا باغلى غلا والصحايب=واللي نشوفه غير والغير شافه
اللي رحل وخلا دياره خرايب=واللي قتل زرعه بموعد قطافه

يارب رحماك تفرج لي وتجلي الهموم=جيتك بحزني كسيره مثقله بالعنا
يارب تعلم بهمي لو لهمي كتوم=ياخالقي انت تعلم وشكثر ضعفنا
يارب حزني تجمع وسط قلبي ردوم=ونسيت طعم السعاده والفرح والهنا
يارب حتى نفس صدري احسه سموم=يحرق اذا ذاب باحشائي ويحرق هينا!
يارب دمعي على خدي غدا له وسوم=ينام منهو ظلمني والسهر لي انااا
يارب ماغيرك اشكيله سوات الظلوم=تاخذ بحقي قبل لاموت واصبح فنا
يارب انت اللذي تعلم جميع العلوم=تعلم خوافي قلوبن ودها ثبرنا
يارب حسبي عليهم كل ما اصبح وانوم=يارب من كل ظالم تاخذ بحقنا

مادريت/ ان الدمع/ راحه=لين/ جف الدمع /من عيني
لاذرفته/ اشعر / براحه=عن هموم / النفس / يلهيني
بلسمن / للقلب / وجراحه=كن / معي اللي / يواسيني
بس ادور/ عذر / لطياحه=من / تجمل بي / يبكيني!!

دكتور تكفى..لاتعالجبي ..امراض=ابي عذر..لاقالوا الناس ..وش فيك؟؟
اكتب لي..التقرير..واسباب الاعراض=وخل الدوا..عندك لمرضان..ياتيك
ابي ليا قالوا..علام الدمع ..فاض!!=ولا علامك..ناحله ويش ..مخفيك!
اقول دمعي..من ألم ..داخلي هاض=وحالي من ..اسباب الوجع دون تشكيك؟

يارب ..لو همي بروحي .. كميته=عليه متطلعن.. ولو صكت .. ابواب
ان بحتبه .. ولا بقلبي ..خفيته=انت اللذي .. تعلم خفيات .. الاسباب
ياااارب ماغيرك..دعيت .. ورجيته=لانامت.. عيون البشر.. والقمر غاب
محدن يمن .. بشي ربي .. عطيته=وليا خذيته .. خابه كل .. جياب
الطف بحالي .. يارحيمٍ .. دعيته=يارازقن .. خلقه بلا علم..وحساب
فوضت لك .. امري وحالي .. شكيته=ماخاب من .. يرجي لرحمتك .. طلاب

ضيق وسهر واحزان ليل وكوابيس=اليا متى والضيم حكمه اعاني
همٍ بصدري مثل نار القراطيس=تشب دون محاوله في ثواني
جود بقلبي مثل نبت المغاريس=اللي بعد وسمٍ من الخير زاني
اعيش بالدنيا حياة المفاليس=والارصده همٍ ذخره الزماني
يالله ياعالم بحال المتاعيس=تزيل حملٍ فوق الاضلاع باني
ترحم حياة اللي غزته الوساويس=لوهو ضحك يعيش ضيق الثواني

جامل بكل احساس بالكون جامل!=الا مشاعرحب وهيام الارواح
حنا بشر منهو بنا شخص كامل=نخطي ونرجع بعد مانخسر ارباح
ياصاحبي كانك على القرب صامل=تعاااال قبل الموت هدام الارواح
شوف الدمار بقلب مغليك شامل=وشف العزيز اللي بعد غيبتك طاح
حاصره همه بين عدة عوامل= ارضاك /وغيابك / وقربك /والاصلاح
حتى النفس من بعد فرقاك خامل=انت اكسجينه موطنه مصدر افراح

ما انته بيمي..لوتقول انك معي!=وين المحبه..والغلا والاهتمام؟
اول تبي قربي..وتسعى له سعي=واليوم تستكثرعلي..حتى الكلام
باصبر على وضعك..واعالج بوجعي=ولاني عليك..مدوره كثر الملام

وانت معي اشتاق لك كيف لورحت=تروح روحي معك ياروح روحي
مثل الطفل باشماغك اتعلق وصحت=لاتغيب عني قبل تبرى جروحي

لاصرت ماشعر في غلايه وانا حي=لامت ماينفع بكاك ونحيبك
تعال بدل ظلمة الليل بالضي=ابي احس اني غلاك وحبيبك
وان كان ماتبغى غلايه ياخي عي!!=جمالةٍ كمل بها اليوم طيبك

البارحه جوه من الضيق مخنوق=والقلب وسطه هم مجهول الاسباب
واليوم صبحه مظلمٍ مابه شروق=جانا خبر نور البلد اظلم وغاب
الموت حق وذايقه كل مخلوق=امر الولي تخضعه نفوس وارقاب
مرحوم ياسلطان من قلب محروق=قلبٍ على فرقاك ثكلٍ ومنصاب
ياعل قبرك روض وجنان وبروق=وفي جنة الفردوس تجمع بالاحباب

مدري علام الليل ولا علامي؟؟=لاقبل ظلامه ضاق صدري ومليت!
ياليتني ماشعر ولا اوح الكلامي=لاضاق لي صدرنٍ ولا الدمع هليت

ويلك من الله ليه تعشق عذابي=هو ليه من يغليك تهمل شعوره
لا باغين بعدي وتخشى اقترابي=اصبحت عندك مثل برواز صوره
لو زدت جرحك فوق جرحٍ سطابي=ماني على الفرقى وبعدك جسوره
والا انت مهو اللي عنى البعد هابي=كل يوم عن دربي اتقصر شبوره
ان كان قصدك ناويٍ بالذهابي=ترى الزمن قبلك سقانا احروره
باصبر على بعدك وداوي صوابي=والصبح عقب الليل يشرق حضوره

ضايقٍ صدرك وانا مثلك ابضيق=كف دمعٍ فوق خدك تهمره
دمعتي باسباب دمعك جت تويق=غطت الاوجان والليل اسهره
الزمن حملك في ما لا تطيق=والفرح جو الكأبه كدره
كلنا وياك في نفس الطريق=كل مانملك حبيبٍ نخسره
عايشين وداخل الخافق حريق=وكل حرمان الخلايق نشعره
انت محرومٍ من امك لك شهيق=وانا حرماني من الله قدره
لك باكون الام ولا ودي افيق=حلم ودي به من اسنين انطره
حط همك وسط قلبي لاتضيق=وانا عنك الهم والحزن اصهره

مال هذا العيد فرحه او طعم=ياثقل دمه على القلب الحزين
اتصنع والسعاده به عدم=وكل خلق الله بفرح معيدين
دام مات الحظ والحلم انهدم=ماتواسيني جموع مهنئين

يانوف وجه الحقيقه بان لي عاري=وبانت خفايا نفوسن تدْري خلفه
ياليت يانوف بسود قلوبهم داري=والنفس تقرا خفايا انفوس مغتلفه!
اليوم طاح القناع وشفت مقداري=ارواح متباغضه واجساد مئتلفه
خلاص عفته كرهت اسمه مع الطاري=وعاداه قلبن عصاني كان من حلفه
هذي النهايه بعد ماكنت له شاري=هديته لي نهار العيد مختلفه؟؟

عندما شاهدت مادونته الاخت الغاليه (غموض الشمال)
اتضح لي مامعنى ذلك الغموض وقرأت سطور لم يقرأها غيري
وفهمت...ماتخبيه ..تلك المعاني
وبكوني اعمل في الاعلام..شاهدت الكثير
ولكن لم يؤثر بي كماهو ذلك الغموض

ياغموض الشمال الحزن ماله وطن=اضحكي جعل ربي يسعد اهل الشمال
لاتهزك جروحك لو عليك كثرن=شابهي في ثباتك نايفات الجبال
دنيتك ماتجينا بالتمني ولن=ينعم بظلها من كان فوق الظلال
امسحي من سنينك ذكرياتن مضن=وسافري من مرارة واقعك للخيال
ليه ياختي حروفك بالعذاب اكتسن=ونزلن دمع شاعر فوق خده وسال
للفرح في حروفك وردتين اذبلن=مرهن غيم صيف ولاسقاهن زلال
وحظ طفله رماها والزمن مايحن=ولانفع معه طيب ولايجي بالقتال
داهمتها المصايب وكبرت وكبرن=لين صار الغموض بأسمها اصعب سؤال
في كفوفك كتاب وشعر فن ووزن=وفي عيونك مدينه هزها الاحتلال
عيشي احلام عمرك لو طموحك يون=وقاومي هالتعاسه دون كلمة محال
من يوجه ركابه بالطريق اوصلن=ومن نوى للسعاده قام شد الرحال
انتي اختي بقلبي لاجفاك السكن=ودام اخوك "السفير" الحزن ماله مجال
لي ثلاثة خوات ومع غموض اكملن=صاروا اربع خوات وياحلات الكمال

ياقلب هون عليك الهم والضيقه=لابد ماتنفرج من بعد الاياسي
تنسيك الايام حلمن صعب تحقيقه=وتنسى مع الوقت من ذكراك متناسي
لو كان لوعة فراقه شي ماطيقه=وفرقاه نست عيوني لذ الانعاسي
حرام لجله ماهل الدمع واريقه=لو ضاق هالكون وضاقت معه الانفاسي
ماهمني صدته وان زاد تشويقه=اليوم قلبي صخر من شدته راسي

غلطانه ارجي من ورى قسوتك لين=وحنان ماشفته معك من عرفتك
قلبك حجر ومغلفه طبعك الشين=لافاهمن وش غايتي ولافهمتك
جرحك كبير وصدمتي فيك ضعفين=قتلتني بيديك واليوم عفتك
دمرت منزالك بوسط الشرايين=معميني الله توي اليوم شفتك
من عقب ماهو مسكنك داخل العين=شفني من افكاري وقلبي حذفتك

يارب منك العوض فيما فقدت وذهب=تجبر عزا النفس فيما منك يرضيها
وتعيضني بعد ماذقت العنا والكرب=وتزيل عني همومٍ قمت ماحصيها
ولا تشمت بي اعدائي وتفرح عرب=تبحث عن اخطاء شخصي ماتدانيها

خلوني اسلى عن التفكير وعلومه= واصد وانسى تفاصيل اول العامي
يومه يجي لي غلا والروح مغرومه=اجيه كلي ويجي لي مندفع ضامي
افرح بوصله واحيي لحظة اقدومه=واحس باشواق قلبه والوله حامي
مافرقتنا ظروف الوقت واحكومه=مايحتمل غيبتي او بعد الايامي
واليوم معيه ولكن منه محرومه=عني تكبر ولا احساس الوله لامي
اكبر غلط شايفه وعليه مالومه=ان الوصل اعتبرته اكبر احلامي
خلاص يانفس بعد اليوم محشومه =والله ماذلك غلا لو هو على اعدامي
اوعدك الاشواق وسط القلب مكتومه=ولاتنقري لو ذبحتك شوق وهيامي
خلاص باسايره واضحك ولا الومه=حتى تموت المشاعر موت الاكرامي

البرد ماهو برد الاجساد يانوف=الزمهرير اللي بقلبي احسه
هذا البلا صقيع في داخل الجوف=ماله دفى لو الجمر به ندسه
يانوف قلبي صار للهم معسوف=كل الهموم الغايبه جت تعسه
لاتشمتين بحال من طاوع الشوف=ماكل من جاله غلا قام جسه
لو ان مايخفي لنا الوقت مشيوف=او (عندنا من غيب الايام رسه)
نقدر على ماقيل نمشي بلا خوف=والادمي مصلوح نفسه يحسه

عادي اشوف انسان وسوس له ابليس=بس الغريب ابليس في صورة انسان!
يارب تكفينا شرور الوساويس=وتعيذنا يارب من كل شيطان

ياطول ليل الشتاء وياثقل ساعاته=يزود فيه الحنين لشوف خلاني
الله يلم الشمل ويقرب اوقاته=اللي وجوده عن اغلى الناس سلاني

يالنت ما انت اكبر همومي ولكن ؟؟
.......................يحدني عليك ضيقي ..وبلواي

والا انت مالك سد لو كنت ساكن
......................تبدي لخلق الله همي وشكواي